كده تمام
عرض للطباعة
الحمد لله الدكتور بتاعى حرق على الوش بس الفرحه مكملتش المرش اتحرق بس صلحته فى وقتها وان شاء الله هعمل تقرير عن صيانه المرش فى موضوع مستقل
بالنسبه بقى للوش ا[]لحمد لله لفيت بالعربيه كتير وبعد مشاوير ركنت العربيه وبصيت على غطا الزيت مفيش طحينه الحمد لله و هتابع المياه فى الفتره اللى جايه وهقولكو الاخبار
نسيت اقلكوا ان التكلفه ---- ٠٠٠'٠٠٠
مخدش فلوس خالص
معايا فيفوريت 1994 وعندى فحص أكتوبر 2013 المهم الموتور بقاله سنة كاملة بياكل منى زيت وبنزين وأوقات كنت بغير بوجيهات الميكانيكية أتفقوا على إن ده عايز طقم شمبر وممكن لما نفتح تحتاج عمرة قولت أجيب موتور إستعمال أحسن المهم بدأت من شهر فى التحضير لعمرة خفيفة للعربية عشان الفحص روحت لميكانيكى قالى العمرة أحسن أقتنعت المهم يومين وقالى موتور السكودا ألومونيا وقافش لدرجة إن المسامير مش عايزة تفك كلها وواحد منهم إتقطم والتانى عايز حوار قولتله أنا مش مستريح خلينا نغير الموتور أحسن نزلنا صلاح الدين فى إسكندرية جبن موتور أورمة فقط ب 2200 جنيه المهم فضلت العربية عنده يومين للتجربة أخدت العربية منه ركنتها الصبح قبل المغرب بصيت عالزيت لقيته مجير قالى عادى أنا غيرتلك زيت وفلتر وطبيعى عشان ركنة الموتور يبقى فيه شوايب ومطلوب منك بعد أسبوع نغير زيت تانى قولت ماشى مفيش ربع ساعة وأنا ماشى فالطريق لقيت الحرارة زادت عن النص ! وقفت بسرعة لقيت مروحة الريداتير مقطوع سلكها من جوة المنة المتبرشمة غيرت المروها بماتورها ومشيت وصلت للمكيانيكى على أساس كان فيه تقطيع وأنا ماشى قالى بص عالمية كده لقينا زيت كتير فى إربة المية ! قالى ربنا يستر ومتبقاش جوان وش سلندر ! أنا فحيرة نعالج مشكلة الموتور إللى إشتريته ده وأخليه فالعربية ولا أرجعه للى إشتريته منه وأجيب موتور تاني غيره بنفس الطريقة ولا أجيب الموتور الكامل إللى شفته بيتباع فى نص كامل وكان شكله فبريكة ؟؟؟؟ أفيدونى ربنا يجازيكم خير بسرعة
رجعة وجيب موتور متقفل كامل علشان شكل الميكانيكى ده مش فاهم وبعدين غير الميكانيكى ده خالص !!
السلام عليكم انا احب استفسر عن كنت لسه شاري العربيه من اربع ايام وكنت شايف غطاء الزيت وكان الزيت بيقلب ولونه زي ماهو وبعد اربع ايتم من الشرا قلت اغير زيت كويس وفلتر وعند بتاع الزيت قاللي فيها جوان ﻻن الزيت نازل طحينه اامهم حطيط زيت مصري ورحت علي الميكانيكي فك الوش وقرط علي المساميركانت مهويه كلها وقاللي المكنه زي الفل ومش بتقطع....ومشيت المهم تاني يوم الصبح وانا بدور حسيت ان المكنه متبرجله كانها بتعد 3وبعدين لما سخنت بعد 3دقايق بقت مظبوطه .عايز اعرف ليه لما بدور وهي بارده تحس انها متبرجله شويه ﻻزم افضل ساندها شويه بالبنزين...ارجو الرد....عل فكره انا جبت علبتين عاملين زي البودره وحطهم الميكانيكي في القربه.....سكودا 97
مبروك على العربيه الجديدة الأفضل انك تغير جوان الوش علشان طالما المسامير كانت سايبة اكيد الجوان اتقطع الربط ده حاجة مؤقته بالنسبة للبرجله دى طبيعى بس مش لمده 3 دقايق لمده دقيقة بس ممكن تكون البوجيهات رطبت او مصدية لما الوش كان محلول راجع البوجيهات او غيرهم واعمل صيانه للعربية غير فلتر الهواء والبنزين وسير طرمبة الميه وراجع على الكاوتش وتيل الفرامل وزيت الفرامل شوفه لو قديم غيرة !!