بالصور . تقرير عن افضل عده ممكن تجمعها هنا في مصر

اقتباس:

---

المشاركة الأصلية كتبت بواسطة elshrpeny

حاجة كمان أنا كنت جايب موديل الكاسيت ال 6450 دا تقريباً من موقع عربى او موقع بايونير العربى حاجة زى كدا مش فاكر بالظبط , المهم أنا لما دخلت حالياً على الموقع العام الإنجليزى ملاقتش الاا الموديل دا تقريباً deh-p8400bh , فهل دا هو دا ولا دا موديل ودا موديل , لأن أعتقد إن ال 6450 دا مسمى تانى لنفس الموديل فى الشرق الاوسط , صح الكلااام دا ولا إية ؟

---

فعلا ال 6450 اسمه مختلف بره مصر لكن هوا هواه لكن اللي ما فيهوش بلوتوث اسمه 7400 بره

اقتباس:

---

المشاركة الأصلية كتبت بواسطة dr_7ooda

نزل منه يا فندم بس غاااااااااااااااااااااااا ااااااااااااااااااااااااا ااااااااااااااااااااااااا اااااالي قوووووووووووووووي

شوف اللينك ده

chronik-fotos | facebook

---

شاكر ذوق حضرتك جزاك الله كل خير ... كاتبين انه لسه منزلش .

اقتباس:

---

المشاركة الأصلية كتبت بواسطة dramir1

شاكر ذوق حضرتك جزاك الله كل خير ... كاتبين انه لسه منزلش .

---

لا موديل 2012 موجود هوا هواه مافيش اختلاف

اقتباس:

---

المشاركة الأصلية كتبت بواسطة dr_7ooda

ههههههههه
الصب ال 10 بقولك بييييزه هزاااار مش هزاااز . اي كلام يعني مش صب عربيه
ال 10 تقريبا في حدود 260 جنيه
الصب ال 12 بيبدأ من 320 لل 1000 وات و 1200 ب 360 بس قليل لغاية 370 ل 1400 دبل كويل ودي موديلات 2012

موديلات 2013 صبات ما شفتهاش خالص هنا

السينجل كويل 1200 او 1400 بيبقي عايز 400 rms خارجين بريدج من امبليفيير 4 اوم مقاومه ودي مواصفات الجي ام بتاعك

ال 1400 دبل بيعوز 400 برده بس خرج 8 اوم مقاومه يعني 800 من 4 اوم يعني خرج الجي ام بتاعك تقسمه علي 2 عشان تحسب ال 8 اوم يعني 400 ÷ 2 = 200 rms

وده الكلام النظري
لكن في الحقيقه كله شغال عادي وبيدي صوت
وكان في عضو هنا جايب الجي ام والصب اللي انتا مختارهم وبيحكي ان صوتهم تحفه فعادي يعني

اما ال 1000 وات فده ممكن جي ام بايو 760 . 4 قناه يقومه ومعاه سماعتين بيضاوي كمان وهايبقي ده حوار جامد خالص

---

يعنى معنى الكلام إن ال single بيدى rms أزيد من ال double طيب هل دا معناه إنه أفضل و لا مش شرط ولا إية ؟ :U_thin1[1]:
الحاجة التانية بقى , هل أنت تقصد إن الصبات الموديل ال 2013 إلى أنا كتبتهوملك دول لسة منزلوش ولا مش موجوديين أساساً بالاسم دا فى مصر و إسمهم مثلاً مختلف ؟ :U_thin1[1]:
أخر حاجة بقى عشان انا أتلخبطت :duh: , إية من الموديلاات الجديدة ال 2013 إلى انا كتبتهالك نزلت و إية منزلش أجيبة موديل اقدم 2012 مثلاً (غير الكاسيت طبعاً ) ؟

اقتباس:

---

المشاركة الأصلية كتبت بواسطة dr_7ooda

فعلا ال 6450 اسمه مختلف بره مصر لكن هوا هواه لكن اللي ما فيهوش بلوتوث اسمه 7400 بره

---

أيوة بالظبط كدا إنت كدا صح :Bravo:

اقتباس:

---

المشاركة الأصلية كتبت بواسطة elshrpeny

يعنى معنى الكلام إن ال single بيدى rms أزيد من ال double طيب هل دا معناه إنه أفضل و لا مش شرط ولا إية ؟ :U_thin1[1]:
الحاجة التانية بقى , هل أنت تقصد إن الصبات الموديل ال 2013 إلى أنا كتبتهوملك دول لسة منزلوش ولا مش موجوديين أساساً بالاسم دا فى مصر و إسمهم مثلاً مختلف ؟ :U_thin1[1]:
أخر حاجة بقى عشان انا أتلخبطت :duh: , إية من الموديلاات الجديدة ال 2013 إلى انا كتبتهالك نزلت و إية منزلش أجيبة موديل اقدم 2012 مثلاً (غير الكاسيت طبعاً ) ؟

---

بص يا باشا اولا السينجل محتاج 400 عند 4 اوم عشان يقوم مش بييدي 400
لكن الدبل محتاج 800 عند 4 اوم عشان يقوم صح مش بيدي 800
يعني الدبل اقوي لكن محتاج جي ام خرجه 800 عند 4 اوم او 400 عند 8 اوم وانتا الجي ام بتاعك خرجه 400 عند 4 اوم اذن مش هايقومه صح
المتوافق معاك ال 1400 سينجل علي قد قوة الجي ام

ثانيا الصبات ال 2013 لسه ما نزلتش وهيا هياها موديلات 2012لكن الجديده الراق بتاعها محبب dimpled و2012 مش محبب . ناعم بس مش الفرق الضخم اوي يعني

وموديل 2012 ده لينكه [url=http://www.pioneerelectronics.com/PUSA/Car/Subwoofers/Champion+Series/TS-W309D4]TS-W309D4 - 12" Champion Series Subwoofer with Dual 4

معلش يا باشا لو هاطول عليك بس معلش احنا محلويه زي بعضينا مع الاحتفاظ بالمقامات طبعا يا باشا
انا مركب عندي كاسيت بيونير avh 4350 الي هو بيغير الوانه
4 سماعات سوني مدورين 350 وات دبل بيز علشان بصراحه مش عايز اقص في الصاج
بازوكا سوني 12 بوصه
جي ام سوني 600 4 تشانل

حلو
بص يا باشا انا في واحد قالي على جي ام سوني 1000 وات 2 تشانل للصبا بس بيكون صغير كده سعره 1000 جنيه تقريبا صغير زي الحاجات الصيني بتاع الميكروباصات الي بيكون لونها احمر دي بس بيقولي صوته على البازوكا الي كان مركبها عليه جامد فرق كبير عن اي جي ام

كنت عايز اعرف عن الفرق في الصوت بين الصب والبازوكا ايه
انا عندي صوت جوه العربيه حلو تمام بس الصوت بره العربيه مابيكونش باين وانت قريب من العربيه زي الناس الي بتمشي عامله فرح دي مش عارف ليه ولا بيز ولا صوت ممكن تفيديني

انا اسف اني طولت على حضرتك

يا باشا مقامات ايه بس دا احنا خدامين المحلاويه خاصه ومصر كلها عامه

بص يا باشا الجي ام 600 ده اخره يشغل الاربعه المدور ال 350

عشان البازوكه تقوم محتاجه 300 rms عند 4 اوم
وال 600 ده بيطلع 160 rms عند 4 اوم ×2

وال 1000 بيطلع 202 rms عند 4 اوم × 2 او 500 rms عند 4 اوم بريدج

بص انا شايف ان 1000 اللي هايطلعلك 500 هايبقي حلو بس كتير شويه علي البازوكه اللي عايزه 300 فممكن توطيه شويه عشان البازوكه ما تضربش . يا اما تجيب صب كمان وتشغله مع البازوكه علي ال 1000 . وال 4 المدور علي ال 600

والفرق ما بين الصب والبازوكه :
ان كلما البيييز نشف كلما طلع لبره العربيه وده بتعمله البازوكه

وكلما البييز بقي ناعم وطري كلما انتا اتبسطت واتكيفت منه جوه العربيه لكن ما يطلعش بره وده اللي بيعمله الصب
والجمع بين الاتنين يديك النتيجه المثاليه

اتمني اكون افدتك ولو في اي استفسار اتفضل

يا باشا تسلم الف الف شكر واحنا الي خدامينك يا باشا , واي استفسار في الميكانيكا او الكهرباء انا تحت امرك وتحت امر اي حد عنده اي استفسار

اقتباس:

---

المشاركة الأصلية كتبت بواسطة el deeb

يا باشا تسلم الف الف شكر واحنا الي خدامينك يا باشا , واي استفسار في الميكانيكا او الكهرباء انا تحت امرك وتحت امر اي حد عنده اي استفسار

---

يا باشا شكرا علي زوئك ربنا يخليك
والمحلاويه تحت امركوا يا جماعه . احنا تحت الامر للي عنده اي استفسار