ما هو ده حسب سعر الموتور بكام والعمرة بكام
يعني أنا كان عندي العربية الـ 505 ... موتورها كان سعره معدي بيوصل لـ 12 الف استيراد لو لاقيته حالته حلوة .. وما بيقلش عن 9000 جنيه وهاتكون شاكك فيه
يبقى العمرة أفضل .. وفي نفس الوقت كنت باعمل طقم الشمبر وجوان وش السلندر تقريبا كل سنة مرة وساعات الجوان مش بيكمل السنة حتى
عشان كدة أنا بقول الموتور الاستيراد أفضل طبعا .. لكن حسب سعره بقى .. أنا ما أعرفش أسعار مواتير العربيات التانية .. لكن أعتقد بتكون أقل من كدة بكتير
بصراحة أنا زي ما قلت فوق .. كنت تقريبا بعمل طقم الشمبر والجوان كل سنة مرة
وآخر مرة أخويا راح عملها بالكامل بقى .. خراطة وبساتم وشمبر وشمايز وحتى تقريبا كان فيه سلندر عايز شغل بس مش عارف طبيعته كانت إيه .. بس ما شاء الله طالعة المرة دي كويسة ... الله أعلم بقى هاتقعد قد إيه
اللى أقصده إن حتى في البيجو الاستيراد أفضل .. بس برضه هانرجع نقف عند سعر الموتور بكام والعمرة بكام .. وجودة قطع الغيار المستعملة في العمرة .. وكفاءة الموتور الاستيراد الغير معلومة لغاية ما يركب ويشتغل
المفضلات