لو سمحتم فى مغلومة عن سعر قنطرة موتور لعربية برسونا والقواعد الخاصة بيها بكام؟
عرض للطباعة
لو سمحتم فى مغلومة عن سعر قنطرة موتور لعربية برسونا والقواعد الخاصة بيها بكام؟
القنطرة في التوكيل ب 1300 جنيه
في مركز عصام صفا ب حوالي 600 جنيه
اما في المحلات لو استيراد ب 400 جنيه
ولو جديدة ماليزي ب 160 جنيه
اما بقى لو تحبها تايواني جديدة بردو هتلاقيها ب 120 جنيه في محلات متسوبيشي
انا جبت التايواني عشان اتخبطط مني القنطرة بسبب مطب وكأني مغيرتهاش .. يعني الرعشة اللي في العربية ملهاش دعوة بالقنطرة اصلا حسب كلام " الجهابز " اللي في التوكيل
القواعد مش فاكر بكام بالظبط بس اعتقد ب 250 جنيه ال2 في دمشق
المشكلة ان العربية كانت عامل حادثة كبيرة من مدة واعتقد ان المفروض انها اتغيرت من ضمن الحاجات اللى اتغيرت فوجئت انهارد وانا باغير الزيت ان القاعدة ملحومة وفى مسمار متركب وما بيربطش ؟؟؟؟؟؟؟؟ طبعا توكيل زى مانت عارف
قلت اغيرها انا وامرى لله مع ان العربية لسه فى الضمان سألت عليها فى محل المدينة لقتها ب 280جم\المشكلة انى بسافر كتير وعلشان وبنزل القاهرة كل 15 يوم
ومش عارف تكلفة مصنعيتها تغيرها كام؟
توكيل نصابين طبعاً ربنا يعينك
لو اتغيرت واتدفع فيها فلوس من حقك تشتكي مدام معاك مايثبت انها اتغيرت
انا كنت مغيرها ب 20 جنيه مصناعيتها عن اي ميكانيكي
لا حول ولا قوة إلا بالله .. يعني حضرتك عامل العربية في التوكيل .. ولحموا القنطرة بدل ما يركبوا واحدة جديدة
وتلاقيهم كمان واخدين ثمنها .. ممكن تبص على الفاتور بتاعة الإصلاح والمقايسة اللى اتعملت وتشوف هم حاسبين قنطرة ضمن قطع الغيار ولا لأ
يعني الواحد لما يتعامل مع الأشكال دي مايستلمش منهم العربية إلا لما يفصصها ويخليهم يرفعوها كمان عشان يبص عليها من تحت حتة حتة
توكيل عجيب ... نفسي أفهم بروتون ماليزيا سايباله الوكالة ليه ... وإزاي ممشي بقية الماركات اللى بيتعامل معاها زي فولفو وستروين ودودج وكرايسلر وجيب ... إزاي بيقنع الشركات الأم تسيبه يمشي وكالتها في مصر بالمستوى ده
ربنا ينتقم منهم ... عشان الواحد يدفع دم قلبه عشان يصلح في التوكيل وفي الآخر نتيجة هباب
بص ياباشا اللي حصل كالتالي
زمان كنت خدت مطب وقالولي ان العربية محتاجة قنطرة عشان الرعشة دي
سألت عليها عرفت الرقم الغزعبلي ده قولت الرعشة حلوة مفيش كلام
بعد فترة قولت اغيرها بس اسأل عليها استيراد لقيتها بالسعر ده اللي هو 400 جنيه طبعا رجعت في كلامي ومغيرتهاش
بالصدفة في محل في الحرفيين بتاع لانسر بسأل على حاجة لواحد صاحبي لقيت القنطرة عندهم
وزيها بالظبط عند بتاع الاستيراد جديدة ب 350 جنيه .. جبتها في الاخر 120 جنيه
في الاخر روحت لواحد عشان يركبها ويغير القواعد بالمرة لقيت العربية زي ماهيا
روحت لواحد صاحبي في الحرفيين ورفع العربية قالي دي قاعدة موتور والقنطرة ملهاش دعوة بالحوار
طب ازاي ياعم المهندس؟
راح فك القنطرة ورفع العربية على كوريك وقالي دور العربية .. لقيت نفس الرعشة بالظبط يعني الموضوع مكانش ليه دعوة بالقنطرة زي مالتوكيل قال .. وكدة ابقى غيرتها على الفاضي
اعمل حضرتك القصة دي وشوف هل فعلا المشكلة في القنطرة ولا في قاعدة موتور
ولو حضرتك تقصد تتزرجن العربية من تحت عشان المسامير تركب براحتها يبقى اعملها عند سمكري احسن وده مش حوار صعب
شكرا يباشا على ردك
فعلا انا ناوي اغير القواعد ان شاء الله لان الرعشه ده خنفتني بجد
وزي منت بتقول هي عاوزه تتزرجن علشان المسامير تبات براحتها
ان شاء الله اول معمل الحوار ده هبقي اعرفك النتيجه
تتزرجن يعني ايه معلش ؟