بناء الحوائط الداخليه باستخدام الطوب الفرعونى

السلام عليكم
اللى فهمته ان الطوب الفرعونى بيستخدم كديكور بطريقه اللزق على الحوائط الداخليه

سؤالى عن امكانيه بناء حيطه داخليه باستخدام الطوب الفرعونى فقط
يعنى استبدل الطوب الاحمر بالطوب الفرعونى

هل فى حد جرب الموضوع ده قبل كده او هو ممكن اصلا تستخدم الطوب الفرعونى بالشكل ده

و لكم جزيل الشكر

تقريبا مينفعش لان تمن الطوب الفرعونى اعلى من الطوب العادى مش عارف الاسعار بصراحه - الطوب العادى الفتحات الى فيه بتخليه يعزل صوت احسن

معلش ممكن تفهمنا ليه عاوز تبدله بالطوب الاحمر
ما انت تعمل الحيطه طوب احمر ومتمحرهاش وتحط عليها بعد كده الفرعونى

اقتباس:

---

المشاركة الأصلية كتبت بواسطة wael_kamel

معلش ممكن تفهمنا ليه عاوز تبدله بالطوب الاحمر
ما انت تعمل الحيطه طوب احمر ومتمحرهاش وتحط عليها بعد كده الفرعونى

---

انا عايز اقفل قوضه جوا البيت اللى انا عايش فيه
الشغل و المجهود المبذول فى بنا و تمحير و دهان الحيطه
هيقل كتير جدا لو كل ده اختصر فى بناها بالطوب الفرعونى

بص يا باشا فى طريقه تانيه اسهل من الطوب الفرعونى و هى القطاعات الجبسيه
لوحين جبسون بورد و بينهم الاكسسوار بتاعهم و عزل صوت لو حابب و الموضوع بيتعمل فى اقل من يوم من غير اى دهمله فى البيت و باتنين صنايعيه و خلاص بس تكلفته هتبقى اعلى شويه بس منظره احسن

اقتباس:

---

المشاركة الأصلية كتبت بواسطة algazar2

بص يا باشا فى طريقه تانيه اسهل من الطوب الفرعونى و هى القطاعات الجبسيه
لوحين جبسون بورد و بينهم الاكسسوار بتاعهم و عزل صوت لو حابب و الموضوع بيتعمل فى اقل من يوم من غير اى دهمله فى البيت و باتنين صنايعيه و خلاص بس تكلفته هتبقى اعلى شويه بس منظره احسن

---

طب و ده بيتعمله حلق باب زى الحيطه العاديه

بيتعمله حلق باب عادى و بيبقى سمكه اقل من الحيطه العاديه لو عايز و عزله احسن و مش بيحتاج معجون غير فى الفواصل بتاعته بيبقى معجون مخصوص او بيبقى حاجة زى لزق كده ممكن تخليه بلونه او تدهنه على طول
الشركه الى اعرفها متخصصه فى الموضوع ده شركه المانيه اسمها كناوف
و ده الموقع بتاعهم Knauf عليه تفاصيل اكتر للشغل و فى فيديوهات ليه

الشركه واضح انها عالميه

اقتباس:

---

المشاركة الأصلية كتبت بواسطة هيثم

الشركه واضح انها عالميه

---

هيه شركه عالميه فعلا و ده فرعهم فى مصر اصلها المانى