الموضوع: محتاج شرح لكل لمبه فى العداد وظيفتها ايه

وكمان انا عربيتى موديل ٢٠٠٨ هاى لاين من غير بصمه عاوز اركب بصمه وادورها بزرار ستوب اند ستارت انجن هل يجوز

وهل لما اغير فلتر زيت اركب فلتر لانسر بومه ولا ما ينفعش

انتا مش عارف تعمل ايه ولا ايه ^_^
اولا الطبيعي انك لو رابط الحزام والعربية دايرة ومفيش باب مفنوح المفروووض مفيش ولا لنضه تبقي منورة خاااالص
شوف يا سيدي اللنض اللي بتنور اصفر
اللي هي AT
ABS
والتالتة علي شكل موتور
الاولي بتظهر لو زيت الفتيس نقص او لو فيه خلل في الفتيس او في اي فيشة متوصلة للفتيس زي ال TPS

التانية لو ظهرت اعرف ان الabs معدش شغال وده يا اما بسبب غيشة اتقطعت او حساس الاي بي اس باظ وعايز يتغير

الاخيرة لو ظهرت اللي علي شكل مكنه بتدل علي ان في مشكلة في حساس من حساسات الموتور زي حساس شكمان باظ او اي حاجة من ال ١٢ حساس اللي عل موتور باظ او طرمبة بنزين او اي حاجة تبع الموتور وفيها كهربا
وطبعا لو اي حاجة من دول منورين عندك العربية تدخل علي كمبيوتر وهو هيحدد انهي حساس ودي حاجة سهلة مش حوار والراجل بتاع الكمبيوتر بياخد من ٣٠-٥٠ جنيه
نيجي للجزئ التاني

الحاجات اللي بتنور احمر ودي بنبقي اخطر من الاصفر يعني مينفعش تمشي والعربية فيها حاجة منورة احمر زي
((!)) دي بتاعت الهاند بريك انه مرفوع وانته طبعا متخيل لو مشيت عليه مشوار وهو مرفوع
تاني حاجة صورة عربية بباب مفتوح ودي معناها ان في احد الابواب مفتوحة او شنطة العربية مفتوحة وده طبعا خطر
تالت حاجة صورة كرسي بالايرباج ودي معناها ان في خلل في منظومة الايرباج وانه مش هيفتح لو لقدر الله حصل تصادم وخلي بالك في المازدا ٣ لو انتا مش رابط الحزام ودخلت في دبابة الايرباج عمره هيفتح لازم الحزام عشان يفتح
رابع حاجة صورة حزام الامان
خامس حاجة وده اخطرهم صورة قمع بينقط زيت وده معناه ان زيت الموتور قليل او طرمبة الزيت بتاعت الموتور باظت وفي الحالة دي تبطل العربية فوراااا والا هتشيع المكنه
سادس حاجة صورة بطارية ودي معناها ان الدينامو باظ او البطارية باظت ومعدتش بتقبل الشحن او السير اتقطع والدينامو معدش بيشحن
خلي بالك الحاجات اللي فاتت دي كلها والعربية دايرة
ولو نسيت حاجة فكرني
تحياتي

مش عارف كله كدا تمام عندى بس اظن انى شفت لمبه قمع او حاجه كده وتتحتها نقطه وهل لو دخلتها على الكمبيوتر هايعرف المشكله ولا ايه

الحمد لله نزلت دورت العربيه لما كنت بجيب المفتاح على اكسسوارى كانت بتنور البطريه والقمع لكن او ما بدور بتختفى ومافيش ولا لمبه بتنور