الموضوع: ميجان 2008 عندى استفسار بخصوصها لو سمحتوا ارجو دخول الجميع

مفيش عربية ملهاش أعطال .... عشان كدا بقول لك فورد فوكاس عربية كويسة مش زى ما حضرتك متصور

بالنسبة للميجان الاوتو كل فتيسها ستب ترونيك .... أزاى صاحبها ميعرفش كدا ؟

المفروض إن كل زجاجها كهرباء

المرايات الضم ممكن تختلف ممكن يكون فيها وممكن لأ برضه

العربية دى مش بانوراما

قطع غيار ميجان كويسة مش غالية برا التوكيل وجوا التوكيل زيها زى عربيات تانية فى فئتها فى حاجات وأقل منها فى حاجات

قطع الغيار متوفرة إن شاء الله بوفرة كمان

لو حالة العربية دى كويسة توكل على الله واشتريها السعر كويس

المشاركة الأصلية كتبت بواسطة elmashtoly

الف شكر لكل الناس اللى ردت عليا ربنا يباركلكوا يارب
من الواضح ان فى اختلاف على موضوع الفتيس كله بيقول
انه لازم يبقي استيبترونيك والراجل نفسه قاللى انه اوتو فقط
ربنا يسهل لحد بس ما اشوفها باذن الله وهقولكوا كل حاجه
بس معلش ايه البانوراما دى بالظبط وهل العربيه دى فيها سينسور والا لا
والتوكيل بياخد كشف كام تقريبا

لأ مفيش اختلاف على موضوع الفتيس دا سوء تفاهم بينك وبين صاحب السيارة جايز هو ميعرفش إن عربيته ستبترونيك أو ميعرفش يعنى إيه ستبترونيك يفتكرك تقصد حاجة تانية أو ممكن يكون تاجر ومش صاحب العربية

البانوراما هى عبارة عن فتحة سقف زجاجية تملك نصف السقف تقريبا فتحة السقف العادية بتبقى صغيرة وبتبقى فى النص ما بين قوايم السقف

إنما الفتحة البانوراما بتاخد من قايم السقف اليمين لقايم السقف الشمال وكمان قايم السقف من قدام

مساحتها كبيرة ماشاء الله وبتبقى روعة فى ميجان كان نفسى أشترى عربيتى بفتحة سقف بانوراما بس النصيب

العربية البانوراما بيبقى فيها كل الاوبشن اللى نزل فى ميجان فى مصر
من جنوط سبور
لتكيف تتش
لنواكل ومرايات ضم
فرش جلد بيج أو أسود أو فرش جلد فى قماش
مثبت سرعة

بس هيبقى سعرها أغلى من العادية بالتأكيد

العربية مفيهاش لا إنذار ولا سنسور بارك

والاتنين أمرهم سهل بإذن الله
الكشف فى التوكيل حوالى 500 جنيه والمراكز المعتمدة بيبقى اقل من كدا