الموضوع: كفايه نصب يابشر !!!

المشاركة الأصلية كتبت بواسطة khaled_yassin

انا طبعا قريت اول الموضوع بس كده
الموضوع مش نصب يا شبابوانا ليا اصحاب كتير اشتركوا فيه
اول واحد فيهم كسب لحد دلوقتى فى خلال شهرين 1650 دولار بالظبط
بس ده جاب ناس تحتيه كتير
وواحد صحبى لسه واخد النهارده اول 32 دولار
للاسف الموضوع مش تصب وفعلا حقيقه وبتاخد فلوس
ومافيش ايصالات انت بتخد فلوسك من الادمن الى فوقك فى اليد
انا معترض على الموضوع كلوا ومش ناوى ادخل فيه بس حكيت ليكم عن التجربه الى حصلت لاصحابى

موضوع ايه اللي مش نصب يافندم للأسف ؟؟؟
ومين قاللك ان صاحبك ده كسب ؟؟
يعني شغل فلوسه في ايه عشان يكسب ؟؟؟
او قدم خدمة ايه عشان يكسب ؟؟؟
قوللي عمل ايه عشان اقوللك اذا كان كسب فعلا ولا بس الموضوع انه خد فلوس من ناس تانيه دافعاها ؟؟؟

مادام بياخد فلوسه من الأدمن يبقى نصب في نصب،
الأدمن يلم الفلوس، يبعت معظمها بره البلد، ياخد إللي فيه القسمة، ويتبرع للي تحتيه باللي فاضل من غنيمة المشتركين الجدد، وطول ما في نوعية اللي بيجيري ورا الكسب السريع، هيفضل الأدمن يحول ويقولك انا بكسب من عرق جبيني بشتغل مندوب شركة دعاية

عموما، لو كان القصد فعلا إنك تشوف إعلانات وتقبض فلوس ما كانش يبقى في مقدم بيندفع أصلا وكان الاشتراك يبقى ببلاش وكان الكليكات هتنزل بالهبل على الإعلانات وكله ينبسط ويكسب فعلا من الإعلانات لكن، المقدم ده لو تعرف تفسره غير إنه بيلبس طاقية ده لده يبقى لك الكلام

يا جماعة بتتكلموا على انها نصب و لا موش نصب و اهم مصيبة انها بتلم دولار و يطلع برة و طبعا ممكن يكون بالملايين

المشاركة الأصلية كتبت بواسطة sama_sama

مادام بياخد فلوسه من الأدمن يبقى نصب في نصب،
الأدمن يلم الفلوس، يبعت معظمها بره البلد، ياخد إللي فيه القسمة، ويتبرع للي تحتيه باللي فاضل من غنيمة المشتركين الجدد، وطول ما في نوعية اللي بيجيري ورا الكسب السريع، هيفضل الأدمن يحول ويقولك انا بكسب من عرق جبيني بشتغل مندوب شركة دعاية

عموما، لو كان القصد فعلا إنك تشوف إعلانات وتقبض فلوس ما كانش يبقى في مقدم بيندفع أصلا وكان الاشتراك يبقى ببلاش وكان الكليكات هتنزل بالهبل على الإعلانات وكله ينبسط ويكسب فعلا من الإعلانات لكن، المقدم ده لو تعرف تفسره غير إنه بيلبس طاقية ده لده يبقى لك الكلام

دول اهم نقطتين في الموضوع ده
موضوع مقدم الفلوس وموضوع الفلوس اللي بتتاخد من الادمن بحجة ان التحويل هيخصم 30% و 20% والجو ده

المشاركة الأصلية كتبت بواسطة dedi

يا جماعة بتتكلموا على انها نصب و لا موش نصب و اهم مصيبة انها بتلم دولار و يطلع برة و طبعا ممكن يكون بالملايين

[color="rgb(65, 105, 225)"]ماهو حضرتك بالنسبالي دي اهم نقطه لأن لحد دلوقتي لا حد شاف مبنى شركه
ولا حد شاف اي تحويلات بنكية
ولا حد يعرف مين على رأس الموضوع ده[/color]

المشاركة الأصلية كتبت بواسطة a7med_pharma

ياجماعه
بإختصار

أي فلوس بتتكسب من المشروع ده..بتكون الفلوس الي المشتركين الجداد بيدفعوها
يعني لو مفيش مشتركين جداد..يبقا محدش هياخد فلوس
أحمد جاب محمد يشترك
محمد جاب ابراهيم يشترك

احمد اخد فلوس اشتراك محمد
ومحمد اخد فلوس اشتراك ابراهيم
وابراهيم علشان ياخد فلوس..لازم يجيب حد

بس

لأ ماهم بيقولولك ( انا ليا اني اخد فلوسي وماليش دعوه جايه منين )