الموضوع: ظهور لمبه فى التابلون عند سرعه 140 نيسان تيدا

مساء الخير على كل اعضاء المنتدى الجميل
انا لسه مشترى تيدا 2006 سيدان بصراحه عربيه حلوه وناعمه جدا وفيها رفاهيه عاليه
بس عندى ملاحظتين الاولى بسمع طقه فى الدريكسيون لما تكون العربيه واقفه وبجيبه يمين وشمال
والتانيه امبارح جبت بيها 140 لقيت وميض لمبه فى التابلوه مش عارف ده عادى ولا لا
وش الفانوس الامامى مكسور بس الفانوس سليم من جوه وفيه كهربائى قلى هغيريك الوش بس هيصبه مش عارف حد عمل كده وصح كده ولا اجيب جديد احسن
اسف على الاطاله وسعيد بوجودى فى المنتدى تيداوى جديد

اولا مبروك على العربيه وربنا يباركلك فيها ويرزقك خيرها ويكفيك شرها.
بالنسبه لموضوع اللمبه , حضرتك ممكن تقولنا لمبه ايه اللى بتنور, كل اللمبات موجوده فى الكاتلوج بتاع العربيه, او لو حتى صوره ليها , وهل بتنور ولا بتبربش, لان لو بيبربش ممكن يكون الدوايا بتاعتها او فى سلكه مهزروزه, لانى بصراحه انا عندى وصلت بيها ل190 كم/س ومفيش اى حاجه نورت.
بالنسبه لموضوع صب الفانوس انا اعرف ان الناس بتعملوا عادى ومفيش منوا مشاكل , بس دا فى عربيات تانيه معرفش فى التيدا ايه النظام, وفى دكتور اهيهاب معانا هنا فى القسم لسه صابب فانوس شبوره لتيدا بتاعته.

المشاركة الأصلية كتبت بواسطة bassamhafez

مبروك عليك العربيه وربنا يباركلك فيها

1- الطقه : القطمه بتاعه الدريكسيون عايزة تتغير وده شائع في التيدا وممكن تتلحم والصوت بيروح

2- اللمبه: ركز مكتوب عليها ايه او شكلها ايه وهي غالبا لمبه تخطي السرعه بس الطبيعي انها تكون بعد ال 120 مش ال 140

3- بالنسبه لصب الفانوس عادي بس اهم حاجه يركب صح عشان ما يدخلش تراب

+111111111111111

شكرا على المرور الكريم للاعضاء الله يبارك فيك
هيه فعلا اللمبه بتومض بعد 120 يمكن تكون فعلا علشان السرعه
اصلى رحت لميكانيكى بتاع نيسان قلى قطمه الدريكسيون فعلا وقلى لازم تروح لكهربائى عنده زرجينه علشان هندك ايرباج وتيجى تانى حسيت انا الموضوع كبير وخايف منه وخاصه انى لسه جديد فى صيانه النيسان بس انا قريت فى المنتدى عن مركز السبع وكله بيشكر فيه وخاصه فى موضوع القطمه بفكر اروح ليه ان شاء الله يمكن تتحل لانى بحس ان الدريكسيون مفكوك فى الشوارع الغير مستويه

ان شاء الله اول لما اعمله هقول علشان تعم الفائده لان الفرق كبير الفانوس سألت عليه ب375
وصب الوش وتنظيف الفانوس بالكامل السعر شامل المصنعيه 150 الفرق يستحق المغامره والله الموفق