يا سيدى الفاضل ارجوك العربية موديل 2009 يعنى مش معقول السعر ده ,
الرحمة يا جماعة الرحمة
يا استاذ عبدالله ارجوك اكتب السعر النهائى اللى يرضى ربنا , وان شاء الله هاخدها ,,,
وشكرا ,,,,,,,,,,,
عرض للطباعة
يا سيدى الفاضل ارجوك العربية موديل 2009 يعنى مش معقول السعر ده ,
الرحمة يا جماعة الرحمة
يا استاذ عبدالله ارجوك اكتب السعر النهائى اللى يرضى ربنا , وان شاء الله هاخدها ,,,
وشكرا ,,,,,,,,,,,
العربيه باسمي يا فندم وانا اول مالك من التوكيل
يا استاذ بسام انا بقول من الي شوفته في السوق لو حضرتك نزلت السوق في مدينة نصر سوق السيارات اكيد حضرتك والاخوه الافاضل تعرفوه هتشوف اسعار والله هتندهش وكمان حالة العربيه هناك انا والله بكلم معاكوا بكل امانه العربيه فعلا فعلا فرصه لاي حد والله علي ما اقول شهيد وده مش عشان عربيتي لو حتي دي عربية حضرتك كنت هقولك نفس الكلام وتحت امرك العربيه منغير ولا جنيه يا باشا وانا مش تاجر ولا حتي بتاجر بيها دي عربيه انا اشتريتها وبغيرها وبشتري غيرها
سبحان الله ولا اله الا الله والحمدلله والله اكبر
استاذ عبدالله نرجو اخذ رأي الاعضاء في الاعتبار ومراجعة السعر من فضل حضرتك ان شاء الله ربنا يكرمك في بيعها باذن الله
هل حضرتك عملتلها صيانة ال 60000 من تغير سيور وهكذا ....
استاذ علاء انا يشرفني اخد اراء الاعضاء المحترمين في المنتدي وصيانة العربيه كلها هتلاقيها حضرتك مكتوبه بالورق والقلم وبالتاريخ كمان اخر تاريخ صيانه اما بخصوص السيور لا لسه متعملتش بس كنت بعمل الصيانه الدوريه من زيوت وفلاتر وغيرت البطاريه باخري جديده والعربيه في الجراج واي حد يحب يتفرج عليها ياريت يشرفني باتصاله وننسق سوا واكيد المعاينه خير دليل علي كل كلامي مش كده برده
انا أعرف ان الفيرنا كسر زيرو بتتباع بالسعر ده بصراحه
لكن اللى شايفه انها ولا كسر زيرو ولا مثل موديل السنه والعداد مش قليل برضه ف رأى السعر ده مش تمن الفيرنا ولا سعرها ف السوق خالص
مهما كانت حالتها ماتوصلش 60000 جنية
دة أحنا شاريين ماتريكس مانيول 2006 بـ 62000 جنيه
أشترى فيرنا 2009 بـ 60000 ألف
غريبة
استاذ mxz حضرتك حر في رائيك وانا بحترم رائيكوا جميعا وامابخصوص الفيرنا كسرالزيرو فاكيد مش هتتباع ب 60 لسبب بسيط ان سعرها جديده 72500 وده سعرها في التوكيل وكسرالزيرو مبينزلش اكتر من 5000 الا لو رشة او عملت حادثة وزي ما حضرتك عارف البيع عرض وطلب
استاذ ابو يوسف الف مبروك علي الماتريكس وربنا يكفيك شرها ويطعمك خيرها اما بخصوص ليه 60 لان عربيتي فابريكه بره وجوه هيه زي ما حضرتك قولت 2009 فعلا بس فرق كبير اوي بين عربيه تعبت واتبهدلت وركبتها مية رجل وعربيه مبيركبهاش غير صاحبها وهوا اول مالك ليها وبرده اتشرفت برائي حضرتك