الايام بتجرى بسرعه اوى يا جماعه العربية معايا من 7 سنين لما اشتريتها زيرو , امبارح لاقيت العداد قلب على 200 الف كم.. الصراحه شريط الذكريات عدى قدامى و افتكرت لما روحت خدتها من المعرض و روحت المرور ارخصها و لما كنت بخبطها و اروح اسمكرها و اد ايه استحملتنى فسواقتى و انا متعصب و انا عاوز اجرى و كانت دايما بتتطاوعنى اد ايه استحملت شوارعنا المكسرة و البلاعات المفتوحه .. عمرها ما قصرت معايا مشيت 200 الف كم اقسم بالله عمرها ما عطلت معايا غير مرة لما القربة باظت و سخنت غير كده مفيش مرة احط المفتاح الا لما تتدور معايا و تودينى مشاويرى حتى فعز الصيف تكييفها القوى بينسينى حر الطريق التكييف ده ماشحنتوش غير مرة واحده من ساعه ما اشتريتها و لسه اداؤه جبار ما شاء الله .
الواحد كل مايشوف عربية جديده تعجبه يقول جه الوقت يغير بقى يركب النوبيرا و يطلع يشد و يجرى و يقول طب اغير ليه ما هى مريحانى و مش مخليانى اتذل عند الصنايعيه و ارجع فكلامى و اقول مش هغير .
حتى لو جيت اغير مش هشترى غير عربيه من جنرال موتورز فعلا بيعملوا عربيات اعتماديه و بتستحمل و الدليل الاوبترا و دلوقتى الكروز
فعلا شكرا دايوو و كل 200 الف كم و انتى طيبه يا نوبيرتى يا حبيبتى
من عاشق لحبيبته