حاتشيلوا كام ؟!!!!

**aliabutaleb** · 03-08-2008 12:11 PM

حامشى ملتزم و ان شاء الله مش حاتغرم و لا مليم

بس بجد مش عارف اعمل ايه في حالة الغلاسة
صعب عليا أوي موضوع الرشوة ده
وبالاضافة لده الكوسة اللي عندي بعيدة أوي فنفسي مضطرلهاش الا في اضيق الظروف لما اكون هاتسجن خلاص

**kimo-nubira** · 03-08-2008 12:38 PM

النهارده الصبح نازل من بيتنا لاقيت غطاء العربيه مرفوع وملزوق على الازاز مخالفه

مع انها راكنه صف اول و مافيش يافطه تقول ان المكان ده ممنوع دول كمان كانو

عايزين يشلوها بالونش لولا اني لحقتها ادي قانون المرور الجديد

ابتدينا البجاحه وقله الادب من ظباط المرور بجد حاجه تقرف

وياريت لو حد يعرف ثمن المخالفه ديه علي القانون الجديد كام يقولي ؟؟؟؟؟؟؟

**ahmedfawzy14** · 03-08-2008 12:38 PM

امبارح اتصورت على 120 قبل بوبة القاهرة ب 4 كيلو كده كانت الساعة تقريبا 12 الضهر
وتقريبا اول مرة يتحط التصوير ده

بس الحمد لله كنت شفت الراجل اللى بيصور وضربت فرامل بس برده اتصورت عشان كنت ماشى تقريبا 140

المهم ركنت علطول يمين وفضلت ارجع بشويش كده لحد ما قربت منه
وشاورت ليه

راح المعلم عدى السكة وجالى جرى قالى 120 كم كتير يا باشا
رحت طبقت ليه 30 جند فى ايده وقلت ليه مفيش حاجة تكتر عليك

اعدى ولا ايه

قالى عدى علطول ملكش دعوة

ركبت العربية وحطيت الحزام انا واللى جنبى ودخلت عليهم خايف يكون بلغ والبس برده

الامين اللى واقف يسحب قالى عدى عدى :nerd:

الحمد لله ربنا ستر

ولسه من ساعة الرخصة اتسحبت فى سيدى جابر ابو قير قدام محطة القطر كده
عشان الستاير
رحت شلت الستارة واخدت الرخص

واضح ان القانون الجديد حيتطبق على نفس الناس اللى كان بيتطبق عليهم القديم اصلا

والناس دى مش بتفتح دماغها او ملهاش حد تقيل يكون محموله شغال دايما

**ibrahimsaad** · 03-08-2008 04:12 PM

ياجماعه القانون الجديد مجرد سبوبه لجلب الفلوس مش اكثر

وكل ماتحتاج الحكومه فلوس تطلع قانون ثانى

هى القوانين بفلوس ؟

والاهم ان الشعب بينضرب على قفاه كل يوم وبرده ساكت

وطول مالحكومه شايفه الشعب ساكت بتفتكر انه مبسوط

واعتقد ان القانون القديم كافى جدا لردع الجميع بس ياريتهم يطبقوه على انفسهم اولا قبل مايطالبوا الغير

لكن للاسف مش هيحصل وهتفضل الاحوال كما هى مجرد شده غربال فى الاول على الغلابه

ثم تعود ريما لعادتها القديمه

مع الاحتفاظ بسرقه اموال الشعب بحجه تطبيق القانون

حسبنا الله ونعم الوكيل

**3mr Farrag** · 03-08-2008 04:42 PM

اكيد مش هشيل فلوس زياده لو حصل اي ظرف
لأني فعليا يادوب بعرف احط بنزين
بس الدائري ايه نظامه ....اصل مش بعرف بصراحه امشي علي 90

**Ghamrawy** · 04-08-2008 12:44 AM

واضح طبعا ان القانون ده فعلا هو مجرد وسيلة للجباية مش أكتر بس انا عايز اعرف حاجة :
لو كان الجنيه بتاعنا ده ليه اى قيمة بره مصر كانت الحكومة عملت ايه فى الناس علشان تقلب جيوبهم ؟؟؟

**Defender** · 13-08-2008 09:17 AM

انا ان شاء الله ماشي ملتزم علي طول

لا استخدم وجبه الكوسه السريعه الفوريه الا في حاله اننا مش غلطان

يعني بستخدم الكوسه في اننا اخد حقي

انما لو غلطان يبقي الاعتراف باخطاء فضيله وادفع وانا زي ......... الباشا