احذر من حوادث دائرى المريوطيه

**houras1010** · 20-02-2013 08:57 PM

لو سمحتوا اللى فى نيته يوصل على الدائرى فى اتجاه المريوطيه والوصله اللى فوق شارع الهرم ياخد باله كويس من كتر الحودث المميته فى الجزء ده الأسوار دابت من كتر التخبيط فيها والأسعاف المفروض يسيبوا النقاله بره العربيه عشان يلحقوا يشيلوا المصابين ورجعوا يا خدو ا غيرهم اول حاجه الطريق فى اخره واخد ملف شمال بتقف فيه تريلات بتتدفع كارته بعديها الطريق بيتفرع ثلاث تفريعات مفيش اى اشاره او توجيه وباليل العربيات بتخبط بالأرصفه المحدده للمفارق عشان مفيش عواكس توضحها اللغبطه دى بتخلى ناس توقف فجاءه او تكسر على حاره تانيه بشده وفى ناس بترجع بضهرها تانى ومبتكونش واضحه عشان الملفات جامده التفريعات هقولها اقصى اليسار وصله الدائرى فوق شارع الهرم اتجاه المحور واسكندريه الصحراوى التفريعه الوسطى تكمله الدائرى لترعه المنصوريه او تفريعات منه يمين فى يمين طريق المريوطيه اتجاه سقاره او مطلع الدئرى فى اتجاه المعادى او يمين فى شمال طريق الللبينى اتجاه شارع الهرم وشارع فيصل التفريع اقصى اليمين طريق المريوطيه اتجاه شارع الهرم

**BESO516** · 20-02-2013 09:46 PM

عندك حق
ده طريقى كل يوم بجد حاجه تحزن فعلا اللى الواحد بيشوفه
علاوه على الشلل المرورى اليومى عند نزله البحر الأعظم والسير عكس فمنازل ومخرج الطالبيه و ........ و....
الكلام كتييير ويتعب
بس مين يسمع