تسلم يا غالى بسة هيكوت السب كدة كويس ولا لا
السلام عليكم و رحمه الله و بركاته
بفكر اركب ساوند سيستم فى عربيه نيسان سنى 2014 الشكل الجديد وقريت مواضيع كتيره فى المنتدى و طبعا الف شكر على المجهود الرائع و حبيت اقول انا استقريت على ايه وعاوز تقييمك و لو فىه اى تعديلات تقترحها
1- head unit kenwood ddx7035wt , ddx3035 ,
ولو فى نصيحه ب dvd نوع كويس اكون شاكر ده اذا كان ولابد من تغيير الوحده الاصليه اللى فى العربيه
2- kenwood speaker 600 w double bass
3- G.M kenwood 720watt WITH FAN
4-PIONEER 350 WATT CIRCULAR FOR DOORS
5-BAZOKA JBL1200WATT
و احب اسأل عن اسعار الحاجه ديه و هل هى موجوده فى مصر ولا اجيبها من بره
اسعار السعوديه
الDVD جنيه 7000
السماعات 600 وات 900 جنيه
الجى ام 900 جنيه
السماعات 350 وات دائريه مزوده بتويترات 460 جنيه
البازوكا JBL جنيه 650
ارجو الافاده ولكم حريه ابداء الرأى و المقترحات
شكرا لكل الاعضاء المحترمين
مبروك مقدما يا معلم
اولا كاسيت يعني بايونير . هتجيب ال dvd البايونير ب 4500 جنيه من مصر اعلي موديل
ثانيا الجي ام ده يدوب يشغل جوز الكينوود ال 600
السماعات المدوره دي ياتجيبها بايونير 350 يا تجيبها كومبوننت سوني ب 450 جنيه وصورتها في اول الموضوع
البازوكه ال jpl دي عايزه جي ام سيمفوني 480 او بايونير 820 وات لوحدها ويفضل تجيب بدالها البازوكه البايونير ال 1300 وات
وتحت الامر في اي استفسار
يا حودة باشا
كنت عايز أركب سماعتين كومبوننت للأبواب قدام في الأوبترا
أركب إيه
أنا قدامي دي
kfc-e705p
ب400 وقدامي الألباين ب650 كومبوننت برضه بس مش عارف موديلها إيه للأسف
؟
أنت إيه رأيك؟
وبالنسبة للسماعات في الأبواب اللي ورا أركب إيه؟
لا بص يا باشا الكينوود مش حلو في المدور : صوته مكتوم , خليك في الالباين وممكن تدور وتلاقي سوني او jpl سعرهم اقل شويه
بالنسبه لورا لو مش هتفتح في صاج الرف وتركب بيضاوي يبقي بلاش احسن : مصاريف علي الفاضي ومش هتحس بفرق , لازم بيضاوي زي الكينوود ال 500 كده هيا دي اللي هتدي الصوت والكومبوننت اللي قدام دي اللي هتسند الصوت مش اكتر
بصراحة الموضوع هايل جدا .. بس لو فيه تجميعة اقل من كده شوية فى الاسعار .. يعنى مثلا ممكن نركز على الجودة ودى تبقى تجميعة .. وممكن نركز على القوة والصوت العالى ودى تبقى تجميعة .. وممكن نركز على الميزانية ودى تبقى التالتة .. يعنى مثلا اقل من 1000 .. اكتر من 1000 واقل من 1500 .. اكتر من 1500 واقل من 2000 .. اكتر من 2000 .. وهكذا .... بس بصراحة موضوع شامل ومفيد جدا وانا عن نفسى استفدت منه .. وفى الاخر لو ينفع تجمعلى عدة صوت لفيات 128 .. وتكون فى حدود 1500 تبقى مشكور على مجهودك .. وشكرا
موضوع جاحد بصراحه فعلاً .. كنت عاوز عده صوت فى حدود ال 1500 انا كمان كاسيت وسماعتين وجي ام وهركبهم على عربية 128 مع العلم انى عازل العربية كلها وعامل رف mdf 12 مللى وكاسيه موكيت اسود وتحتيه حاطط فوم ولباد على صاج العربية تحت الرف وكنت هجيب رف اتخن بس ناس كتير قالتلى مش هتديك اداء حلو فى الصوت
يا فندم شكرا جدا علي تقديرك للموضوع
واقتراحك مقبول طبعا وفي محله
لكن للاسف صعب جدا لكثره انواع المكونات واختلاف الازواق في السمع فممكن اقولك علي مكونات تعجب غيرك اوي ومتعجبكش فاحنا بنشوف رغبة اللي عايز عده وبنحاول نوفقله
ونصيحتي ليك متحكمش علي حاجه من مكونات عدد الصوت الا لما تسمعها بنفسك بمعني ان التمن والماركه مش مقياس خالص
بالنسبه لعده في حدود 1500
انتا ممكن تجيب كاسيت بايونير في حدود ال 800 جنيه زي ال 3650
https://www.facebook.com/automarket....levant_count=1
وتجيبله سماعتين كينوود 500 وات 6×9 ب 450 جنيه
وسماعتين بايونير بيضاوي 280 وات ب 300 جنيه
ولو ممكن تحدد لي انتا عايز جي ام او لا ولو عندك كاسيت اصلا نوعه ايه ؟ وبتحب نقاء الصوت ولا البييز العالي ؟؟
يا باشا متشكر جدا ربنا يخليك
تمام الشغل اللي انتا عامله 100 100 مبروك عليك
بص يا سيدي
انتا ممكن تجيب كاسيت بايونير زي ال 2650 ب 650 جنيه
https://www.facebook.com/automarket....levant_count=1
وتجيبله سماعتين بايونير 500وات ب 300 جنيه
https://www.facebook.com/automarket....levant_count=1
وتجيب سماعتين مدورين بايونير ب 150 جنيه 160 وات
وقدامك خيارين بقي :
يا تجيب جي ام سيمفوني 300 وات 2 قناه او 260 وات للسماعتين البيضاوي ب 350 جنيه : هيديك اداء عالي وهبد ورزع (توك توك ) بس مفيش نقاء صوت وطبقات وتقسيم والكلام ده
يا تجيب جي ام بايونير 400 وات 2 قناه ب 400 جنيه وده هيديك نقاء صوت عالي جدا وطبقات مظبوطه وتقسيم صح بس مفيش بيييز
طب لو مش عايز ده ولا ده : يبقي تجيب جي ام بايونير 760 وات 4 قناه ب 750 جنيه وتجيب صب 1000 وات بايونير او jpl ب 350 جنيه وتوصل عليه الصب والسماعتين البيضاوي البايونير وبكده تاخد بيييز ونقاء صح ,
هيا العدد الماركات كده مبتأديش غير بالتقسيمه دي مينفعش جي ام 2 قناه يديك صوت وبييز
انما السيمفوني ينفع بس هتضحي بنقاء الصوت وهتحس ان الاغاني كلها واحده طبقه واحده بييز وتريبل فقط( توك توك )