تقرير صيانة ال95000 و انطباعى عن البرسونا بعد هذه الفترة

تقرير صيانة ال95000 و انطباعى عن البرسونا بعد هذه الفترة
هلخص التقرير فى نقاط لتسهيل المتابعة
1- متطلباتى للاصلاح قبل الصيانة بخلاف الزيت والفلتر
- مشكلة فى صوت المنافولد
- تغيير تيش خلفى يمين
- صوت فى العفشة ناحية الشمال فى البطئ
- ضبط سنتر الباب شمال
- لوك وحدة درج التابلوه اتكسرت
2- النتائج بعد الصيانة
- مشكلة فى صوت المنافولد (اتحلت) ومن الافضل تغيير المنافولد
- تغيير تيش خلفى يمين (تم التغيير)
- صوت فى العفشة ناحية الشمال فى البطئ (تم تربيط العفشة والتشحيم بالاسبراى واختفاء الصوت)
- ضبط سنتر الباب شمال (تم ضبطه)
- لوك وحدة درج التابلوه اتكسرت (غير متوفر وان شاء الله هركبه لما يجى)
- تم ملاحظة وجود زيت من مسمار الكرتيرة ومن الافضل تغيير كارتيرة الزيت
3- نصائح
- اعمل صيانة كل 5000 كيلو بانتظام ياريت فى التوكيل لانهم حافظين العربية
- غير الكاوتش كل 40 الى 60 الف بالكثير ، اعمل للكاوتش روتشن كل 10 الى 20 الف
- غير التيل باستمرار ومتقرصش عليه علشان تحافظ على الطنابير
- متفتكرش انك ملك الطريق حافظ على نفسك والى معاك انا شفت عربيات حوادث كثيرة جدا فى التوكيل خلال هذه الفترة و الحافظ هو الله
- استمتع بعربيتك واعرف ان كل عربية فيها مزايا وفيها عيوب
4- انطباعى بعد هذه الفترة
- سيارة اعتمادية عائلية رياضية انيقة بجد
- مريحة وليها انطباع خاص جدا فى القيادة
- مكلفة فى الصيانة وقطع الغيار بعض الشئ
- بتسهلك بنزين عالى حبتين
- مغرية على الطريق والفرامل مش امان قوى على عربية زى دى
- ميزة التعليق الخلفى المنفصل جميل جدا فى ثبات السيارة والمحافظة على الاتزان اثناء الانتقال من حارة الى حارة
- الحمد لله على توفيق ربنا ليا باختيار هذه السيارة واتمنى من الله ان اكون افدتكم بشئ
- تحياتى أسامة شحاتة

الف مبروك يا استاذ اسامة صيانة ال 95 الف
ربنا يباركلك فيها

تقرير محايد جداً

بالتوفيق يا استاذ اسامه وشكرا على التقرير

الف مبروك و عقبال مليون كيلو ان شاء الله

ربنا يبارك لك فيها، وجزاك الله خيرًا على التقرير والإفادة.

مبروووووووووووووووووووووو وووووووووك

{ وَتَقُولُوا سُبْحَانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ }
فَعَلَّمَنَا اللَّهُ تَعَالَى مَا نَقُولُ إذَا رَكِبْنَا الدَّوَابَّ
وَعَلَّمَنَا اللَّهُ فِي آيَةٍ أُخْرَى عَلَى لِسَانِ نُوحٍ عَلَيْهِ السَّلَامُ مَا نَقُولُ إذَا رَكِبْنَا السُّفُنَ , وَهُوَ قَوْله تَعَالَى : { وَقَالَ ارْكَبُوا فِيهَا بِسْمِ اللَّهِ مَجْرَاهَا وَمُرْسَاهَا إنَّ رَبِّي لَغَفُورٌ رَحِيمٌ } . [ ص: 85 ]

كنت عشمان فى تقرير بتفصيلات اكثر من كدة بصراحة :d
الف شكر على التقرير والمعلومات القيمة ، ربنا يبارك لك فيها ويعيطك خيرها ويكفيك شرها :)

ربنا يباركلك فيها ويديك خيرها ويحفظهالك

الف مبروك
ربنا يبارك ..

شكرا على التقرير
انا معاك بخصوص تغيير الكاوتش والتيل

الف مبروك علي الصيانة

الف مبروك الصيانة

ربنا يباركلك فيها ويحفظك من شرها

هل معنى كلام حضرتك ان فرامل العربية ضعيفة