الموضوع: <<< هام وعاجل جدا - دعوة للجميع للدخول - أدب الـخـلاف - >>>

المشاركة الأصلية كتبت بواسطة m.hosni

جزاك الله خيرا يا شيخ خالد
يارب كلنا نلتزم بمثل هذه الأخلاق الحميدة في نقاشاتنا , هنكون أحسن كتير في حياتنا بإذن الله
اللهم إحفظ مصر و أهلها و المسلمين جميعا

وجزاك الله مثله أخي الفاضل

اللهم حسن أخلاقنا كما حسنت خُلُقنا

اللهم احفظ مصر يا رب العالمين

المشاركة الأصلية كتبت بواسطة alaa74

جزاك الله خيرا أخى وحبيبى فى الله الشيخ خالد
ووفقت كعادتك فى إسم الموضوع ومحتواه وكذلك فى توقيته
والإختلاف كصفه سيظل متلازما للإنسان فى كل صور حياته
فكل واحد منا مختلف عن الاخر فى الشكل والطبع والعادات
والسلوك والتربيه والميول والثقافات والتعليم والخبرات
والتوجهات والأفكار والفريق المفضل واللون المحبب .... الخ
حتى أولادنا عندهم الإختلاف ده بنربيهم بنفس الأسلوب والطريقه
لكن هتلاقى منهم الملتزم بطبيعته وهتلاقى المتمرد بطبيعته
فما بالك بالمجتمع ككل ناس مختلفه وأفكار وميول متنوعه
والمنتدى جزء من المجتمع اللى إحنا عايشين فيه .
لكن بيحكمنا قواعد وقوانين وقبلها تربيتنا وإحترامنا لبعض
طبيعى إننا نختلف
اللى مش طبيعى نغلط فى بعض ونتجاوز فى حق بعض
الأعضاء القدامى عاشوا الروح الحلوه اللى كانت بينا فى المنتدى
أسره واحدة كبيره ومتنوعه علاقات قائمه على الحب والإحترام
ما بين الكل الصغير قبل الكبير .ثقافات وتعليم وخبرات ومناصب مختلفه
لشرائح متنوعه من المجتمع
بل مجموعه من صفوه الناس موجوده هنا فى المنتدى .
لكن الفروق ذابت وتلاشت لكن بالإجترام المتبادل
كلنا عند المقابلات بناكل نفس الأكل
وبنتكلم مع بعض وبنضحك وبنهزر وبنلعب
وبنتاقش بود وبإحترام واللى حضر مقابلاتنا عارف ده كويس
الأيام والمشاغل بتاخدنا عن بعض لكن بنسأل على بعض وبنود بعض
كل ده علشان إحترمنا بعض وإتعاملنا بود وبحب وبدون تكلف
المكان اللى بتلاقى فيه إحترام بتكون حريص على إنك تبقى موجود
فيه دايما والعكس صحيح ولو لاقيت المكان ده فيه خناقات
وصراعات وتخوين و...................حاجات تانيه مش هينفع تتكتب هنا
يبقى فورا هتمشى ومش هترجع تانى .

شكرا جزيلا يا شيخ خالد على الموضوع المميز والهادف

وياريت تكون دعوه لنبذ التعصب للرأى والميول السياسيه
ياريت تكون دعوه لحب الغير والمكان والبلد
ياريت تكون دعوه إننا نحب ونحترم بعض
ياريت تكون دعوه إننا نسمع بعض كويس
ياريت تكون دعوه إننا نستوعب بعض
ياريت تكون دعوه إننا نتقبل إختلافنا فى الرأى عن بعض
ياريت بجد نحافظ على بعض ...........................

جزاك الله خيرا أخي وحبيبي في الله بشمهندس / علاء اللشناوي

يارب اهد قلوبنا و حسِّن أخلاقنا ويسر أمورنا

جزاك الله خيرا على مداخلات حضرتك الطيبة القيمة التي دائما ما تثري الموضوع

بسم الله ما شاء الله لا قوة إلا بالله

متّعك الله أخي الحبيب بالحكمة والبصيرة

وصل اللهم وسلم على الحبيب محمد