بسم الله ما شاء الله الفوانيس رجعت جديده
المطلوب
1-ورقه سنفره 1000 السعر 4 ج
2-ورقه سنفره 2000 السعر 4 ج
3- علبه بوليش اسمه GEM السعر 5 ج
4- بخاخ قديم بتاع جلانس مثلا مليان مياه و معاهم شويه صغيرين اوى صابون سائل
يعنى الاجمالى 13 جنيه فقط لا غير
و ديه صوره الحجات اللى جبتها
http://nileup.com/up/uploads/nilemotors_13614691651.jpg
هانبداء بسم الله
ديه صوره الفانوس قبل التلميع
http://nileup.com/up/uploads/nilemotors_13614687121.jpg
هانبداء نرش المياه من البخاخه و نسنفر بالورقه ال1000 هانلاقيه بتنزل الميه لونها اسود من السنفره هانفضل شغالين لحد لما المياه تنزل لونها ابيض من تاكل بلاستيك الفانوس
و بعدين نعسل الفانوس و نبداء بقى بالورقه ال 2000 و نديها لحد لما الفانوس ينعم خالص و اللون الاصفر بتاعه يختفى خالص
و ديه صوره الفانوس بعد السنفره ابيض خالص و راح منه الصفرار و الغامق
http://nileup.com/up/uploads/nilemotors_13614687122.jpg
هانجيب الكريم و نوزع منه على الفانوس و لو فيه صاروخ و طاره يبقى نعمه و فضل لو ما فيش يبقى زى ما انا عملت قطعه قماش قطنيه و عيش بقى على قد ما تقدر
هو الموضوع كان متعب معايا عشان فانوس النوبيرا كبير و ماعنديش صاروخ بس الحمد لله النتيجه مرضيه جدا
و ديه صوره الفانوس بعد التلميع
http://nileup.com/up/uploads/nilemotors_13614694321.jpg
اتمنى ان اكون قدمت نفعاً لاخوانى فى المنتدى العظيم
