ليه التسقيط افضل من العمرة

**Elawany13** · 22-02-2013 10:59 AM

انجليزى ده يامرسى !!!!

**ganash** · 22-02-2013 12:05 PM

هو ليه مفيش مواتير جديده ؟

**esam_ayad** · 22-02-2013 01:30 PM

يا جماعه هانرجع ونقول انك مش هاتعرف اذا كان الموتور اللي انتا هاتركبه مكان موتورك ده نضيف ولا لأ الا لما تركبه علي العربيه وانت وحظك بقي ولو ماطلعش سليم هاتغيره وانت وحظك تاني.
يبقي لو الموتور حالته كويسه ومحتاح حاجات بسيطه يبقي العمره أفضل.

**houras1010** · 22-02-2013 05:44 PM

ايوة بس التسقيط ليه مشاكل زى كده واكيد ممكن فى حاجات تانيه http://www.nilemotors.net/Nile/337609-a.html

**lanos2004** · 22-02-2013 06:05 PM

المشاركة الأصلية كتبت بواسطة houras1010

ايوة بس التسقيط ليه مشاكل زى كده واكيد ممكن فى حاجات تانيه http://www.nilemotors.net/nile/337609-a.html

وانته بتدفع فلوسك بتاخد ورق الماتور وفاتورة مختومه
معروفه دى -يا بتبقى جزء من الفلوس على اما يجيبلك الورق

**MohammedAladel** · 22-02-2013 06:20 PM

هحمل الفيديو وأشوفه ان شاء الله الموضوع دا شاغل بالى قوى

بالنسبة لقطع الغيار الموجودة فى السوق للموتور الداخلية بيبقى فيها مش أصلى كتير الأصلية فى التوكيل وأسعارها مبالغ فيه

برا التوكيل لو لقيتها بتبقى غالية برضه لو أصلية

دا بالنسبة للعمرة

وطبعا هتختلف على حسب الاجزاء المحتاج تغييرها للموتور

بالنسبة للموتور الاستيراد برضه صعب الوقوف على حالته بس لما يبقى حالته كويسة بالتأكيد هيكون أفضل بس سعره أغلى

ganash : نفس السؤال بسأله ليه مفيش مواتير جديدة فى السوق ؟ بس فى التوكيل موجود بس بيبقى سعره غالى جدا

**م.محمد علاء** · 22-02-2013 06:40 PM

العمره مش أحسن من التسقيط..
بس زي مهو قال في الفيديو السبب..
إن العمره فيها كذا ثغره ممكن الغلط يتسرب منها.
على سبيل المثال
خراطة الكرنك ...لو إتشال منها ذيادة تبوظ الدنيا.
خراطة البلوك لتسقيط الشمايز..
كل ده مش شغل الميكانيكي..ده شغل الخراط..
شغل الميكانيكي.
القياسات..عند تركيب الشنابر..و إنهم يكونوا تلت زوايا بعيدة عن بنز البستم
أو زي ما المانوال بيقول..ودي المشكله..إنهم متعودين على حاجه معينه في معظم المكن...
لو جت لهم مكنه جديده المانوال بتاعها بيقول غير كده هو طبعا مش عارف.
الخلوصات...ودي معدش حد بيراعيها..
أهم حاجه...ودي ثقافتها مش موجوده عندنا..وهي عزوم المسامير..
كله بيكون بالبركه..يشد على المسمار وشكرا.
و المسمار اللي بيتربط بالعزم مرتين يترمي و ييجي غيره..
ده طبعا من شأنه إنه يخلي العمره مش ناجحه بنسبة 40%
الحاجات دي في مراكز الخدمه أو التوكيل بتكون موجوده (نوعا ما)

**start_wow** · 23-02-2013 12:42 AM

التسقيط افضل من العمرة وخصوصا انها مقاربة لنفس مصاريف العمرة..التسقيط مش بيحتاج وقت كتير يوم او يومين بالكتير لكن العمرة حوار ممكن يدخله في اسبوع..العمرة غالبا بتلاقي النتيجة مش مرضية وبترجع الماكينة تاكل زيت وتدخن..الماتور الاستيراد بيكون عن تجربة اسبوع تقريبا وغالبا زي ما بسمع يعني انه الماتور بيبان من اوله..

**esam_ayad** · 23-02-2013 10:51 AM

أنا سمعت كلامكم يا جماعه ولسه جاي حالا من عند الميكانيكي وكنت رايح علشان اعمل عمره وقاللي الميكانيكي اللي شغال في الورشه_ "اسمها ورشة المملكه" والميكانيكيه اللي فيهم سوريين كلهم وواحد مصري_ ان التجفييت(اللي هي اسمها العمره في مصر) هانغير فيها الجاسكيت والرنجات وطرمبة الزيت وطقم الشنبر وشوية حاجات غريبه كده وقاللي بعد كده هانوديها للخراطه وبصراحه أول ماقاللي خراطه خفت وقاللي احنا ممكن نعمل نص تجفييت ونغير طقم الشنبر والجاسكيت والرنج والبستم علي ماأتذكر.وجه الميكانيكي صاحب الورشه وقاللي شوف انتا عايز تعمل ايه ولكن أنا عندي مواتير استيراد ياباني وحالتها ممتازه ونفس رقم الفنVin وقاللي هاديك عليها كفاله لمدة شهر ولو فيها حاجه هاغيرهالك بتانيه وتالته ورابعه لحد ماتكون راضي عن الموتور.
وبصراحه قعدت حسبتها مع نفسي لقيت ان التجفييت هايدخل في مبلغ أكتر من تغيير الموتور وهادوخ علشان أجيب قطع الغيار الأصليه بتاعاتها فقلتله توكل علي الله غير الموتورواتفقت معاه هاياخد مايعادل بالجنيه المصري 3500جنيه مصري وهاخدها منه بكره العصر ان شاء الله.
ويارب يكون إختياري صحيح يا رب وان شاء الله بعد ماأستلمها منه هاروح علي مركز فصح بالكمبيوتر وأشوف الموتور اللي ركبهولي فيه ايه.

-

الموضوع: ليه التسقيط افضل من العمرة

LinkBack

أدوات الموضوع

عرض

-

-

-

-

المواضيع المتشابهه

أهل الخبرة في التسقيط !!

هام لخبراء التسقيط

خبراء التسقيط

حكيتي مع التسقيط 2

حكايتي مع التسقيط

الكلمات الدلالية لهذا الموضوع

المفضلات

المفضلات

ضوابط المشاركة