برجاء معرفة افضل انواع الفرامل الامامية والخلفية للكرستالة وكذلك اسعارهم
عرض للطباعة
برجاء معرفة افضل انواع الفرامل الامامية والخلفية للكرستالة وكذلك اسعارهم
الامامى ريمسا الاسبانى لكن مفيش رمسا خلفى
baser تركى
فعلا الريمسا تيل ممتاز وانا جربتة فى عربيتى البومة وتمام تمام بس ايه حكاية ان الريمسا مفيش منه تيل خلفى هو التيل الامامى غير التيل الخلفى ؟!!!!!!!!!!!!!!!!!!!!!!!!!!!
بقالى 14 سنة بسوق ومعرفش الحوار ده
شكرا ياميمو باشا الامامي ريمسا اسباني او باسر تركي والخلفي يتم تزويدة ولكن هل الافضل شراء جديد ام تزويدة
انا اخر تجربة ليا مع الريمسا كانت زفت علي الرغم من اني بستخدمة بقالي 3 سنين
التيل بيصفر و بينحر لدرجة اني افتكرته خلص !
انا مركب عندي ريمسا امامي و جولد خلفي
التيل الخلفي مختلف تماما عن الامامي شكلا و موضوعا
في انواع من التيل الخلفي طبل و سكاكين علي حسب نوع العربية و الانسر طبل يعني طنبورة خلفية مقفولة و الوحيدة اللي فيها سكاكين هي بعض فئات الشارك و بتاكل تيل خلفي بسرعة جدا بس فراملها ممتازة
عمر التيل الخلفي المفترض 200 الف كيلو و ممكن يقل شوية علي حسب الاستخدام
التيل الخلفي المضروب عمرة اقصر و اداؤة اقل في قوة الفرامل
التيل الاصلي غالي جدا بحوالي 500 او اكتر
و لتيل الامامي الاصلي للكريستاله برضة غالي لكن اداؤة فظيع و بيحافظ علي الطنابير
لو ليك حد في الامارات هيجيبلك قطع الغيار الرخص شوية لان هناك فيه مخزن لوجيستي كبير لميتسوبيشي
و بلاش موضوع التذويد ده دب فرامل برضة حتي لو خلفية اهي بتساعد في المواقف الصعبة
والله اعلي و اعلم
الفرق بين الطبل و السكاكين بيبقي في كذا حاجة منهم ان السكاكين مش بيحتاج رجلاش كل فترة لكن الطبل بيحتاج رجلاش و تنضيف كل فترة لات تراب التيل بيتخزن جوة الطنبورة المقفولة
السكاكين المفروض انه اقوي
السكاكين التيل شبة اللي قدام هو و الطنابير لكن حجم مختلف
السكاكين بيخلص اسرع
التعديل ممكن و العربيات الاستيراد في منها سكاكين و مصطفي بريزونر معدل عربيته سكاكين
اهم حاجة تجيبهم علي مقاس جنطك
انا شفت الجنبين السكاكين بتوع الكريستاله في الحرفيين ب 350 من بق التاجر بس مرضتشي اجيبهم لاني مش بحب اعدل
لو عدلت الفرامل هتتعب شوية علشان تلاقي تيل خلفي بس بتاع البروتون بيركب تقريبا
والله اعلي و اعلم
اخر حاجة و اهم حاجة ان الانسر من رالعربيات المحترمة اللي ممكن تعمل في رجلاش للفرامل منغير ما تفك الطنابير من فتحة خلفية في قاعدة الطنبورة الخلفية
الفتحة دي مفيدة جدا في حالات كتر منها لو انت جي تفك الطنبورة و مرضيتشي تتفك الصنايعي الي مش عارفها هيدق علي الطنبورة بالشاكوش لحد ما تتطلعو ده ممكن يبوظ البلية
الصنايعي اللي عارف الموضوع ده هيهوي الرجلاش علي الاخر و يفك الطنبورة بمنتهي البساطة
الفتحة صغيرة جدا علي قد مفك عادة و معمولة مخصوص لكده
والله اعلي و اعلم
شكرا يااستاذ ميتسوكيرو وربنا يسترها معانا جميعا