شباب حد معا لانوس فيها غاز !!

**ahmedzizo131** · 21-02-2013 07:00 PM

بسم الله الرحمن الرحيم
هل فى حد من الاعضاء معاة لانوس و فيها غاز طبيعي !!
بصراحة انا بفكر احول لغاز بعد ما سمعت خبر شيل الدعم عن المنتجات البترولية .
يا ريت لحد معاة ينقلنا التجربة علشان كلنا نستفيد بيها .
و شكر مقدما .

**AlGazar2** · 21-02-2013 08:03 PM

الغاز من ضمن المواد البتروليه فنظامه ايه فى الموضوع ده

و اللانوس فى منها غاز كتير و لو مشاويرك كتير يبقى هتوفر معاك جامد و وقت ما الماتور يحصله حاجة ارميه و هات استيراد تمنه رخيص

**hmada9009_99** · 21-02-2013 08:05 PM

المشاركة الأصلية كتبت بواسطة ahmedzizo131

بسم الله الرحمن الرحيم
هل فى حد من الاعضاء معاة لانوس و فيها غاز طبيعي !!
بصراحة انا بفكر احول لغاز بعد ما سمعت خبر شيل الدعم عن المنتجات البترولية .
يا ريت لحد معاة ينقلنا التجربة علشان كلنا نستفيد بيها .
و شكر مقدما .

هو بصراح ماعرفش بس بلاش نستسلم ونقول نحول غاز ده مش طريقه لازم نقولهم لأ الفكر اللي بتفكرةا فيه ده فاشل ولا يجوزززززززززز

وعاوز قولك حاجه فيه ازمه غاز ومش باينه علشان احنا مافيش احتكاك كبير لينا بالغاز اما لو عربيات كلها او اغلبها غير غاز هيبقى فيه ازمه اكتر من البنزين ومش هيبقى فيه غاز ده فشل اداره البترول ولازم يفكروا بحلول واقعيه من غير مايقرفوا الناس

**tefa22m** · 21-02-2013 08:06 PM

بس المهم سحب العربيه ايه مع الغاز زى ال90 و لا بطه بلدى

**مصطفى-حسن** · 21-02-2013 08:25 PM

معايا غاز بقالى 5 سنين
4 سنين فى فيات 132
وسنة فى دايو لانوس 2002
انا هقولك على الخلاصة (الزتونة ) بتاعة موضوع الغاز دة
اولا سعرة جديد كاش حوالى 6500ج تقريبا
وقسط طبعا بيذيد تقريبا بيوصل 8000ج وكسور (الاسعار دى تقريبية)
مستعمل بيتراوح بين 1300ج الى 2000ج
وتلاقية عند الناس بتوع معارض السيارات المستعملة
ولازم يكون معاة الورق بتاعة
اللى هى المخالصة (يعنى لازم يكون خالص مش علية اقساط)
لان لو علية اقساط الشركة مش هترضى تركبة
مصاريف التركيب تقريبا 1000ج (شاملة بقة فحص اسطوانة ومواسير جديدة ووصلات وخراطيم ....الخ)
وعلى فكرة كل دة انت ملكش دعوة بية
انت بتروح الشركة تقعد زى الباشا تشرب شاى وتقريبا كل حاجة بتخلص فى حدود 3 ساعات وتمشى بالعربية غاز
التفويلة ب 6 ج بتعمل معاك حوالى 180 كيلو لو الموتور عادى ومظبوط
ولو الموتور على الشعرة (بقفلة مصنعة)يتعمل حوالى 200 او 210 كيلو
يعنى نقول اللتر ب 45 قرش بيعمل حوالى 13 كيلو تقريبا

تمام كدة

انت كدة ركبت غاز خلاص

ازاى تستمع بالغاز الطبيعى فى سيارتك بدون اى ملاحظات او مشاكل

اولا : اوعى تستخدم اى زيت غير فيسكو ngv ولونة اخضر فاتح
(لأن دة الشركة عاملة مخصوص للعربيات اللى بتشتغل غاز بنزين)
وسيبك من كل الهرى والفتاوى اللى ممكن تسمعها من سواقين التاكسى والميكانيكية

ثانيا : مع كل غيار زيت ارمى الفلتر وركب واحد جديد

ثالثا : اوعى تعمل اى حاجة فى الغاز (صيانة او ما شابة) برة الشركة

بس خلاص
لو عملت اللى انا قولت لك علية دة مش هيكون عندك اى مشاكل على الاطلاق

لان انا لما التزمت بكل دة مشيت بالعربية الفيات 132 اللى كانت معايا 131 الف كيلو متر على مدار 4 سنوات بدون عمرة للموتور ولا يحزنون

دة تقريبا الاطار العام بتاع موضوع تحويل الغاز
ولو عندك اى استفسارات انا فى الخدمة

**مصطفى-حسن** · 21-02-2013 08:29 PM

المشاركة الأصلية كتبت بواسطة hmada9009_99

هو بصراح ماعرفش بس بلاش نستسلم ونقول نحول غاز ده مش طريقه لازم نقولهم لأ الفكر اللي بتفكرةا فيه ده فاشل ولا يجوزززززززززز

وعاوز قولك حاجه فيه ازمه غاز ومش باينه علشان احنا مافيش احتكاك كبير لينا بالغاز اما لو عربيات كلها او اغلبها غير غاز هيبقى فيه ازمه اكتر من البنزين ومش هيبقى فيه غاز ده فشل اداره البترول ولازم يفكروا بحلول واقعيه من غير مايقرفوا الناس

اخى الفاضل الغاز دة بيمشى فى مواسير زى الغاز بتاع المنازل
مش نظام تنك بيتنقل على العربية زى البنزين والجاز
وانا بقالى 5 سنين واطول طابور وقفتة كان عربيتين قدامى

**مصطفى-حسن** · 21-02-2013 08:33 PM

المشاركة الأصلية كتبت بواسطة tefa22m

بس المهم سحب العربيه ايه مع الغاز زى ال90 و لا بطه بلدى

فى السيارات التى تعمل بنظام الكربراتير القديمة بيقل سحب العربية 10% فقط وممكن تعوضة بالدوسة على البنزين

اما فى السيارات الجديدة الانجيكشن فتقريبا الفرق فى السحب 2 او 3% فقط وتقريبا مش ملموس

اما فى الافيو والمتسوبيشى لانسر والنيسان صنى الحديث...الخ فالسحب بيكون بقوة بنزين 95 ودة راجع لاختلاف فى نظام الحقن شرحهولى المهندس المتخصص وهو بيركب الغاز عندى بس بصراحة مش فاكر التفاصيل الفنية