عاوز صنايعى فرامل يكون جامد اخر حاجة فى محيط مصر الجديدة او العباسية او مدينة نصر او اى حتة قريبة عشان انا زهقت من فراملى خلاص
ساعدونى لان بعد تغيير حاجات كتير برضة الاداء مش مظبوط.... شكرا
عرض للطباعة
عاوز صنايعى فرامل يكون جامد اخر حاجة فى محيط مصر الجديدة او العباسية او مدينة نصر او اى حتة قريبة عشان انا زهقت من فراملى خلاص
ساعدونى لان بعد تغيير حاجات كتير برضة الاداء مش مظبوط.... شكرا
ايه هى مشكلتك مع الفرامل ؟
ضعف فى الاداء على السرعات او حتى لو ماشى هادى. اخدنا هوا كذا مرة وغيرنا حاجات كتير و مفيش فايدة يقولى يومين و تطبع ويفضل الاداء وحش يعنى فراملى بقت اضعف من اللا نوس و الفيرنا اللى اللانوس اصلا فراملها بتتعدل عشان تكون بكفاءة الاسبيرو.
عشان كدة عاوز صنايعى من الاخر
معقول منتدى الدايو مش فية حد يعرف صنايعى فرامل جامد؟؟؟؟؟؟؟
القصة مش محتاجة "صنايعى فرامل"... اى ميكانيكى فاهم هيتعامل عادى.... المهم الاول تقوللنا ايه مشكلتك
MMamdouh
حكمت ازاي علي ضعف الاداء ما هيا المظاهر التي تتعرض لها
اخيرا الكبير وصل ..
بص يا هندسة اول الحاجة الفرامل كانت ضعفت و بقت مش زى الاول رحت كشفت على التيل عادى عند الميكانيكى وقالى التيل على وشك يخلص قلتله خلاص نغيرة ..
ومن هنا بقى بدأت المشكلة الحقيقية الفرامل ضعفت عن الاول كتير بعد تركيب التيل الجديد وكان الرد استنى لما تطبع استنين اسبوع التحسن ضعيف جدا المهم رجعت تانى للميكانيكى قالى ناخد هوا و هوا بياخد هوا ماستر العجلة اليمين ورا ضرب لية مش عارف المهم غيرتة وبردة استنى لما تطبع استنيت اسبوع الفرامل زفت واللى زاد و غطى الفردة اللى اتغيرلها الماستر قفشت وانا ماشى و دخان و انا سقت الرجلاش بتاعها خالص عشان اعرف اروح لميكانيكى
قفشت لية ما نعرفش و معملتش كدة تانى رحنا خدنا هوا تانى بعد الموقف دة وقالى كدة خلاص تمام بس استنى يومين و هيا تظبط بردة اداء ضعيف جدا
المهم رحت لبتاع فرامل و اكشف يا عم بعد الفحص و التمحيص اساتك المساتر قدام عاوزة تتغير قلتله غير وقالى الرد المعهود استنى لما تطبع
وانا فى القصة دى من شهر و نص تقريبا واداء الفرامل اسوأ من قبل ما اغير التيل لما كان خلصان
مع العلم انى غيرت التيل قلت يمكن هوا المشكلة مع انة لسة جديد و برضة مفيش فايدة ومرة كان نوع اسمة هاى كيو و دا وكيله الشركة الهندسية وكيل سيات وانا جبتة من هناك عشان الغش و النوع التانى تركى و برضة مفيش فايدة
كشفوا على كل حاجة وهما مقتنعين ان الفرامل تمام بس انا اللى عارف فراملى كانت عامله ازاى ودلوقت اداءها اقل سبعين فى المية وكل اللى اروحلة يمشى 5 متر و يفرمل و يقولى كدة تمام بس تمام دى لازم اكون واقف على الدواسة عشان تقف
منازل الكبارى مش بعرف اهدى عليها غير لو جبت اخر الدواسة
ومفيش تسريب ولا اى حاجة ولا نقص زيت فى الخزنة
افيدونى بقى عشان انا تعبت نفسيا عشان الصنايعية بيبقى عاوز يقنعك بالشغل و خلاص
جسر السويس
محطة الجراج
لف وخللى سنترال النزهة يمينك وادخل اول يمين شارع فيه اوله ميكروباصات وفكهانية
امشة شوية واول شمال ثم اول يمين
حمادة البلبيسى
بس اسال عليه هو وخليه يشتغل فيها او رضا الصنايعى وبس
التطبيع مش بيبقى يومين
ساعة ولا ساعتين بالكتير
غالباً الميكانيكى اتعلمها بالمراسلة
المشكلة الاصلية من تغيير التيل الاول ولكن تفاقمت من بعد ذلك بسبب فتي الصنايعية
التيل الهاى كيو و التركى ناشفين و مش هيشتغل كويس الا لو سخن جامد
ركب التيل الاصلى
MMamdouh
ممكن يكون عندك تسريب فى الدوره خرطوم مقطوع او حاجة راجع على الخراطيم طالما لازم تجيب اخر الدواسه عشان توقف و بعد كده شوف الماستر العمومى
ممكن نوعيه الزيت وحشه او الزيت واخد رطوبه جامد
غير الزيت و نضف دوره الفرامل و خد هوا - استخدم زيت لوكهيد الانجليزى الى فى علبه معدن ده احسن نوع زيت باكم تقريبا او استخدك موبيل او فالفولين لو ملقتش لوكهيد
بلاش اللوكهيد
اغلبه مضروب الا لو جايبه من توكيله
شوف الشل
اللوكهيد dot 3 ولا يصلح للانوس او النوبيرا هات الاتيا dot 4 او اي نوع محترم تاني بشرط يكون dot 4