موضوع الرشاشات انا فكرت فيه عشان كده ركبت رشاشات الموتور القديم عشان كانت مظبوطه فى الدوران وبرضه العربيه بتأخر.
عرض للطباعة
هقولك علي حاجه بسيطه بس ان شاء الله هتفرق معاك و مش هتكلفك
كان فيه موضوع ل طناني باشا عن تنضيف كابلات الكهرباء و الارضي و القواطيش للبطاريه
و موضوع تاني لزيندو لتقويه ارضي العربيه
لو صوت المرش لما بتدور و هي بارده ابطأ شويه من لما بتسخن يبقي ان شاء الله هتفرق معاك
و راجع علي طرمبه البنزين و الايدل لو فيها
و موفق ان شاء الله
اسباب تاخر الدواره كتيره سواء منها متعلق بابنزين ومغذياته او بالكهربا ومدخلاتها
بالنسبه للحساسات ..الحساس الوحيد اللي ياخر الدواره والموتور بارد بالذات هو (الكولانت سنسور)
بيسموه بره (master sensor) وده لانه بيدي الكونترول معلومات عن درجه حراره الموتور
علشان يظبط كميه البنزين اللي بتمر للرشاشات
-من اعراض تلفه الشهيره دخان مصانع اسود من الشكمان وطبعا استهلاك خيالي للبنزين
-بس انا هنا مش بقصد تلفه وانما باقصد انه ضعف فالقيم اللي هيمررها للكونترول مش هتبقي قياسيه او مضبوطه (جوه الصباع النحاس بتاعه في كابل اسمه ثرمو كابل ده اللي بينقل الحراره وتتحول لاشاره كهربيه دي سي ) جرب تغيره وان شاء الله الامور تتحسن
هات كبل محمل كويس وخد طرف من ارضي البطارية الي جسم المحرك في اي مسمار
وياريت تروح تكشف علي الموبينة
وياريت تشتري بوجيهات سخنة
طيب هاقولك حاجة تجربها
قبل ما تدور ب 30 ثانية
افتح الكونتاكت
و سيبه مفتوح
و بعدين ادى سنة الدوارة
و شوف التأخير اختلف و لا لأ
جرب تغيير طرمبة البنزين بتفرق جامد فى السحب وكمان الدوارة وبال>ات لما تكون العربية واقفة فترة طويلة
وكمان ممكن فعلا من التقسيمة بس خلى دى فى الاخر
المكنة استيراد ..... اعمل فلاشينج للمكنة
او حط زيت محترم يشيل الكربون المترسب على البساتم وال صبابات ودة عشان المكنة كانت مركونة فترة وحصل ان الزيت القديم ممكن يكون عامل sludge
انصحك انك تستخدم زيت castrol gtx
او castrol magnito
و حكاية الركنة دى بتكون سبب ان المكنة سحبها مش تمام ومش شرط المكنة تكون ضعيفة
هى بس عايزة تتنضف
وحط بنزين 92 وشد بالعربية شدة محترمة على طريق مفتوح
وان شاء الله تبقى زى الفل
اخى العزيز / فادى انا غيرت حساس الكولنت بس جبت واحد استيراد هو فكه من ماكنه بس طبعا انا معرفش هو شغال ولا لأ وجربت العربيه لقيت التحسن مش كتير وفى تأخير فى بعض الاحيان ولما ادوس سنه واحده بنزين بدور على طول بس الماكينكى بص على البوجيهات وقالى هى حرقها بسبب ان نوع البوجيهات مش حلو مع انى جيبها يابانى غالى وحطلى بيوجيهات من عنده مستعمله دى نقطه بس انت عارف العربيه ياخى سحبها جميل ورائع بس كل المشكله فى تأخير الدوران.
اخى العزيز / فادى انا غيرت حساس الكولنت بس جبت واحد استيراد هو فكه من ماكنه بس طبعا انا معرفش هو شغال ولا لأ وجربت العربيه لقيت التحسن مش كتير وفى تأخير فى بعض الاحيان ولما ادوس سنه واحده بنزين بدور على طول بس الماكينكى بص على البوجيهات وقالى هى حرقها بسبب ان نوع البوجيهات مش حلو مع انى جيبها يابانى غالى وحطلى بيوجيهات من عنده مستعمله دى نقطه بس انت عارف العربيه ياخى سحبها جميل ورائع بس كل المشكله فى تأخير الدوران.