-
هبعتلك واحد ياخدك !!
السلام عليكم ورحمه الله وبركاته
طبعا العنوان غريب اعذوني :tongue02:
الحكايه وما فيها اني كنت ماسك جريده الوسيط بتاعت الدلتا بتصفحهاولفت نظري في قسم الوظائف
اعلان عن وظيفه في الزقازيق ده كان نص االاعلان
وكاله أجنبيه (خالوابالكم من أجنبيه دي ) في الزقازيق تطلب شباب للعمل في مجال التسويق بدخل يصل الى 5000ج وترقيات يشترط امتلاك سياره خاصه وحسن المظهر
تمام كده قلت اتصل اشوف ايه ظروف الوظيفه ام 5000 دي في الزمن ده
وقد كان اتصلت وطبعا انا متصل بوكاله أجنبيه بقه فمتخيل ان الصوت غالبا هيكون صوت ملائكي ناعم
وكانت الصدمه الاولى انه راجل قلت عادي وكان نص الحوار كالتالي
انا:سلام عليكم
هو: ايوه (بطريقه الصنايعيه مع التقدير للصنايعيه)
انا: طبعا اتصدمت من الصوت والطريقه بس قلت نكمل للاخر قلت له حضرتك مش عاملين اعلان عن وظفيفه؟
هو:سكت كده وبعدين قالي ايوه أؤمر
انا: طيب شركه ايه وطالبين ايه بالظبط
هو: انت اشتغلت في المجال ده قبل كده
انا:مجال ايه حضرتك مش كاتب اي بيانات في الاعلان اصلا بسلو تقصد التسويق عموما يبقى ايوه
هو:طيب كويس خلاص تعالا بكره
انا:طيب حضرتك اسم الشركه ايه او مجالها ايه يعني
هو:لما تيجي هتعرف
انا:يا فندم يعني اجي وانا حتى مشعارف اسم الشركه او شغال في ايه طيب
هو: تعالا بكره وانت تعرف كل حاجه
انا:طيب اجي ازاي العنوان ايه يعني
هو:الزقازيق
انا:كان نفد صبري بصراحه ايوه ياباشا فيييييييييييين في الزقازيق
هو:حي غرب
انا: يا مصبر الوحش فين في حرب غرب يعني انا معرفش اسم الشركه اصلا يبقى هوصلها ازاي
هو:تعلا بس حي غرب وكلمني
انا: اكلمك !! طيب وبعدين
هو: هبعتلك واحد ياخدك
انا:طيب متقولي العنوان وابعتلك انا واحد ياخدك وروحت قافل في وشه
ايه ده بقه ؟؟
انامش لاقي تفسير غير انهم طالبين ناس معهم عربيات ويقلبوا منهم العر بيات
وحاطين اعلان مغري وكاله اجنبيه ومرتب 5000
ولا ايه رأيكم !!
-
ممكن جداً تكون طريقة جديدة للخطف وسرقة السيارة ، خصوصاً ان اى جريدة بتخلى دايماً مسئوليتها عن مدى مصداقية الاعلان ..... ربنا يسترها على الجميع ...
-
اولا ياباشا في شركات بتنزل اعلانات لمجرد دعاية مش اكتر يعني هما مش عايزين حد ولا حاجة
ثانياً في شركات فعلا نصب بمعني الكلمة كده يعني كنت بتصل بردوا بشركة في شرم تخيل يقلي العنوان في شرم وخلاص ايه ياعم الحاج انت هندي ولا ايه هههههه
فين طيب في شرم لما تيجي شرم تصل بيا وهقلك هههههههههههههه ابو الحشايش واللي بيعملوا في الناس ههههه
ومن الاخر لما تشوف حاجة زي كدة ومرتاحه اوي بجد انا بعمل كدة مش بفكر ابص على الاعلان اصلا لانه هيبقي نصب
-
موضوع الدعايه لما يكون كاتب اسم الشركه لكن ده مش كاتب اي حاجهزي مانا كاتب النص بتاع الاعلان+ ارقام التليفون فالموضوعمشدعايه نهائي
-
وانا كنت بتصل وانامتأكد انه حوار فكسان هو في شركه بتدي مرتب 5000 ال\يومين دول
بس انا كنت عاوز اعرف ايه الكلام برده
-
-
هو الاعلان في الوسيط ببلاش ؟؟
-
شركة بجد آخر احترام
الراجل عاوز يريحك ويبعت واحد ياخدك
وطبعا بعد كده معروف على فين
دى اكيد نصباية هلامية واللى عاملها كمان أهبل جدا
-
الحمد لله كدة نقدر نقول ربنا نجاك
سلامتك بالدنيا
لو محتاجين ناس بجد المتظاهرين السلميين بتوع الملوتوف ياريت يروحو
-
اي حاجة بتكون too good to be true ابعد عنها علشان الحداية مترميش كتاكيت
-
نفس الموضوع حدث معى و لكن بشكل مختلف
حيث تلقيت تليفون على الخط الأرضى من موبايل و كانت المتصلة سيدة تخبرنى بفوز رقمى الأرضى
بهدية مجانية شاملة مصاريف الشحن كنوع من الدعاية للشركة
و إستعلمت منها عن الشركة فأخبرتنى أنها شركة سياحة (لاحظ أن شركات السياحة توزع هدايا مجانية فى هذا الزمن الأغبر)
و لما إستفسرت منها عن عنوان الشركة أعطتنى رقم موبايل آخر و طلبت منى الإتصال به لأن الموضوع يتم تكملته مع قسم خدمة العملاء
و باتصالى بالرقم ردت على سيدة أخرى تسألنى عن إسمى و عنوانى و وظيفتى
و لما إستفسرت منها عن نوعية الهدية أخبرتنى أنها ستكون جهاز كهربائى (ثلاجة -تلفزيون-شاشة إل سى دى - الخ..)
فطلبت منها أن تحاول مع شخص آخر غيرى حيث أننى غير مقتنع بما تقوله
حيث أننى أدركت أن هدفها هو معرفة العنوان فقط ربما بهدف السرقة بعد مراقبة المنزل لمعرفة أوقات التغيب فى العمل
-
-
كلامك صح
وكويس انك رديت كده
-
ماتجيب الرقم نتسلى ياشيفو
-
تعددت الاوجه والنصب واحدا
-
طرق جديدة للنصب منشورة فى جريدة الأهرام بتاريخ 27 فبراير 2013 أنقلها لكم للحذر منها
مع مظاهر الفوضي والانفلات تتنوع طرق النصب
والاحتيال التي يمارسها وبأساليب مختلفة بعض الباعة الجائلين, فقد تلقيت العديد من المكالمات التليفونية يحذرني فيها الأصدقاء من هؤلاء الباعة, ويسردون علي تفاصيل واقعتين حدثتا في مصر الجديدة.
الأولي تنتشر بشكل واسع في شوارع المنطقة وتبدأ عندما توقف سيارتك لشراء فاكهة أو خضراوات من عربة كارو يجرها حصان ـ وما أكثرها الآن في كل شوارع مصر ـ فيستقبلك البائع ببشاشة, ويصر مساعده علي حمل مشترواتك وتوصيلها للعربة بمنتهي الأدب مع ابتسامة لا تغيب عن شفتيه, ولدي وصولك للعربة, ثم جلوسك علي كرسي القيادة, يخرج من جيبه رزمة كبيرة من الأوراق المالية فئة خمسة وعشرة وعشرين جنيها, ويستأذنك بخجل في تخليصه من البعض منها مقابل ورقة من فئة المائة أو المائتي جنيه, وهنا وإكراما لحمله حاجياتك, وأدبه الجم, تسارع في مناولته ورقة أو اثنتين منهما, ويسلمك عددا مقابلا من الفئات الصغيرة, وإمعانا في أمانته يطلب منك عد المبلغ أمامه, فتجده ناقصا, فيسارع باسترداده بالكامل ويعتذر ويعيده مرة أخري, ثم يضيف النقص أمامك حتي تطمئن ويعيده إليك فتضعه علي عجل في جيبك وتنطلق بالعربة, وعندما تراجع ما لديك فيما بعد, أو عند شراء بعض مستلزماتك, تجد ما لديك لا يزيد علي نصف قيمة الأوراق المالية التي أخذها منك البائع!
والواقعة الثانية تتمثل في وصول احدي الفتيات إلي باب شقتك وتعرض عليك أو علي المدام هدايا مجانية مقدمة من أحد محلات السوبر ماركت المعروفة بمناسبة افتتاح فرع جديد له, وهي عبارة عن عبوة من الشامبو, وأخري جيل للحمام من الماركات المعروفة في غلاف سلوفان شيك يضمهما معا, وقبل ان تناولك الهدية المجانية, تعرض عليك أنواعا أخري من مجموعات مزدوجة بنفس أسلوب التغليف, ولكن بسعر مخفض يصل إلي نصف السعر الأساسي, وأمام إغراء مثل هذا العرض تجد نفسك تشتري عددا لا بأس به من العبوات الأخري مضافا إليها العبوة المجانية, وعند استخدام أي واحدة من العبوات المهداة أو المشتراة, تكتشف أنها ليست إلا عبوة قديمة ألقيتها أنا وأنت في القمامة, ولم نحاول اتلافها فوجدت في مصانع بير السلم من يقوم بتنظيفها وتعبئتها مرة أخري ولكن بصابون معطر مذاب في الماء.
لواء مهندس ـ فؤاد علي الطير
الرابط التشعبى
النصب علي الطريقة الحديثة - الأهرام اليومي
Content Relevant URLs by
vBSEO 3.6.0 PL2