الموضوع: الحضانات والمدارس في مصر

باذن الله الولد يكون بخير وماتقلقش لكن طالما فيه اكتر من شكوى مفيش مشكلة لو تعرضه على استاذ متخصص فى المجال ده وتشوف رايه ايه وممكن المدام تقرا شوية فى المشاكل السلوكية للاطفال فى السن ده ومن القراءة هاتعرفوا فيه بوادر مشكلة والا الامر طبيعى ومجرد انه طفل صعب المراس مثلا او عنيد او ماشابه من المشكلات البسيطة
بالنسبة لموضوع المدارس فيه مدارس فعلا بتحافظ على مستواها وفيه مدارس بتعملها سبوبة وفى الاخر بيقبلو اللى يدفع وخلاص وده بيبقى باين من حاجات كتير زى مستوى اولياء الامور انفسهم ومستوى نظافة المدرسة فى كل ركن فيها ومستوى المشرفين ومدى الجدية فى التحدث باللغات المقررة فى المدرسة من عدمه والمناهج المصاحبة زى مناهج الاخلاق والاتيكيت
لكن حاليا احنا فى الترم التانى ممكن حضرتك تقولنا مستوى الولد فى التحصيل فى التيرم الاول كان ايه وحسيت ان فيه تحسن فى سلوكه تجاه زملائه ومستوى تحصيله الدراسى والا لا
تمنياتى بحياة سعيدة وهادئة للكتكوت الصغير

المشاركة الأصلية كتبت بواسطة dolly13

باذن الله الولد يكون بخير وماتقلقش لكن طالما فيه اكتر من شكوى مفيش مشكلة لو تعرضه على استاذ متخصص فى المجال ده وتشوف رايه ايه وممكن المدام تقرا شوية فى المشاكل السلوكية للاطفال فى السن ده ومن القراءة هاتعرفوا فيه بوادر مشكلة والا الامر طبيعى ومجرد انه طفل صعب المراس مثلا او عنيد او ماشابه من المشكلات البسيطة
بالنسبة لموضوع المدارس فيه مدارس فعلا بتحافظ على مستواها وفيه مدارس بتعملها سبوبة وفى الاخر بيقبلو اللى يدفع وخلاص وده بيبقى باين من حاجات كتير زى مستوى اولياء الامور انفسهم ومستوى نظافة المدرسة فى كل ركن فيها ومستوى المشرفين ومدى الجدية فى التحدث باللغات المقررة فى المدرسة من عدمه والمناهج المصاحبة زى مناهج الاخلاق والاتيكيت
لكن حاليا احنا فى الترم التانى ممكن حضرتك تقولنا مستوى الولد فى التحصيل فى التيرم الاول كان ايه وحسيت ان فيه تحسن فى سلوكه تجاه زملائه ومستوى تحصيله الدراسى والا لا
تمنياتى بحياة سعيدة وهادئة للكتكوت الصغير

هو الفكرة انه لا صعب المراس ولا حاجة وعرضته قبل كده على طبيب سلوكيات وقال ما فيش مشكلة والاختبار مش منطقى وقال ما فيش داعى لجلسات تخاطب..يعنى انا مش بنكر وخلاص
والولد فى نرسري لسه وقدمناله كى جى 1 ، هو ظهر موضوع العدوانية ده مؤخرا ونتيجة الكرتون اللى بيشوفه ..يعني ممكن يبقى اصحابه واقفين وهو عاوز يجرى ويزقهم او ينط من فوق ديسك والحاجات دى واحنا وقنا الجيمز والكرتون العنيف
لكن مش ده اللى انا اقصده انا اقصد ان بقى فيه تجارة ليها اصول وقواعد اسمها الحضانات والمدارس الخاصة ولها اكليشيهات معينة لازم تتقال وتتعمل
وقولك مثل وجود ناشونال وانترناشونال وسيمي انترناشونال طب ناشونال وانترناشونال دى فهمناها بعد عناء، لكن ايه سيمي انترناشونال؟؟ يعنى لغات مخصوص ..يعنى مدارسنا بقى فيها لغات عادة ولغات مخصوص ..وطبعا السيمي انترناشونال بيروجله بحاجات تانية زى الفصل مكيف والعددد اقل والبورد الكترونى .. طب بذمتكوا مش ده فكر تسويقي ترويجي بحت

المشاركة الأصلية كتبت بواسطة M.ADEL KAMEL

حبيب قلبى ... انتا جايلى فى الوقت الصح انا فى نفس المشكلة تقريبا ...ابنى ربنا يحفظه هو واخوه بدورله على مدرسه لمرحلةkg1 و حياتك نفس اللى انتا قولتله واضف الى ذلك المدارس اللى تقولك حاول تلحق تقدم علشان خلاص الاماكن محدودة جدا و تفتح النت علشان تشوف تعليقات اولياء الامور اللى ولادهم فيهم تلاقيهم بيسبوا و يلعنوا تلاقيها اصلا ...لا ومش محتاج اقولك على المصاريف الدراسية المبالغ فيها ببشاعة ...مخليننى الف حوالين نفسى ... اخرها مدرسة عجبنى التقديم بتاعها فدخلت سألت قالولى التقديم يبدا من نوفمبر و بيحلص فى يناير ...طيب كام المصاريف ؟ ردت قالتلى ٣٥٠٠٠ من غير الباص و علشان توفر كلام قالتلى كل حاجة هتلاقيها على الويب سايت بتاع المدرسة .....و مازلت ابحث عن مدرسة تؤسس ابنى كويس و ماتخلنيش اخد وردية شحاتة عند اى مسجد ....و ربنا يجعل بيت المحسنين عمار

35000 دى يعنى الولدين 70 ألف يعنى مليون جنيه لغاية ثانوية عامة ده بافتراض ان ما فيش حاجة زادت وعلى اسعار دلوقتى وطبعا 35 الف دول تعارف من غير زى ولا باص ولا طلبات تانية يعنى الولدين تكاليفهم لن تقل عن 80 الف رايحين للمدرسة فقط يعنى تقريبا مليون ونص لغاية ثانوية عامة وطبعا بعد ده كله مش معقول هتدخلهم جامعات حكومية يبقة قول مليون جنيه كمان جامعات ..هل ده منطقى فى دولة نامية زى حالتنا ..وايه التكلفة والعائد ؟؟؟ لو فكرنا ان الفلوس دى استثمار وانهم متوفرين.
توكل على الله واختار حاجة وسط معقولة وانتم محور التعليم مع الولد وكل مدرسة في اراء ايجابية وسلبية فيها. ده انا كنت ناوى على مدرسة السنة اللى فاتت كانت عجبانى جدا ..السنة دى كمية شكوى قفلتنى منها وانها مابقتش زى الاول ..وكلمة ما بقتش زى الاول دى هتسمعها كتير جدا

تصدق يا باشا ان معظم العلماء والباحثين تعليم مجاني؟؟!!!!
منابناش من الانترناشيونال غير أووبس وياب و wtf

أصبحت وسيلة للتمييز بين علية القوم وأسفلهم. حتى علية القوم بقى ف بتاع علية القوم الكبار ابو 58 ألف وبتاع علية القوم النص نص أبو 35 ألف.
هواي يو دو زات - باسم يوسف ستايل-

المشاركة الأصلية كتبت بواسطة m_elkhishin

تصدق يا باشا ان معظم العلماء والباحثين تعليم مجاني؟؟!!!!
منابناش من الانترناشيونال غير أووبس وياب و wtf

أصبحت وسيلة للتمييز بين علية القوم وأسفلهم. حتى علية القوم بقى ف بتاع علية القوم الكبار ابو 58 ألف وبتاع علية القوم النص نص أبو 35 ألف.
هواي يو دو زات - باسم يوسف ستايل-

هى مجرد محاكاة .. يعنى واحد مش معاه 58 الف يدفعهم فى ناس قالولوا احنا هنقدملك نموذج هو نفس او قريب من ابو 58 بس 35 وواحد معهوش 35 ييجي واحد يقولوا هنقدملك نفس النموذج أو يعني نموذج قريب ب 15 وهكذا ..
وطبعا الطلب موجود وتراجع المدارس الحكومية اللى غابت تماما عن شريحة كانت اساها وهى الطبقة المتوسطة
ونتيجة ارتفاع الطلب على المدارس بقوا يبيعوا ويشتروا فى اولياء الامور ..وفى النهاية يعنى هو انا هستخسر فى ابنى وابن خالته دخل مدرسة كذا هو احنا اقل منهم وخلاص

المشاركة الأصلية كتبت بواسطة sanhory

لا و في نقطة تانية بقى مبتبانش الا لما الولد يكبر شوية

حتي لو الاب قال انا حاجي على نفسي و اصرف و اعلم احسن تعليم اتفرج بقى عالشاب الطري اللي حيطلع من التعليم دا و المستويات اللي بيقعد معاها و خد بقى مصاريف تانية لان الشاب ده مش حينفع يبقى اقل من زمايله زي هدوم ماركات و خروجات بالالوفات و اصحابي بيسافرو في الصيف بره اشمعنى انا انا شايف اللي بيضحي ده حيلبس جامد في الحاجات دي انما اللي مش فارق معاه و فوق الطبقة المتوسطه كده كده المبالغ دي ولا حاجة بيتصرف زيهم في البيت كل شهر

عندك حق ومش بعيد المدارس هى اللى تنظم الرحلات برا مصر كمان ..وساعتها عاوز اطلع مع اصحابي
لكن انا محتاج تعليقكوا على نقطتين
هل المدارس بتحاول تصدر اى مشكلة لاولياء الامور وتضخمها وكانك انت المسؤول من الاول عن اى حاجة واحنا بنخلى مسؤوليتنا؟؟؟
هل الانترفيو مسالة روتينية ولا فعلا بيبقى غلس وبيصاحبه تناكة من المدارس؟؟