الموضوع: الرئيس محمد نجيب - دعوه للحوار الجاد المثمر

شكرا على الذكر الخاص لي يا باشا..... كما انت تفضلت فالتاريخ عادة يكتبه المنتصر..... هذه حقيقة مؤلمة لكنها هى الحاصل دائما..... و لا تتكشف الابعاد الكاملة للحقائق التاريخية الا بنهاية نظام و بداية اخر..... لانه ساعتها يكون من مصلحة النظام الجديد اعلان حقائق سلفه خاصة لو سلبية..... عشان كده فى مدرستين لقراءة التاريخ..... المدرسة الاولى هى مدرسة قراءة شهادات العصر على التاريخ او شهادات صناعه انفسهم..... من المدرسة دى هتلاقى ابرز اعلامها هو محمد حسنين هيكل و له مدرسة مميزة فى هذا المجال تتميز ايضا بالاعتماد على الوثائق التى اتيح له بحكم علاقاته الوصول اليها و استقراء التاريخ منها..... لكن يعيب هذه المدرسة و هيكل شخصيا هو الرؤية الاحادية فى احيانا كثيرة للاحداث.... لان من يروى يقوم برواية ما شهده من احداث او ما مر به بدون الالمام بالصورة الكلية (رغم ان هيكل طبعا بموسوعيته بيحاول يعمل كده بس برضه يعيبه اقحام وجهات نظره الشخصية و توضيحها هى فقط فى بعض الاحيان و اغفال اجزاء اخرى من الصورة..... الصورة الكاملة تبحث عنها المدرسة التالية و هى مدرسة المؤرخين الاكادميين.... و المدرسة دى رغم جفافها و عدم حيويتها فى رواية و تحقيق و تمحيص التاريخ الا انها الادق فى الوصول الى الحقائق التاريخية..... يبقى شئ مهم.... هو تفاعلك انت الشخصى و انظباعك عما تقرأ..... و ده مهم لان القارئ يصلح لكى يكون حكما فى حالة الالمام الكبير و التعمق فيما يبحث عنه..... و يستطيع ايضا تكوين احكامه الشخصية التى يمكن مناقشتها..... و هى فى النهاية ستظل احكام نسبية..... لان التاريخ كله..... لا يمكن التوصل الى اعادة كاملة له كما حدث سابقا...... انما ما يحدث غالبا هو اعادة دراسة لنتائجه و اثاره على الارض

بالنسبة لنجيب..... جزء من السجلات المختلفة بيقول انه كان واجهة للضباط الاحرار..... فهو اعلاهم رتبة و هم كلهم ضباط صغار فى السن فكان واجهة جيدة لهم و ان كان لم يكن على دراية كاملة بذلك .... كان عيبه انه لم يكن له طموح كما كان زى ما بنقول بالبلدى كده راجل طيب..... فلما جه واحد عنده طموح و شخصية قوية زى جمال عبد الناصر قدر انه يحيد بسرعة محمد نجيب او حتى باقى مجموعة الضباط الاحرار لانه هو كان القائد الفعلى لهم.....

سيبك انت من الدش ده كله...... قولى اللى الشئ او الحالة اللى انت بتحاول تجد لها تنظير تاريخى عشان تخرج بنتايج..... و نحاول نفكر سوا لان انا بستمتع جدا بموضوع التنظير ده لانه بيحفز حاجات كتير فى دماغى....