عاوز اروح المعادى الجديدة من التجمع الخامس بعربيتى

**hassanpepo** · 22-02-2013 11:14 PM

السلام عليكم
لو سمحتم كنت عاوز اعرف ازاى اعرف اروح المعادى الجديدة - دجلة - شارع 220 من شارع التسعين فى التجمع الخامس بعربيتى
ولو حد يعرف فنادق 3 نجوم فى دجلة ياريت يقولى عليها

**mohamed_selim** · 23-02-2013 10:29 AM

هتطلع دائرى فى اتجاه كارفور و بعد كارفور خليك على اليمين هتلاقى مخرج الاوتوستراد تطلع مته و تخليك يمين عشان تطلع كوبرى هيلف بيك و تنزل الاوتوستراد طوالى شويه حلوين هتلاقى بنزينة توتال تخش من قبلها يمين فى يمين كده انت فى دجله
معرفش فنادق هناك

**Land_Cruiser** · 23-02-2013 11:12 AM

بالنسبه للفندق فى واحد فعلا فى دجله اسمه. Residence Hotel و ده عنوانه رقم ١١ - شارع ١٨ و اشهر حاجه تميزه انه بجوار spectra و هو فندق صغير بالمناسبه اعتقد انه ٣ نجوم فعلا و سهل تلاقى ركنه حواليه

Booking.com: Residence Hotel Suites & Apartments, Cairo, Egypt. Book your hotel now!

**hassanpepo** · 23-02-2013 08:12 PM

متشكر جدا لحضراتكم بس ياريت لو حد يقولى الطريق بالتفصيل انا ماعرفش غير انى من شارع التسعين ممكن اطلع الدائرى فى اتجاه المطار واسكندرية الزراعى ... فاروح عند كارفور والاتوستراد ازاى ؟؟؟؟؟؟؟؟؟

**mohamed_selim** · 23-02-2013 08:25 PM

اطلع من التسعين و ما تاخدش يمين على الدائرى كمل طوالى و خد اليوترن و ارجع يمين على الدائرى فى عكس اتجاه المطار

**Land_Cruiser** · 23-02-2013 10:25 PM

فى آخر شارع التسعين ما تدخلش يمين و كمل لف الصينيه و بعد كده أمشى فى طريق NA بتاع الجيش ده ( و انت بتلف هتلاقى يافطه ان ده اتجاه مدينه نصر) و من اول u turn هتقابلك لف منها و ارجع تانى و بعدين ادخل يمين و بكده هتطلع على الدائرى فى اتجاه المعادى. هتفضل ماشى على طول و هيقابلك و انت ماشى كارفور هتفضل مكمل علو طول لحد ما توصل لدخله المعادى هتطلع منه كوبرى صغير ينزلك على الاتوستراد هتفضل ماشى فى الاتوستراد لحد ما توصل لبنزينه توتال تقوم داخل يمين من قدامها هتبقى ماشى و على شمالك من الناحيه التانيه سور سجن طره هتفضل مكمل قدام شويه و تدخل يمين تمشى شويه و بعد كده من اول فتحه تقابلك تدخل منها هتبقى فى شارع ١٩٩ فى دجله