معروض عليا 320 موديل 2009 هاي لاين بسعر 220000...اولا هل الموديل ده فيه عيوب ؟ وثانيا: هل السعر مناسب؟ اتمنى الافادة
عرض للطباعة
معروض عليا 320 موديل 2009 هاي لاين بسعر 220000...اولا هل الموديل ده فيه عيوب ؟ وثانيا: هل السعر مناسب؟ اتمنى الافادة
220000... وهتشترى بيهم عربية مستعملة وفات على موديلها 5 سنين والله حرام
ثم الالمانى شوف ايه احصائية على اى موقع عالمى ميتركبش فيه غير المرسيدس والباقى يترمى فى الزبالة سيبك من تقيمتنا احنا كمصريين
ما هو البلد ال........ اللي بتتباع فيها صفايح زباله زي السيراتو و السيارات الاسيوية و اليابانيه بأسعار تقارب ال200000 ,يبقى من المنطقي جدا ان الultimate driving machine المليئة بالتكنولوجي تكون مستعمل ب220000 ,,, اما موضوع الاملماني ميتركبش غير مرسيدس فأنا انصحك بالقراءه الجيده ,,,معلومه : مرسيدس ترتيبها رقم 3 بعد بي ام و اودي :))) ,,,
لكن اشتري عربية مش هتكمل الخمس سنين دول أصلا ب ١٨٦ ألف جنيه :d
ممنون جدا لاستجابة حضراتكم لكن اخ فاضل ليه رأي معين خلى الردود كلها عليه مش على سؤالي الاصلي...ههههههه..اتمنى رد موضوعي على سؤالي بالنسبة للسعر والاختيار للموديل
صعب حد يحكم على السعر وهوه ميعرفش حاجه عن حاله العربيه. العربيه عامله كام كيلو وصاحبها بيصين في التوكيل ولا لاء؟ وشوفت العربيه ولا لسه؟ وهل تم رش أي اجزاء فيها قبل كده ولا لاء؟ ولو حصل يبقى اترشت فين؟
لو كم قليل تبقى معقوله ,ممكن تنزل 5 الاف مثلا , طبعا اهم حاجه انك تكشف في البافاريه و تطلع تقرير مفصل عن الحاله و اذا كانت محتاجه مصاريف او لأ , العربيه محترمه جدا مش حتسوق حاجه امتع و stable زيها , لو محتاج اي اسئله عن اي حاجه اسأل ,,,, متدقش في السعر قوي في كام الف لو الحاله ممتازه لأن ده له تمنه في بي ام
هيا ماشية 60000 وحالتها كويسة والتاجر اللي جايبها موثوق فيه نوعا ما
بعد التحيه ...
- كتجارب سابقه كثيره فى الييع/شراء البى-ام 60 الف كم فى بى-ام مو 2009 يعنى العربيه مستخدمه بكتره حتى لو الحاله العامه ممتازه و صاحبها مهتم بها ... المناسب لها 200 الف جم ... لان حضرتك حتركبها مثلا سنتين و توصل بيها فوق 100 الف كم و وقتها مش حتجيب 140 الف جم فرضا ان حالتها ممتازه !!! للاسف ده سوق البى-ام ...
- لو حتدفع 220 الف ادفعهم فى 316/f30 مو 2013 و قسط الباقى 60 الف ...
- او خليك فى مرسيدس c180/w204 مو 2008/2009 حاله ممتازه و كم معقول ... فى رنج ميزانتيك 220 الف جم +/- 10 الاف ... و لكن اعاده بيع افضل بغض النظر عن الكيلومتراج ...
تحياتى ...
يعني لو قسطت 40 الف مثلا ياخدوة عليهم كام ف المية
تقريبا 1% شهريا ...
يعنى لو قسطت 40 الف على 12 شهر ... حتزود حوالى 5 الاف ...
و على فكره كل ما اجمالى مبلغ التقسيط يقل (حتى 80/100 الف) ممكن تقسط مباشره مع البافاريه يعنى مفيش بنوك و لا شرط التأمين كل ما هنالك بيعملولك حظر بيع فى الرخصه لصالحهم و بيفكوه لمل تكمل الاقساط ... و انا عن نفسى اتعاملت معهم كذا مره بالطريقه دى ... تحياتى ...
للأخ صاحب الموضوع ، لو جاهز بمبلغ ٢٢٠٠٠٠ جم لازم لازم تفكر في الشاسيهات و المواتير الجديدة للفئة الثالثة و هي f30 لانها فرق كبير جدا كموتور و سحب و فتيس و حتى الاتساع الداخلي عن الموديل السابق ليها . صدقني لازم تروح البافارية و تشوف بنفسك و ممكن تروح فرع القطامية عندهم مستعمل من الموديل اللي انت طالبه ٣٢٠ كتير و عندهم الفئة التالتة الجديدة حتى لو موتور اقل في السعة ٣١٦ من ٣٢٠ و لكن اتفرج و قارن بين الاتنين في نفس صالة العرض فوق و تحت و ياريت تقولنا ايه رأيك بعد المقارنة.
هما عندهم جديد و مستعمل. روح هناك و اشتري اللي أنت عاوزه علي الأقل المستعمل مضمون. و يا ريت تيجي علي نفيك و تجيب الجديدة حتي لو 316 أو 318 و قسط الباقي لكن المهم تقسيط مباشر عشان الحرمانية.