عرض للطباعة
سئلت فى بنك المشرق قال انى لو دفعت 30 الف جنية من قيمة العربية او 50 الف
ااقسط العربية من غير مفرادات مرتب ولا ضمان بصورة البطاقة وايصال مرافق فقط وبفايدة 10 % فقط
ولا اجيب جين 2 مستعملة فى حدود 60 65 الف
2007 2006 2008
اى حلجة من الموديلات دى انا لقيت برده ان القسط هيخلى تمن العربية 140 الف وهى بـ 98 الف
كمان شايف ان العربيات من هترخص تانى بعد ماغليت ولا استنى شويه ولا اعمل ايه انا دماغى هتفرقع
انا رايى اشترى مستعمل نضيف بس اكشف عليها كويس جدا ولا وجع قلب الاقساط
ابعد عن البنوك ، حرامية حرامية حرامية ، دة خلاف قصة الربا.
يا اما تشتري بالفلوس اللى معاك مستعمل ، او تستني شوية لحد ما تعلي بالمبلغ شوية وتشتري كسر زيرو.
رأيي من راي الاعضاء
هسألك سؤال
ياتري بعد ال 5 سنين لما تكون قسطت العربية بالكامل
لو حبيت تبيع العربية هتجيلك كام ؟
اعتقد انها مش هتجيب ال 70 ألف
هل يعقل تكون دافع 140 الف
ولما تيجي تبيع تلاقي نفسك خسران 70 الف جنيه وش ؟
انما المستعل فلوسه فجيبك تحت أي ظرف من الظرف العربية بتتحول الى فلوس
سواء ربنا كرمك وهتبيع وتكمل عليها او لا قدر الله اتزنقت فاي موقف
فكر واحسبها تاني
انا كنت زيك وكنت بفكر اجيب عربية معدية 160 الف
وكنت هدفع مقدم 80 الف
بس لقيت حرام عليااااااااا يبقا في حظر بيع طوال فترة التقسيط
ربنا يوفقك
وفالاول والاخر استخير ربنا
تحياتي
متشكر جدا لحضرتكم
وفعلا زى مقال الرسول الكريم لاخاب من استشار
معلش انا عاوز حد بس يحسب الحسبة دى معايا من اخوانى الجيناوية ويقلى ايه رايه
العربية تمنها 99 الف جنية هدفع 55 الف مقدم وهقسط الباقى
لو انا هقسطها على 3 سنين ياعنى 36 شهر القسط هيبقى عامل1.573 فى الشهر ياعنى فى التلت سنين هتبقى عاملة 56.628 الف جنية + المقدم الى هدفعة حوالى 55.000 الف جنية
هتبقى العربية عاملة 111.62 ده كده ثمنها بعد الاقساط ولو طرحنا الرقم ده ثمن العربية الاصلى هيطلع الفايدة للبنك 12.628 فى التلت سنين بيهيقلى كده مضبوط ولا فى اى حاجة تانى
انا عاوز بس من حضرتكم اى حد قسط الجين تو قريب يقلى حسبتى كده صح ولا ايه
واستسمحكوا قلولى رايكم ايه فى جديده ولا مستعملة
انا نفسى اركب عربية جديده احساسها جميل جدا جدا انك مسافر ومش قلقان من ان العربية تقف بيك او تعمل حاجة معاك بس بقول اشوف واحدة نظيفة بـ 55 لحد 60 وخلينى فى المستعمل بس انا قلقان بصراحة ومبحبش اشتغل او افتى فى اى حاجة للعربية ياعنى على طول بروح للمكانيكى والكهربائى وبدفع علشان اريح دماغى
وعارف ان العربيات الجديده كلها حساسات وحورات كتير فابفكر فى الجديد علشان كده
انا اسف طولت عليكم بس انا مشتت جدا
متنساش انك هاتبقى لازم تأمن على العربية
والتأمين بيبقى حولى 4000 جنيه فى السنة
بص يباشا انا نتهيقلي مدام معاك المبلغ ده تدفعوا مقدمة يبقى زود عليه 5 كمان وهات حاجه 2009 افضل نليون مره من هسس الاقساط
خنقه ما بعدها خنقة
اهم حاجه افحصها كويس وانا ارشحلك عصام صفا بينكتوا العربية...طبعا هيطلعولك القطط الفاطسة وهتحس ان العربية شرك بس انت لازم تبقي فاهم كويس وتقدر الحاجات الهو هيقلك عليها لانه لازم هيبقي فيها شوية حاجات زي اي حاجة مستعملة
انا اخترت حيرتك ده كتير اوووووووووووووي وفي الاخر ربنا وفقني وجبت برسونا 2009 استعنال نضيف والحمدلله مبسوط بيها جدا...عموما هحكيلك تجربتي ممكن تفيدك في حاجة
لما فحصتها فالولي انها كانت عامله حادثة ومغيرة اكصدام وفانوسين ... بالنسبالي اكني مسمعتش حاجه مدام جت في اكسسوار وممكن يحصل ده معايا في اي لحظة
قالولي كمان انها كانت واكله مطب فماثر علي قنطرة الماتور وقفت هنا شوية...
قالولي في ترشيح من كرتيرة الفتيس تنحت هنا شوية....
قالولي ربر الشكمان ناشف ... طبعا لو جبت عربيه موديل 2012 وبصيت عليه هتلتقيه ناشف فاكني بردوا مسمعتش حاجه
غير كده قالولي العربية زي الفل والشاصي والماتور والفتيس باستثناء الترشيح زي الفل
سالتهم ممكن يبقي من ايه الترشيح ده قالولي لازم نفتح ونشوف وخلي بالك مش هيدوك عقاد نافع عن اي حاجه كل خاجه خيقلولك مع نفسك احنا بنقول بس الشايفينه علشان يخلوا مسؤليتهم طبعا..
المهم قعدت مع نفسي احسبها وبصيت علي الحاجه بنفسي
لقيت الترشيح من جمب واحد وبطئ جدااااا فاجذمت ان الكرتيره محتاج يتارط عليها وده كانت مجازفه لانها ممكن تكون مشروخة
الحاجه التانيه الحادثه فحصتها بنفسي كويس وبصيت عليها لقتها فعلا مش لامسه اساسيات خالص ومتصلحه بنضافه وصاحبها حتطلها زينون
كنت متفق مع الراجل علي 70 الف علي اساس انه قايلي فبريقه ..طبعا استغليت المشاكل ده ونزلتها ل 67 الف ووافق
خدتها ظبط الخاجات ده وغيرت الزيوت ب 1500 وفعلا الكرتيره كان محتاج يتارط علي مساميرها بس
وده كانت تجربتي
اما بقي بالنسبع الحسبه بتاعتك بتاعة الزيرو القسط فيها حاجه مش مظبوطه.... ال 50.000 الف فوايدهم في ال 3 سنين حوالي 22 الف غير طبعا انك لازم تأمن تامين اجباري غير حظر التجول الي علي العربية
ربنا يوفقك وصلي استخارة احسن من مليون رأي
وفي الاخر احب اقلك العربية ده صفقة رابحة جديده او مستعملة
بلاش تقسيط ربنا علشان ربنا يبارك لك
حاول تشوف حاجة مستعملة وريح دماغك من القسط والله هم على القلب ومش هتحس بيه الا لما يعدى كام شهر تلاقى نفسك متدبس وملزم انك توفر المبلغ ده كل شهر
ياباشا ميرسى جدا ليك وربنا يخليك ويجزيك خير عن المعلومات الى فدتنى بيهااقتباس:
المشاركة الأصلية كتبت بواسطة a7mad_mo7amad6
بص ياباشا أنا لية وجهة نظر مختلفة
بغض النظر عن أرباح البنك منك في حلة الشراء بالتقسيط
أنت محتاج إيه ؟؟؟
انت محتاج عريبة تريحك وتكون بإذن كويسة معاك لمدة من الزمن .. مش التفكير هنا بقى إنك هاتدفع فيها كام أزيد أو أقل سواء لو قسط من البنك أو كاش مستعمل
لأن برضه البنك هايؤديلك خدمة وهي التقسيط على مدة من الزمن كبيرة ومن حقه ياخد أرباح مقابل الخدمة دي
رأيي بقى ...
إنك تدور الأول على المستعمل ... لإنك لو لاقيت عربية مستعملة حلوة ونضيفة وبعد الكشف عليها لاقيت مافيهاش غير المشاكل العادية البسيطة اللى يمكن التعايش معاها يبقى توكل على الله وهاتكون أفضل من القسط من جميع النواحي .. بس المهم إنك تدور بهدوووووووء من غير استعجال ... لغاية ما ربنا يوفقك للعربية الكويسة المناسبة للفلوس الى معاك
لو ما لاقيتش يبقى ساعتها ممكن تفكر في القسط خصوصا إن البنك موجود ومش هايطير وممكن في أي وقت تروحله ... بس في الحالة دي لازم تبص على بقية البنوك .. لأن بيكون في فروق بينهم ساعات ... يعني من الآخر القسط خليه الحل الأخير
ربنا يخلى حضرتك انا خلاص ان شاء الله قررت اشوف واحدة جديدة وسئلت على القسط لقيتهم هياخدوا 12 الف جنية زيادة على ثمن العربية الاصلى وده من غير تامين اجبارى ومن غير مفردات مرتب ووجع قلب والقسط هيبقى حوالى 1600 جنية فى الشهراقتباس:
المشاركة الأصلية كتبت بواسطة d . A .\ ayman
اصل انا فكرت لقيت مش معايا غير 55 الف جنية بس وخايف اجيب بروتون اصرف عليها ومش عاوز ادخل فى حورارت وحساسات وافلام مش بتاعتى
الجديد بيعد مشاء الله 5 سنين مابيقولش اى حاجة ياعنى هكون ان شاء الله خلاصت القسط ورتحت وانا مش ناوى ابيع لانى بحبها جدا جدا ومش ناوى اسيبها
وسئلت فى كام بنك لقيت ان بنك القاهرة اقل فايدة وكونتكت كار برده فايدتة قيلة وهو الوحيد عنده نظام اسمة انظام المرن وده من غير تامين اجبارى ولا اى حورات
ياريت تقولنا تطورات الموضوع مشيت الزاى ووصلت لاية لانى عايز جين 2 قسط برضو
والله هو ان شاء الله بعد بحث وتدوير عظيم ان شاء الله استقريت على العالمية بتاعت عبد اللطيف جميل وبنك فيصل اى واحد منهم بامر الله ولقيت الفايده 12 الف جنية بصراحة كلم كويس
هو اقل سعر ليها كام و هل في فتره حجز ولا لا انا ناوي اقسط تبع البنك الاهلي
فى كمان معرض اسمة استوب كار عاملة فىة 97 الف جنية وبلقسط على 3 سنين هتبقى عاملة 108 وقسط 1480
يالا بشرنا استلمت ولا لسة وحصل معاك اية يامان ؟؟؟
متابع
الاسعار غليت اوى وكل حاجة باظت ومحتاج شهرين كمان علشان اجمع الى غلوة منهم لله