-
حاجة غريبة جدا !!!!
الحمد لله انا باخلص فى اجراءات البنك لشراء الصنى بس من يومين قابلت واحد صاحبى لسه شاريها وسالته عليها قاللى ابعد عنها احسن (ليه يا عم؟) قال انه يوم ما اشتراها واحد خبطها وكسر الفانوس اللى قدام (واحد منهم) واصر صاحبى ان الراجل ده يجيبله واحد مكانه أصلى يابانى لإن العربية لسة زيرو ولما راح يشترى الفانوس الجديد من احد المحلات اخبره صاحب المحل ان فيه اصلي بسعر كذا وتقليد بسعر كذا طبعا صاحبى طلب الاصلي لان العربية لسه جديدة جدا ولما فنى الصيانة فك الفانوس المكسور وجد ان اللى راكب اصلا مش يابانى وانما تايوانى واصر الراجل اللى خبط العربية انه ما يجبش الفاوس اليابانى طالما ان اللى راكب فيها اصلا مش يابانى وده طبعا ضايق صاحبى جدا
كمان بيقول ان عفشتها ناشفة جدا زى اللادا تقريبا
ارجو من اصحاب الخبرة الافادة وياريت بسرعة قبل ما اخلص اجراءات البنك
وشكرا
-
انا مشفتش عربية صديقك لكن انا متأكد تماما ان الفانوس الامامى فى عربيتى مكتوب عليه فى مكان واضح على الجزء البلاستيك اللى تحت الكبوت made in japan
ممكن تروح اى معرض وترفع الكبوت وبص على الجزء البلاستيك المادى من الفانوس اللى بيكون تحت الكبوت وشوف مكتوب عليه بلد الصنع وللا لا وايه هيا لأن ممكن تكون الدفعات الجديدة من بلد تانية
انا كل المكونات اللى موجودة تحت الكبوت عندى مكتوب عليها بوضوح انها صناعة يابانى، اذكر منها مثلا الدينامو(ميتسوبيشى اليكتريك-يابانى) الثروتل بادى (هيتاشى يابانى) خراطيم التكييف-مروحة الردياتير،ماستر الفرامل بوش ،الريلياهات (ألكتاوت) كلها يابانى ، الشكمان يابانى ، الفوانيس يابانى، ، لذلك اقترح عليك انك تروح اى معرض وتتأكد ان هذة المكونات ما زالت يابانى،
بالنسبة للعفشة فهى فعلا ناشفة شوية ، لكن العربية اليابانى الوحيدة فى نفس فئة الحجم اللى هتلاقى عفشتها طرية هى الكورولا ، بالمناسبة اللادا عفشتها مش ناشفة ، اللادا عفشتها ممتازة لو انت مش سايق، لكن اللى فعلا ناشف وينرفز فيها هو ألات القيادة(الفتيس، الديريكسيون، الدبرياج) لكن اللادا والشاهين من العربيات الممتازة من ناحية احساس الراكب جواها بالمطبات بسبب تصميمها على شاسيه، واحساسك بالراحة فى المطبات لو انت راكب اى عربية لادا او شاهين ومش سايقها لن تجده فى اى عربية كورى او يابانى من نفس الفئة، فلو هو ده اللى انت بتدور عليه انصحك من الاول ، ابعد عن الكورى واليابانى وفكر فى عربية شاهين
بالمناسبة انا كان عندى شاهين قبل كدة ومعايا صنى حاليا ومستوعب كويس انا بقول ايه
-
العربية ممتازة وبالنسبة للعفشة انصحك بالسوبر صالون فعلا في فرق يستاهل الفلوس ديه .
معايا واحد في الشغل عنده Exلما ركب السوبر الي انها من جوه مختلفه جدا حتى فى راحة الكراسي
Content Relevant URLs by
vBSEO 3.6.0 PL2