النهاردة روحت اتفرجت على Great Wall Peri
بسم الله
النهاردة روحت اتفرجت على greatwall peri
القاعدة فيها مريحة جدا جدا و عالية
التابلوة شكله حلو جدا و انواره باللون البرتقالى المميز ( تابلوه فيات)
الخامات كويسة جدا متحسش انك راكب عربية بالتمن دة او عربية صينى عموما :)
التقفيل و الفينش ممتاز مفيش غلبطات تقفيل
الازاز الكهربائى مفاتيحة جنب الفتيس
صوت قفل الباب حلو مش بيرزع :)
الشنطة معقولة
صوت الموتور هادىء 1300 سى سى
الفرش خامته كويسة
العربية واسعة و خصوصا من ورا يعنى تاخد 5 مستريح
العربية عالية عن الارض شوية
الشكل جميل و لكنة مسروق من فيات لكن الواجهة الامامية مختلفة تماما
الفتيس ناعم
العزل الصوتى جميل جدا و دة من الحاجات المهمة بالنسبالى :)
الباور جميل جدا
و دة حظى بتجربة العربية لانى فى واحد صاحبى شغال هناك و خلانى اخد العربية لفيت بيها حوالين المعرض
الفرامل استجابتها سريعة ABS+EBD
مافيش ايرباج
مختش بالى خالص من الكاسيت اذا كان mp3 ولا لاء
السعر معقول - فى المعرض بـ 56000 جنيه
التوكيل 53000 جنية لكن معرفش الحجز قد ايه و بكام
و العربية دى هتنافس الاسبيرانزا A113 و الشفورلية سبارك و لكنى اعتقد ان احسنهم هيا Peri
http://www.postimage.org/gx1rn3pJ.jpg
http://www.postimage.org/gx1rnnmS.jpg
http://www.postimage.org/Pq1BM7dA.jpg
greetings