حضرتك بس صورهالي كلووز للعمود اللي عليه التويتر والتويتر والراق وانا افيدك ان شاء الله وهيا فيه منها مضروب كتيييييييير خصوصا الشكل القديم عشان كده نصحت بالشكل الجديد اللي صورته في اول الموضوع
بص هوا انا للاسف في المحله مش في القاهره . رجالة القاهره يتفضلوا يفيدونا
بس انا اعرف ان الناس بتركب عند فروع ادريان زي اللي قبل سيتي ستارز علي طول
او فروع كلاريون وكينوود
واي رف هيبقي صوته احسن من الاصلي وبيييزه اعلي ز مش هتفرق في السمك أوي للدرجه دي
بس اهم حاجه يتكسي بالموكيت من فوق ومن تحت عشان ما يزنش في الصاج وبالتوفيق
مشكورين جدا علي تقديركم للموضوع يا جماعه
ولو في حد عنده استفسار يتفضل بيه وانا دايما تحت الامر ,
دكتور محمود ، كل سنه وحضرتك طيب ويارب تكون بألف صحه وعافيه
معلش يا باشا استفسار بسيط ، انا خلاص الحمد لله استقريت علي سماعتين بيضاوي 500 وات فيتنامي
وعاوز اركب سماعتين مدورين في الابوب ، واحد صاحبي رشحلي السوني ال 190 وات ، ايه رأي حضرتك وهيا تمنها بيبقي حوالي كام ؟
واجيب اعلي من ال 190 ولا كده كفايه ؟
وحضرتك وكل الاعضاء الكرام بخير يا فندم
البيضاوي ال 500 دي بايونير مش كده , لو كده خلي بالك عشان مفيش فيتنامي جديده , وفيه نازله مضروبه تمنها الاصلي 120 جنيه وبتلاقي سفنجه مدوره كده حوالين عمود التويتر في الجذء الفاصل ما بين الراق والعمود عند الفتحه اللي مفتوحه في الراق عشان عمود التويتر يطلع منها فخلي بالك كويس . وهتلاقي لون الطبعه بتاع العلبه مختلف
بالنسبه للسماعات البيبان فهيا ما بيبقاش عليها حمل قوي بنخلي ال fader بتاع الكاسيت مدي علي اللي ورا اكتر سنه . بس طبعا لو قدرت تجيب كمبوننت يبقي يا ريت عشان معاها تويتر بيتحط علي التابلوه
لو السماعه ال 190 دي عليها تويتر يبقي كويسه شغاله . انما لو راق بس يفضل انك تعلي شويه وتجيبها بتويتر
اما بقي لو هتسئلني عن النوع فبعد كمية العدد اللي الواحد جربها وسمعها في حياته اتعلمت حاجه واحده بس ان عدة صوت في مصر يعني بايونير .
حتي لو الكينوود بيزها اعلي في البيضاوي فالبايونير البيضاوي صوتها احلي والصب البايونير بيعوض النقص في البيييز ولو المدور السوني تريبلاته اعلي بس البايونير المدور بيعدل صوت البيضاوي احسن من اي سماعه تانيه والمكونات البايونير علي بعضها في لاخر بتلاقيها متناغمه اوي ومظبوطه
والقصه مش تريبلات وبيييز زياده وتلاقي الصوت مزعج ومش مريح للودان في الاخر فانا بالنسبالي رأيي اللي علي قدي مع احترامي لكل الاراء التانيه عدة صوت يعني بايونير
أولاً :كل عام وحضرتك وكل الاخوة المحترمين طيبين بمناسبة عيد الاضحى المبارك.
ثانياً: ما شاء الله خبره ومجهود رائع .. ربنا يجازيك عنا كل خير ويكتبة كل شئ طيب فى ميزان حسناتك.
ثالثاً: وأنا أسف طولت على حضرتك كنت محتاج رقم تليفونك للتواصل مع حضرتك بخصوص إنى عايز أعمل صوت كويس فى العربية بتاعتى وكنت محتاج أتكلم مع حضرتك وأستفسر عن شوية حاجات خاصة بالكاسيت والسماعات .... ومرة تانية أسف للإطالة
أخوك / محمد كمال .. الغردقة.
بحمد الله وبفضل توجيهات الدكتور محمود تم تركيب سماعتين بيونير 500 وسماعتين مدورين 260 وات للابواب اللي قدام ، بشكل مبدأي
اول حاجه احب اشكرك يا دكتور بجد انت كنز وموضوعك ده موسوعه في الصوتيات ربنا يكرمك قد ما بتساعد الناس
شوف بقي يا دكتور ، انا بعد شويه قرايه في موضوعك الجميل ده وصلت لكام نقطه محتاجين رأي حضرتك ، اعذرني لو هطول عليك
1. اول حاجه واهم حاجه حضرتك دايما بتوصي بيها هيا الكاسيت ، انا عاوز اجيب كاسيت يبقي قد الكاسيت الستوك بالظبط " دابل " ، علشان الشكل بيبقي بايخ لو سنجل ، فايه احسن حاجه ممكن اجيبها ؟ ، ورأيك اجيبو فيه dvd ولا مالوش لازمه ؟
2. تاني حاجه عاوز استفسر عنها هيا الفرق الفعلي بين البازوكا والصب ، قريت ان البازوكا بتطلع البيز برا والصب جوا العربيه ، انا عاوز اعرف الرد من حضرتك ده بعد ازنك طبعا
3. تالت حاجه انا كنت خدت السماعتين السوني ال260 وات دول من واحد صاحبي ركبتهم في الابواب ، وصوتهم مش عاجبني اوي ، ياريت ترشحلي نوع يكون ممتاز لسمعات الابوب ، لأن الصوت في العربيه من قدام مش اد كده ، الصوت كله ورا وانا مش بعد ورا :) ، فحاسس اني مش مستمتع اوي :)
4. طلب اخير ياريت لو تقولي اسعار تقريبيه للحاجات اللي حضرتك هتذكرها
تاعبينك معانا يا دكتور ، بس مالناش غيرك بقي :)