| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 9 1 2 3 4 5 6 ... الأخيرةالأخيرة
النتائج 1 إلى 10 من 89

  1. #1

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي معلومات مفيدة جدا لكل مالكى الصنى الأوتوماتيك-حكايتى مع الفتيس - Facebook Twitter whatsapp انشر الموضوع فى :

    hasad">

    بداية هقول لكم المعلومة وبعدين هبقى اقول لكم انا وصلت لها ازاى

    عاجلا ام آجلا سياتى ذلك اليوم الذى يضايقك فيه اداء الجير بوكس فيما يتعلق بالغيارات، حيث ستلاحظ تأخير موعد النقل من الأول الى ثانى احيانا وستلاحظ ان التغيير يتم بنتشة، ستلاحظ وضوح هذة الظاهرة فى الأيام الحارة و/أو عند تشغيل تكييف السيارة، وستلاحظ انها ستتفاقم مع الوقت
    قد تظهر هذة الظاهرة بعد سنة او سنتين او خمسة، عموما فحلها بسيط جدا، لكنه مكلف الى حد ما، حيث ان هذة الظاهرة تشير الى بداية نهاية عمر بطارية السيارة، والحل تغيير البطارية فورا، ويفضل تغييرها باخرى جافة ، كما يفضل اختيار بطارية ذات سعة 55 امبير ساعة

    اما القصة التى حدثت معى، والتى فضلت الا احكيها الا بعدما انتهى منها واصل لنهايتها واعرف سببها حتى لا يجد الصائدون فى المياه العكرة الذين يهوون التقليل من شأن المنتج المحلى عموما والصنى خصوصا مكان لممارسة هوايتهم فهى كالتالى

    بدأت الملحوظة معى منذ حوالى شهرين تقريبا، وهى تتلخص اننى احيانا اشعر بنتشة فى الغيار من الأول الى الثانى او من الثانى الى الثالث بعد ان تكون السيارة قد وصلت لحرارة تشغيل المحرك والجير بوكس المعتادة

    بعد مراجعة زيت الفتيس وجدت ان كله تمام ولا مشكلة

    كان اول ما خطر على بالى هو تغيير زيت الفتيس، ولذلك قمت بهذا العمل تحت البيت بعد مراجعة كتالوج الصيانة الخاص بالنسخة الأوروبية من السيارة (ألميرا)ومعرفة خطوات التغيير
    النتيجة : السيارة يومين كويسة وبعدين رجعت تانى

    وسعت دائراة الأبحاث وعثرت على كتالوج صيانة النسخة الأمريكية من السيارةsentra، وبالقراءة وجدت معلومات عن كيفية احساس الفيتيس بموعد النقلة عن طريق الTPS ،حيث ان طريقة عمل الفتيس الكترونية تماما تعتمد على مجموعة من الحساسات تنقل معلومات معينة لكارتة اسمها TCU(tarnsmission control unit) وتقوم هذة الدائرة بابلاغ بلوف الفتيس بالنقلات ،وكذلك وجدت معلومات عن كيفية ضبط الTPS بدون الاستعانة بجهاز السكانر وذلك باداء خطوات معينة باستخدام مفتاح السيارة(كتبت عنها فى موضوع سابق)
    قمت بضبط الTPS وبرغم ذلك لم يتحسن الوضع كثيرا

    المزيد من البحث فى كتالوج النسخة الأمريكية ساعدنى فى العثور على اسلوب لضبط الTPS ميكانيكيا عن طريق تهوية صواميل ربط الTPS وتحريكه ملييمتر او ملليمترين فى اتجاه عقارب الساعة او عكس عقارب الساعة لضبط نقطة السلانسيه ونقطة فتح البلف على الآخر(وهما النقطتان اللاتى يستخدمهما الفتيس لتحديد النقل العادى والكيك دوان) ، جربت اوضاع عديدة لكن بدون تحسن كبير

    هنا جربت مرحلة اخرى من البحث فى منتديات نيسيان فى امريكا مستخدما مفاتيح بحث nissan,auto transaxle,shifing,problem,jerk ووجدت عدد من المالكين للسنترا والماكسيما والمورانو وحتى الانفينيتى لديهم مشاكل مشابهة(يعنى مش مشكلة تقفيل محلى ) ،ووجدت الخبراء هناك يتحدثون ان هذة المشكلة تحدث بسبب منسوب الزيت(ده اول حاجة انا تاكدت منها طبعا) او بسبب ضبط ال TPS (عدينا المرحلة دى) او بسبب ان فيه قطعة اسمها DPOP resistanse ممكن تكون فيها مشكلة، وبالتالى ابتديت ادور ورا الدروب ريزيستانس دى ، وهل هى موجودة فى موديلاتنا ولا لأ، بالفعل وجدتها ، وهى عبارة عن مقاومة كهربائية بسيطة جدا زى اللى كنا بندرسها فى المدرسة الأعدادية وظيفتها ضبط التيار الداخل لبلوف الفتيس ، مكانها فى السيارة داخل حوض الموتور داخل غلاف بسيط من الصاج ومربوطة بمسمارين 10 فى علبة الشاسيه بتاعة العربية ورا الفانوس الشمال وعلى شمال البطارية، يمكن ملاحظتها بسهولة لو بصيت على ماسورة الهواء البلاستيكية اللى داخلة لفلتر الهواء، فى نصها هتلاقى تفريعة مسدودة طالعة لفوق كدة على شكل عكاز، هى على شمال التفريعة دى ، المهم انا قريت عن المقاومة دى انها لما بتسخن قيمتها بتعلا وبالتالى التيار اللى رايح للبلوف بتاعة الفتيس بيقل وده بيسبب النتشة ، وهنا قررت انى اعمل اضافة عجيبة شوية للسيارة وهى مروحة صغيرة تقوم بالتهوية على المقاومة المذكورة ، قمت ببحث سريع فى مكونات اجهزة الكومبيوتر فى محلات باب اللوق ووجدت ان كل مراوح البروسيسور الصغيرة ومراوح الباور سابلاى الأكبر حجما المعروضة فى المحلات تعمل على 12 فولت وبالتالى هى مناسبة لبطارية السيارة ، اشتريت مروحة بروسيسور وقمت بتثبيتها امام المقاومة بشريط معدنى من ذلك النوع الذى يستخدم مع كاسيتات السيارات وحصلت على مصدر كهربى لها من غرفة المحرك(حكيت عن قصة المصدر الكهربى ده فى رسالة سابقة عنوانها "للحصول على مصدر كهربى يعمل مع مفتاح السيارة") ، النتيجة كانت لا بأس بها لكن لم تحل المشكلة بشكل نهائى، قمت باستبدال المروحة بمروحة اكبر(بتاعة باور سابلاى) وبرضه فيه تحسن لكن غير مبهر

    هنا قمت بشئ آخر، فكيت المقاومة من السيارة وقمت بقياسها على الآفوميتر ، ووجدت انها حوالى 12 أوم، وقمت ببحث سريع على الانترنت لأعلم انها تتحمل حتى 10 وات ، هنا ذهبت لشركة مأمون للألكترونيات والموجودة فى شارة الأهرام بمصر الجديدة والمتخصصة فى توريد مكونات الداوئر الالكترونية واشتريت مقاومة مماثلة (مقاومة سيراميك بقيمة 12 أوم وقدرة 10 وات ) ، ثمنها كام........جنيه واحد(يا ترى قطعة الغيار دى تمنها كام فى التوكيل) وفمت بعمل heat sink (طارد حرارة-مشط) لها ،استعملت فيه heat sink خاص ببروسيسور كومبيوتر قديم كان لدى(لا ارمى هذة الأشياء ابدا-بيجيلها يوم وتنفع) وركبتها مكان المقاومة الأصلية، برضه الأداء لم يختلف كثيرا

    فى تلك الاثناء ومع تركيزى مع الظاهرة حاولت ان الاحظ متى تحدث، لاحظت انها تحدث بشكل متكرر لما بكون مشغل التكييف، وتحدث قليلا جدا لما اكون طافى التكييف، تقريبا لا تحدث صباحا ، لكن تحدث بشكل اكبر اثناء العودة للمنزل آخر اليوم
    بالطبع فان تفكيرى اتجه فى البداية للسخونة لأن تشغيل التكييف يتسبب فى قيام المروحة بتبيريد التكييف والردياتير وتضخ كمية كبيرة من الهواء الساخن لغرفة المحرك مما يتشبب فى سخونة المقاومة وهذا دفعنى الى القيام بعمل اكثر من فكرة لمسارات هواء قمت بتشكيلها بالكرتون لكى تضخ هواء بارد للمروحة، ومع ذلك فالنتيجة لم تكن عظيمة
    كان اخر شئ قمت به هو قياس المقومة وهى ساخنة، لأجد اناه لم تتغير كثيرا عن 12 أوم ، وهنا كان لابد من استبعاد فكرة السخونة

    هنا وكما يهبط شيطان الشعر على الشعراء هبط على الالهام فجأة، تعلمنا فى المدرسة الاعدادية ان التيار يساوى الجهد على المقاومة، فلو افترضنا ان مشكلة الجيربوكس ان التيار الذاهب للفتيس اقل مما ينبغى وحيث اننا تأكدنا ان المشكلة ليست من ارتفاع المقاومة ، يبقى المشكلة ممكن تكون من انخفاض مصدر الجهد وهو فى حالتنا البطارية ، قمت بقياس جهد البطارية فى حالة التحميل وعدم التحميل وفى حالة تدوير السيارة وعدم تدويرها ، كانت قراءات البطارية عادية ، لكن بالطبع لم استطع قياس اداء السيارة فى لحظة الغيار لأنى بكون سايق العربية ساعتها، عضد فكرتى ايضا ان ظهور المشكلة مع التكييف ، وكذلك ظهورها بدون تكييف فى آخر اليوم يساوى ظهورها لحظة تشغيل مراوح الردياتير التى تضع احمال عالية على البطارية

    هنا فكرت فى تبديل بطارية السيارة الريجاتا(55 أمبير-جديدة عمرها 5 شهور فقط) مكان بطارية الصنى، وواجهتنى مشكلة بسيطة هى ان اقطاب بطارية الريجاتا معكوسة بالنسبة لبطارية الصنى، فيما لا يسمح بتوصيل الأقطاب، تغلبت على هذة المشكلة عن طريق فك بطارية الريجاتا مع سلك الأرضى الخاص بها واستعماله كوصله تطويل لبطارية الصنى(حتى لحظة كتابة هذة السطور تقف السيارة الريجاتا لا حول لها ولا قوة بدون سلك ارضى :) )

    وبعد تركيب البطارية وتجربة السيارة لمدة يومين انتهت ولله الحمد المشكلة تماما مما اكد لى انها حدثت بسبب اضمحلال اداء بطارية الصنى

    ودى كانت حكايتى مع الفتيس، بقى لى منها فقط حل مشكلة السيارة الريجاتا التى تحتاج الى سلك ارضى لكى تتحرك

    (ياريت يا جماعة اللى ناوى يرد رد له علاقة بموضوع ان المنتج المحلى زفت وقطران وان الصنى عربية مالهاش لازمة من اصله يعفينى من قراءة رده الكريم ومن مجهود انى ارد عليه)

    سبعاوى
    _______________________________________________


  2. #2

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    ياااااااااااااااااااااااا ااااااااااااااااااااه
    دا انت بالك طويل اوي يا باشمهندس
    ربنا يصبرك كمان و كمان:)
    اينعم ماعنديش صني بس استمتعت بالموضوع شكرا ليك:)


  3. #3

    الصورة الرمزية Nile_Storm

    رقم العضوية : 3233

    تاريخ التسجيل : 16Nov2007

    المشاركات : 4,415

    النوع : ذكر

    الاقامة : El Haram

    السيارة: FSO Polonez 1990

    السيارة[2]: Hyundai Verna 2008 LS

    الحالة : Nile_Storm غير متواجد حالياً

    افتراضي -

    ياااااااااااااااااااااااا اااااااااااااااااااه
    مجهود رائع من شخص له هوايه البحث و التبحر في عالم السيارات


  4. #4

    الصورة الرمزية momoneer

    رقم العضوية : 6668

    تاريخ التسجيل : 29Feb2008

    المشاركات : 284

    النوع : ذكر

    الاقامة : القاهرة

    السيارة: لا يوجد

    السيارة[2]: تويوتا كرولا 2008

    الحالة : momoneer غير متواجد حالياً

    افتراضي -

    يعنى بعد كل ده المشكله طلعت فى البطاريه !!؟؟؟
    كنت تغيرها من الاول وخلاص يا باشمهندس.....

    د. محمد منير


  5. #5

    الصورة الرمزية smartman310

    رقم العضوية : 7541

    تاريخ التسجيل : 16Mar2008

    المشاركات : 168

    النوع : ذكر

    الاقامة : فيصل

    السيارة: صنى

    السيارة[2]: نيسان

    الحالة : smartman310 غير متواجد حالياً

    افتراضي -

    الله ينور يا بشمهندس انا عن نفسى بفضل المنوال عن الاوتوماتيك عشان عارف انى مشاكل الاوتوماتيك كتير فى اى عربيه يتقادم عمرها


  6. #6

    الصورة الرمزية hany79

    رقم العضوية : 231

    تاريخ التسجيل : 26Apr2007

    المشاركات : 255

    النوع : ذكر

    الاقامة : cairo

    السيارة: Nissan sunny 2008

    السيارة[2]: Nissan tiida 2013

    دراجة بخارية: لا

    الحالة : hany79 غير متواجد حالياً

    افتراضي -

    و الله تسلم دماغك لينا يا سبعاوي باشا و جعلك الله زخرا لنا
    و اهو طلعت مشكلة في جميع المصانع مش من مصر و حلهالنا بشمهندس سبعاوي ربنا يخليك لينا كل ملاك الصني


  7. #7

    الصورة الرمزية ahmed_su

    رقم العضوية : 9524

    تاريخ التسجيل : 25Apr2008

    المشاركات : 6,381

    النوع : ذكر

    الاقامة : Cairo

    السيارة: Tempra_1996

    السيارة[2]: Cerato _2008_Auto

    دراجة بخارية: NO

    الحالة : ahmed_su غير متواجد حالياً

    افتراضي -

    تحليل منطقي للعطل ....
    وجهد يستحق التحية
    شكرا لك

    Eng.Ahmed Ismail


    You Can't Never Ever to Keep a Nice Car in This Country....!!! S.O.S
    [sor2]http://www.wasit.net/alrowad/images/hit.gif[/sor2]

    كل شيء عن السيراتو

    _______________
    اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..


    اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..

    اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك


    ______________________
    [shfaf2]http://www7.0zz0.com/2011/11/29/23/575740455.gif[/shfaf2]


  8. #8

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي -

    اقتباس المشاركة الأصلية كتبت بواسطة momoneer مشاهدة المشاركة
    يعنى بعد كل ده المشكله طلعت فى البطاريه !!؟؟؟
    كنت تغيرها من الاول وخلاص يا باشمهندس.....
    ماهو انا لو كنت اعرف من الاول انها البطارية مكانش حد غلب :p

    فكرتنى بأديسون لما اخترع المصباح الكهربى، جرب 100 خامة لعمل الفتيبل كلها لم تفلح لحد ما وصل لاستعمال خامة التنجتسن التى افلحت فى صنع الوميض
    فسأله صحفى متحمس قال له يعنى انت فشلت 100 مرة فى تصنيع المصباح الكهربى، فأديسون قال له : لأ انا لم افشل، انا نحجت فى معرفة ان هناك 100 خامة لا تصلح للفتيل

    ومعنى كلام اديسون ببساطة انه وفر الجهد على من يأتى بعده لتطوير المصباح الكهربى انه يبتعد عن ال100 خامة الغير صالحة، وبنفس الطريقة فى حالتنا ان حكيت للناس على الحاجات اللى لو جربوها مش هتجيب نتيجة لتوفير المجهود عليهم :)

    وللا انت ايه رأيك؟؟؟؟؟؟؟

    سبعاوى
    _______________________________________________


  9. #9

    الصورة الرمزية H.ibrahim

    رقم العضوية : 750

    تاريخ التسجيل : 21May2007

    المشاركات : 438

    النوع : ذكر

    الاقامة : مدينة عباد الرحمن بالمعادى

    السيارة: لايوجد حاليا

    السيارة[2]: لادا 2105 موديل94 - 1200cc

    الحالة : H.ibrahim غير متواجد حالياً

    Thumbs up -

    طب والله العظيم الذى لا اله الا هو
    انا معنديش صنى - والفتيس اللى عندى مانيوال - و بالرغم من ده كله قرات الموضوع باهتمام وشغف و كفاية على ان ابو السباع هو اللى عمل الموضوع ده علشان الناس تفكر و تتعلم وكمان تنبسط من طريقة كتابة الموضوع _ ربنا يفتح عليك يابو السباع ايوه كده علشان نحس ان لسه فى امل فى تطوير هذا البلد - جزاك الله خيرا .


  10. #10

    الصورة الرمزية mohamed_mohsen

    رقم العضوية : 8928

    تاريخ التسجيل : 14Apr2008

    المشاركات : 1,571

    النوع : ذكر

    الاقامة : Haram

    السيارة: None

    السيارة[2]: Chevrolet Optra 08

    الحالة : mohamed_mohsen غير متواجد حالياً

    افتراضي -

    hasad">

    مجهود رائع تحياتي لك أنت شخص متميز يستحق التقدير و الصني من العربيات الممتازه



 
صفحة 1 من 9 1 2 3 4 5 6 ... الأخيرةالأخيرة

المواضيع المتشابهه

  1. طن معلومات مفيدة عن الدايو
    بواسطة MMamdouh في المنتدى دايــو+شيفرولية لانوس
    مشاركات: 18
    آخر مشاركة: 02-10-2014, 09:58 AM
  2. معلومات غريبة ولكنها مفيدة
    بواسطة sasa44 في المنتدى المنتــــــدى الاجتمــاعى
    مشاركات: 6
    آخر مشاركة: 19-04-2012, 11:08 PM
  3. معلومات مفيدة
    بواسطة ehabbasha30 في المنتدى المنتــــــدى الاجتمــاعى
    مشاركات: 10
    آخر مشاركة: 06-06-2010, 06:35 PM
  4. معلومات مفيدة لسيارتك
    بواسطة engamrnour80 في المنتدى ورشـــة نــايل مــــوتـــورز
    مشاركات: 3
    آخر مشاركة: 09-10-2008, 01:16 AM
  5. معلومات غريبة و مفيدة
    بواسطة درش في المنتدى المنتــــــدى الاجتمــاعى
    مشاركات: 4
    آخر مشاركة: 18-07-2007, 11:56 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2