المشاركة الأصلية كتبت بواسطة fahd101
السلام عليكم جميعا ورحمة الله وبركاته
انا مش هطول على حضراتكم
انا بس هقول كلمه حق فى الاشمهندس هانى ميخائيل/ صاحب ورشه speed service center
طبعا بعد عذاب المشوار من العجوزة والى أخر جسر السويس
كان لى اللقاء مع الباشمهندس هانى والذى أتصلت به قبل ذهابى لاخباره أنى أريد عمل الصيانه الخاصة ب 35000 ورحب بى واخبرنى أنه بانتظارى وعند وصولى هناك كان بأنتظارى على باب المحل وكانت اللقاء ذو حفاوه بالغه غلب عليها الكرم والاخلاق وحسن التربيه والاحترام وكانت البدايه أصراره على المشاريب وكنت بصحبه والدى والذى كان مندهش من تلك الحفاوة واخبرنى هل أنت متأكد أنك متعرفش المهندس ده قبل كده وأخبرته بالطبع لا
المهم تم رفع السياره وتم تربيط العفشه بالكامل ( امام عينى ) وعمل كل اللازم فى الصيانه من تربيط عفشه ومراجعه الكهرباء وتنظيف الطنابير والرجلشه بتاعه الفرامل وكل شىء أمام عينى وذلك مع وجود المهندس هانى وقيامه بالشرح فى كل أجراء يتم على السياره
وقابلتنى مشكلة فى الزوايا والترصيص واصر انى يظل بجوارى مايزيد عن نصف ساعه مع مسئول الترصيص وده علشان كان عندى مشاكل فى الجنوط علشان مصرى وعندى كاوتش فى خوابير كثير وظل بجانى علما انى قد أنهيت الصيانه الخاصة بى والترصيص والزوايا فى مكان أخر وعند أكتمال كل المهام طلبت من والدى مبلغ وقدره استعدادا للفاتوره وكانت الصدمه 70 جنيه فقط وخصم أيضا 20 جنيه لاعضاء المنتدى يعنى فى الاخر 50 !!!!!!!!
مش هقول أكثر من انى فى التوكيل غيرت زيت موتور وفلتر هواء وربط عفشه وغيرت تيل بمصنعيه فقط 300 غير تكاليف الصيانه نفسها
ولكم الحكم ولك جزيل الشكر يابشمهندس هانى