السلام عليكم
عندى استفسار وهو هل ياترى ينفع اغير الديسك والاسطوانه واجيب ديسك واسطوانه الفيرنا لنعومه الدبرياج ؟؟
منتظر ردودكم وشكرا
عرض للطباعة
السلام عليكم
عندى استفسار وهو هل ياترى ينفع اغير الديسك والاسطوانه واجيب ديسك واسطوانه الفيرنا لنعومه الدبرياج ؟؟
منتظر ردودكم وشكرا
مينفعش يا باشا
و نعومه الدبرياج بيبقى على حسب الدبرياج شغال بسلك ولا على سيرفو و لو بسلك حاله السلك ايه او حاله السيرفو و زيت الباكم ايه
هو فى البدايه بسال واحد معاه عربية 504 برده بقوله تكلفه الديسك والاسطوانه كام قالى بسيطه فى حدود 400 جنيه
ونصحنى ان اركب بتوع الفيرنا جديد وقالى خلى عفشجى كويس يقوم بالمهمه دى
انت من رايك الدبرياج هيكون ناعم اكيد بسيرفوا ولا عندك راى تانى ؟
وياريت لو تقولى ايه سبب بوظان الديسك والاسطوانه دول ؟؟
اسف فى الاطالة نظرا لانى مستجد فى امور المكانيكا :)
شكرا ليك يازعيم
يا باشا الى قالك كده ده بيفتى
الديسك و الاسطوانه الى بيغيرهم الميكانيكى
و مينفعش تركب ديسك و اسطوانه مش بتوع عربيتك عشان المقاسات غير ان منظومه الفتيس و الدبرياج بالاخص مبتخفش او تتقل عشان ديسك و اسطوانه بتوع عربيه تانيه
و على حسب العربيه عندك نظامها ايه انا مش فاكر البيجو كانت مع والدى ايه لانى كنت لسه صغير ساعتها باعها و انا عندى 11 سنه تقريبا فمكنتش اعرف الدبرياج بتاعها سلك ولا سيرفو بس فى الغالب سيرفو
الديسك و الاسطوانه بالبليه بالفورش هيخلوا الدبرياج معاك احسن بس تجيب الاصلى بتاع العربيه او تجيب طقم فاليو و لو الدبرياج سلك يبقى تغير السلك و ترش wd40 على البدال و هتلاقى العمليه بقت كويسه معاك
البيجو ناعمة اصلا ، ماهياش لادا يعنى :)
هات نوعية نضيفة زي لوك الاصلى مثلا واعمل طقم اصلاح للماستر بالمرة وطبعا ما تنساش تخرط الفولام وهتلاقيه بقى ناعم جدا وخفيف جدا جدا جدا ، بس قول للميكانيكى وهو بيظبطلك الزيت بتاعه انك عايزه ناعم وواطى شوية
انما تركب دبرياج فيرنا دى نكتة الصراحة :d
ايه النكته فى كده ؟؟!!
انا خبرتى بسيطه ومعرفش اذا كان ينفع ولا ماينفعش ولذلك حبيت اسال فى المنتدى
حضرتك مضايق من شىء يبقى يفضل ماكنتش ترد على استفسارى
والله الواحد على قد مابيشوف ناس للاسف عندها سخرية بدون اى سبب على قد مافى ناس موجوده محترمه مثل الاستاذ الجزار
الله المستعان
يا باشا انا ما قلتش كدة غير لما انت قلت ان واحد اللى قاللك كدة
انا اسف لو اتفهم قصدى انه سخرية من حضرتك
مع انه والله مش قصدى كدة ابدا ! وده باين في طريقة ردي على حضرتك من الاول
والعضو اللى قبلى قاللك " يا باشا الى قالك كده ده بيفتى"
وانا لما قلت نكتة كان برضه قصدى على اللى قاللك كدة مش عليك شخصيا لأن الفكرة اصلا مش بتاعتك ، هسخر منك ليه !
على فكره هو ينفع عادى تركب ديسك بتاع فيرنا وفى ناس كتير مركبيه للبيجو بس ساعتها هتضطر تودى ترس الفلام للخراط عشان يخرم اماكن المسامير عشان توافق مع الديسك الجديد وفى واحد اسمه ماجد الاباصيرى فى الفسطاط ممكن تروحله وتقوله على الكلام ده