عايز اعمل رجيم يا شباب و محتاج شوية ادوية تساعدنى :fun_36_3_4[1]:... يا ريت لو اى حد جرب ادوية التخسيس يدخل يقولى اسمها و نتيجة استعملها.
بس المهم تكون ادوية موجوده فى الصيدليات حاليا مش اتمنعت او جايبها من برة و يحسرنى :hugging:
عرض للطباعة
عايز اعمل رجيم يا شباب و محتاج شوية ادوية تساعدنى :fun_36_3_4[1]:... يا ريت لو اى حد جرب ادوية التخسيس يدخل يقولى اسمها و نتيجة استعملها.
بس المهم تكون ادوية موجوده فى الصيدليات حاليا مش اتمنعت او جايبها من برة و يحسرنى :hugging:
ادوية التخسيس خدعوك فقالوا
اي دوا تخسيس بيبقى بمساعدة نظام غذائي
ناس كتير من اللي جربت الادوية جاب نتيجة ورجعوا بعدها تاني
ادوية تقليل الشهية بتعمل على جزء من المخ وضارة
في ادوية بتكسر الدهون اللي في الاكل اللي انت بتاكله مش في الدهون اللي في الجسم
ابحث في النت عن الاطعمة اللي بتساعد على الحرق
خليك في الحاجات الطبيعية
في شوربة حارقة بتساعد على سد الشهية وحرق الدهون بالمساعدة مع النظام الغذائي
هاقول لك على وصفة شوربة شبه شوربة الخضار بس مكوناتها حارقة مع تقليل الاكل
مجربة وجابت نتيجة بس بطيئة
فراخ بدون جلد لو لحمة بدون دهن مسلوقة
كرنب مقطع(حوالي كوبين )
2جزرة
2حبة كوسة
حوالي كوب وردات قرنبيط
كوب وردات بروكلي
بصلة مقطعة انصاف دوائر
فص ثوم مفروم
ملعقة زنجبيل طازج مبشور او ملعقة زنجبيل بودرة
ملعقة قرفة
ملعقة كمون
نصف ملعقة فلفل اسود
ليمون حسب الرغبة
هتسلق الجزر والكوسة والفرنبييط وممكن تحط اي نوع خضار بتحبه في شوربة اللحم او الفراخ
بعد ما يدخل الخضار في السوا ما يتسلقش اوي
نحط البروكلي والبصل والثوم والزنجبيل والقرفة والكمون والفلفل الاسود
لي غلوة تطفي وتتركها مغطاه تستهدي 5 دقايق
اهم حاجة الخضار ما يبقاش مستوي اوي لحد ما يتهري يعني يقطم معاك
البروكلي لازم يتحط في الاخر عشان لما بيزيد عليه السوا بيغمق وبيجلد وبيبقى طعنه مش حلو
كل المكونات دي لو بحثت عنها عالنت هتلاقيها كلها حارقة للدهون
انا جمعتها كلها في اكلة وقيمتها الغذائية كاملة والجسم مش محروم من اي مكون
بلاش بسلة ولا بطاطس لو بتحبهم ممكن تحط كمية قليلة مش هتضر
بس نصيحة بلاش الادوية ضررها اكتر من نفعها
بص انا هقولك من الآخر و تجربه خاصه و نجحت معايا جدا سيبك من كل ادويه التخسيس
عايز تخس امنع الكاربوهيدرات و كل لحمه و دهون براحتك و صدقنى هتخس و الكوليسترول هيتظبط و التراى جليسرايد و السكر النوع الثانى ...
يعنى لا ر ز ولا مكرونه ولا بطاطي و لا عيش ولا فول
والفاكهه ممنوعه اول اسبوعين بس و بعدين ممكن تاكل فواكه معينه زى البرتقال و التفاح مثلا وتبقا واحده بس فى اليوم
الريجيم ده اسمه اتكنز ممكن تعمل سيرش عليه و صدقنى نجح معايا ميه فى الميه و صحتى بقت احسن كمان