العربية فصلت كهرباء

**Amrmagdy87** · 20-02-2013 08:56 AM

امبارح وانا ماشي بالعربية على سرعة 60 تقريبا لقيت العربية مرة واحدة بطلت والكهرباء كلها فصلت ومؤشرات السرعة فصلت والأنوار انطفت وبعدها بثانيتين العربية اشتغلت لوحدها. مشيت بيها وروحت شوية مشاوير وبعدين لما روحت وركنتها وبطلت العربية فبفتح الباب لقيت نور الصالون مش بينور جربت اشغل اي حاجة والعربية مبطلة مفيش اي حاجة اشتغلت خالص روحت مدورها لقيت النور اشتغل. هل ممكن المشكلة دي تكون بطارية ولو بطارية هل تخلي العربية تبطل وهيا ماشية؟؟؟

**gebreel** · 20-02-2013 09:11 AM

انا مش فاهم ازاي اشتغلت لوحدها ثاني ... يعني من نفسها ولا انت حاولت تدورها؟

**Amrmagdy87** · 20-02-2013 09:25 AM

المشاركة الأصلية كتبت بواسطة gebreel

انا مش فاهم ازاي اشتغلت لوحدها ثاني ... يعني من نفسها ولا انت حاولت تدورها؟

اشتغلت لوحدها من غير ما أعمل حاجة

**Amrmagdy87** · 20-02-2013 09:28 AM

المشاركة الأصلية كتبت بواسطة mahraan

هيا البطاريه تفصل الانوار وتخلي العربيه ما تدورش بس طالما العربيه دايره فحتي لو البطاريه فصلت العربيه مش هتطفي علشان العربيه ف الوقت ده بتاخد من الدينامو ... انا شاكك ف اسلاك الكونتاكت او الكونتاكت نفسه لانه هوا اللي يقدر يطفي العربيه وهيا ماشيه علي سرعه

بس هل الكونتاكت يخلي العربية تفصل كهرباء والأنوار تطفي كمان؟؟ وهل برده يخلي الأنوار ماتشتغلش والعربية واقفة ومش دايرة؟؟؟

**كوباية شاى** · 20-02-2013 03:10 PM

اتاكد من وصلات البطارية .. كان معايا عربية لانسر وصلة البطارية كانت بتتهز و كان بيحصل نفس اللى بتقولة بالضبط !!

**georgedada82** · 20-02-2013 03:38 PM

بطارية ولازم تتغير لان بمجرد ما هتبات ليلة او تقعد مدة ما تدورش هتلاقيها بتسرب ومش هتدور او تعتل في الدوارة

**Amrmagdy87** · 21-02-2013 10:57 AM

الحمد لله رحت لكهربائي ولقيت الموضوع بسيط لقيت القواشيط بتاعة البطارية عليها صدأ فنضفها ولغاية دلوقتي تحت التجربة. بس اللي مش فاهمه ازاي العربية بطلت وهي ماشية، سألت الكهربائي قالي في كارته لازم تاخد من البطارية بس مفهمتش قصده.

**mahraan** · 21-02-2013 02:55 PM

المشاركة الأصلية كتبت بواسطة amrmagdy87

الحمد لله رحت لكهربائي ولقيت الموضوع بسيط لقيت القواشيط بتاعة البطارية عليها صدأ فنضفها ولغاية دلوقتي تحت التجربة. بس اللي مش فاهمه ازاي العربية بطلت وهي ماشية، سألت الكهربائي قالي في كارته لازم تاخد من البطارية بس مفهمتش قصده.

الحمد لله انها جت علي كدا بس نصيحه مني غير القواشيط باتنين جداد وريح دماغك

**Amrmagdy87** · 21-02-2013 03:46 PM

شكرا للاهتمام

-

الموضوع: العربية فصلت كهرباء

LinkBack

أدوات الموضوع

عرض

-

-

-

المواضيع المتشابهه

ميجان ٢ فصلت كهرباء

الحقوني العربية فصلت خالص ...

نص كهربة العربية فصلت - تانى مرة

الى اصحاب الخبرةالعربية فصلت كهرباء بعد فتح الكونتاكت

لانوس اتوماتيك فصلت كهرباء

الكلمات الدلالية لهذا الموضوع

المفضلات

المفضلات

ضوابط المشاركة