السلام عليكم ورحمة الله وبركاته
النهاردة كنت بتمشي فى الهرم ولقيت معرض البرجسي فاتح مقدرتش اقاوم
رحت دخلت ولقيت اول حاجة فى وشي Auris ذهلت اول ما شفتها ....
طبعا حسيت بهيبه كده اول ما مسكت المقبض قلبي انقبض ههههههههههه
دخلت وحسيت انى مش راكب تويوتا خالص حسيت انها بي ام اودى كده مش عارف
طبعا فخامة من جوة وكانت فيها شاشة و 4 اير باجز
وكمان shifters ورا ال steering
قلت لا دى مش تبع احمد منصف ابداااااااااااا
اما الصاج بقي ده اللى استغربت منه كان صاج قوى والباب تقيل وحتى الكبوت
وكانت الفئة الوسط كانت عاملة 163 الف فيها كل حاجة شاشة فرش جلد . 6 سماعات . شفترز . اربع اير باجز . فوجات . طبع النور الامامى كان بروجكتور . ليدات . الزجاج الخلفى غامق . واكيد تكييف اوتو . ESP . sport mode . Bluetooth
العيب الوحيد انها كانت رنجات ومش جنوط ..
الفئة الهاى لاين زيادة على اللى فات
جنوط 16 205 . تدفئة فى كرسي السائق والراكب الامامى . سنسور ورا وقدام . فتحة سقف بنوراما .سنسور مطر . سنسور نور . الشبابيك كلها اوتو . المرايات auto dimming . heated . auto fold
طبعا الموتور فى الفئتين نفس الموتور 131 حصان
السعر 185 الف جنيه انا مش شايف انه عالي هو مناسب بالنسبة للمواصفات دى
يا رب يكون الموضوع كويس
انا صورت اربع صور بس معلش مقدرتش ارفعهم
بس ان شاء الله هحاول