اولا بشكر كل الناس اللى لسه لحد دلوقتى تتصل تطمن عليا وتشوف انا وصلت لحد فين وعملت ايه
ثانيا انا روحت انهارده المركز اللى فيه العربية عشان قلتله كل ما يعمل جزء اشوف الاول عمل ايه عشان لو فيه حاجة عايز يتراجع عليها يعنى ميكونش شغل تظبيط على الوش بس وخلاص
المهم الشغل كان كويس والعربية متغيرش فى الشاسيه بتاعها حاجة يعنى ولا قطع وتغير ربع وفرد الشاسيه اتعدلت تانى والموتور الحمد لله هو الفتيس مكنش جرلهم حاجة هو بس فارغة الفتيس كانت اتشرخت واتغيرت بواحدة استيراد.
بالنسبة للقوايم فا محصلش فيها حاجة والابواب كانت مظبوطة وكله تمام
والتابلوه مفكوك عشان كابسولة الايرباج الجديدة تركب وكمان الجزء اليمين العلوى من التابلوه يتغير مكان خروج الايرباج وطبعا تغير ايرباج الدريكسون
المقصات والمساعدين والسوست سليمة وكمان الجنوط والكاوتش مفيهومش حاجة
اتجاب علبة فلتر هواء جديد وريداتير كامل ومواسير تكييف وعلبة فيوزات وضفيرة حوض جديدة
ودى صور للشغل اللى خلص بتاع السمكره بس طبعا مش دا الفنش لسه الشغل هيتظبط
http://sphotos-e.ak.fbcdn.net/hphoto...62125058_n.jpg
http://sphotos-c.ak.fbcdn.net/hphoto...23348815_n.jpg
http://sphotos-b.ak.fbcdn.net/hphoto...95247309_n.jpg
http://sphotos-d.ak.fbcdn.net/hphoto...55563975_n.jpg
ودى صورة من قبل التصليح
http://sphotos-e.ak.fbcdn.net/hphoto...04053506_n.jpg
http://sphotos-d.ak.fbcdn.net/hphoto...65671680_n.jpg