عرض للطباعة
السلام عليكم ورحمة الله وبركاته
ازيكم يا هونداوية ..
انا محتاج مساعدتكم ضرورى ايه رائيكم فى السيفيك 94 او 92
لجوز اختى مع العلم انو جديد فى العربيات
وانا اقنعته بالسيفيك بس اصحابه بيقولولو ابعد عنها دى ملهاش قطع غيار
هل كلامهم صح؟؟
وايه البديل
انا رشحتله الفابيا و البيجو 307 و الصنى 2002 هو معاه لغاية 55 الف ومش هيزود
هل العربيات دى هتريحة ولا ايه ؟؟
معلش عشان احنا هننزل السوق بتاع الجمعة وانا بقله بلاش منه وجمعتله العربيات المذكورة من كونتاكت كارز
أعتقد الصنى أفضل فى حدود المبلغ ده ... موديل أعلى شوية و صيانة أسهل
بس عموما السيفيك 92-94 ديه أكتر عربية موجودلها قطع غيار إستيراد فى الحرفيين و فى صنايعية كتير حريفة فيها
عربية جميلة لكن المهم يجيب واحدة نضيفة لأنها عربية شبابية و بتاعة جري عشان كده كتير منها عامل حوادث.
بص حضرتك بجد العربيه دي محترمه جدا بس لو انت في القاهره او اجوارها او بورسعيد او اي حته متوفر فيها قطع الغيار
خليه يشتريها ويعتمد على ربنا وربنا يوفقك
قطع الغيار بجد موجوده جديد ( ياباني - تايواني ) استيراد وكل حاجه متوفره الاسعار ممكن غاليه ورخيصه حسب التاجر
بس محدش يلعب في العربيه غير صنايعي يكون فاهم فيها وخصوصا خصوصا الكهرباء بتاعت العربيه واي حد هيعمل فاهم ويشتغل هيبوظ فيها بذياده
.................................................. .................................................. .................................................. ....
.................................................. .................................................. .................................................. ....
.................................................. .................................................. .................................................. ....
.................................................. .................................................. .................................................. ....
.................................................. .....
استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".
يرجى مراجعة قواعد المنتدى
م ب 8
متشكر جداااااااااا ليكم يا هونداوية
انا بعشق الموديل ده
بس بعيدا عن الهوندا ايه رائيكم فى الفابيا 2004 ؟؟؟
معلش انا تقلت عليكم
قطع غيار متوفره بكثره و معمره جدااا..عربيه لو ركبتها صح مش حتفكر تبيعها خصوصا الموديل ده..
.................................................. ...............................................