والله ياجماعة بعد ما قريت كلامكم الجميل دة يبقى احسن قرار انى اتفرج عليها فى الجراج واخرج بيها للضروريات خصوصا ان ميكروباص بجنية بيودينى الشغل وبيرجع ياخدنى وينزلنى تحت السرير فى بيتنا انا بس كل فكرتى انى اعمل الاف كيلو عشان ابقى اشغل التكيف قبل الصيف وكمان عشان اكتب ملاحظاتى عنها بردو ياريت الى لسة شارى عربية ورقة وقلم فى الطابلوة وكل ماتشوف حاجة او تسمع منها صوت اكتب عشان ماتنساش اما بالنسبة للتجليد العربية فخلاص بقى هصرف نظر عنها مش طالبة ابوظ حاجة اصلا مصر كلها فهلاوية هيبعلك جلاد الكراريس على انة 3m ولو كنت زبون سقع هيتبعلك على انة 5 او 6m كمان فدماغنا بقى يعنى عربيتى على راسها ريشة اجدع منها ومخبوط وطالع عين امة ....طيب نتكلم فى موضوع تانى اكيد فى ناس زى حلاتى مابتحبش اصلا تفيم العربية يعنى مش قصة مرور وبس وفى نفس الوقت انا لحظت ان الشمس فى الشتا دى بتشرق جوة الزجاج عندى يعنى بحس ان جنبى شمس وبعديها زجاج العربية مافيش حل حلو كدة يمنع الشمس الحلوة دى الى ربنا يديمها علينا نعمة وتشرق كل يوم جديد حلو علينا ان شاء الله بس من برة زجاج العربية يعنى اشعة الشمس متدخلناش جوة وتسخن العربية من جوة وفى نفس ذات اللحظة مننفصلش عن العالم الخارجى بفامية او شبكة او ستارة ...حاسس ان نص الناس هتقولى عروستى والنص التانى انا الى احب اقولة الشتيمة حرام