أسئلة عن النقل من مرور العجمى لمرور برج العرب
أنا رخصت العربية فى فبراير 2011, العربية كانت زيرو ودفعت رسوم 3 سنين وعلقت نمر قديمة عشان المرور كان محروق والكمبيوتر مش شغال, وجددت التصريح ده مرة 6 شهور والمرة اللى بعدها سنة.
كنت رايح متوقع إنه يتجدد سنة كمان ويبقى تعليق النمر الجديدة بالمرة بعد انتهاء ال 3 سنين, ولكن الموظفة رفضت وقالت لى تاخد شهادة بيانات وتروح مرور برج العرب لأن عنوانى تبعه, مرور برج العرب لسه جديد مكانش شغال وقت ماكنت بطلع الرخصة.
المهم لقيت مكتوب فى شهادة البيانات مطالبة المالك بشهادة المخالفات و اللوحات القديمة.
دلوقتى مرور العجمى مش فيه نيابة, ومش عارف أروح أجيب شهادة المخالفات من المديرية ولا من مرور أبيس؟ لأن لما سألت كانت الإجابة مابين المديرية ومرور أبيس وأنا مش عارف إيه الصح؟
ياريت كمان أعرف وقت العمل سواءً فى المديرية أو فى أبيس بالنسبة لشهادة المخالفات لأنه مشوار وخايف أروح على الفاضى.
وهل ضرورى أروح تانى مرور العجمى أعمل أى إجراءات زى مثلاً رفع البصمة ومطابقتها مع العلم إن الفحص لسه باقى عليه سنة؟
وهل هيبقى فحص شامل ولا مجرد رفع البصمة ومطابقتها لأن عندى الفانوس الخلفى مكسور وملزقله الوش بتاعه وفى حتة فى الرفرف الأمامى شمال كانت مخبوطة والدهان متقشر؟
شكراً
