الموضوع: منظف الرشاشات ومؤشر البنزين

فيه حاجة عشان مكشى قلت معلومة غلط انا عامل توصيلة من جوة الدكر نفسه المهم ان السلكين اللى المفروض عامل بينهم اتصال هما السلك الوسطانى الاسود وسلك تانى ليه لونين على ايدك الشمال مش كدا ابقى مظبطها على بنزين 95 ولا 90 عشان خبراتى كلها باخدها من المنتدى الجميل ومنكم طبعا..عموما الوضع دا حلو والعربية سلسة وبتسحب كويس وهقيم الاستهلاك مع الوقت وقول ياباسط بس فيشة الاوكتان بجد مؤثرة لانى جربت امشى وانا شايل الفيشة لقيت فرق كبير ولما حطيت الفيشة بالوضع دا وحطيت المنظف اللى قلت لحضراتكم عليه دا اللى حصل معايه وهقيم الاستهلاك تانى وهبلغكم ان شاء الله

المشاركة الأصلية كتبت بواسطة truss

كدة ظبطة 95, اسود مع بنى فى ابيض

تسلم يا باشا بكدا اكون فهمت صح ...الفيشة حاليا على 95 وهقيم الاستهلاك وادينا بنجرب

المشاركة الأصلية كتبت بواسطة SYD

جرب فول تاني وقولنا خدت قد ايه

بس عموما معروف ان الحاجات دي بتخلي الاستهلاك يعلي في البداية وبعدها بتفويلتين بيظبط

وتأكد انه مافولش التانك الاضافي لانه ممكن يكون كل دة انت شغال منه وبالتالي هتفضل العربية قدامك مفولة

والله المستعان
،
،

وقين التانك الاضافى

المشاركة الأصلية كتبت بواسطة tarek_2005

متحسبش استهلاك وفي منظف رشاشات ابداً
استني بعد تفولتين كمان وبعدين احسب الاستهلاك

ممكن اعرف ليه يا استاذ طارق ؟ يعنى مجرد فضول علمى :)

المشاركة الأصلية كتبت بواسطة tarek_2005

علشان منظف الرشاشات فيه مواد منظفة تؤسر علي سرعة الاشعال يعني بمعني اصح بتغيير اوكتين البنزين وطبعاً كدا هيفرق حساب الاستهلاك

كلام حضرتك درر ما شاء الله عليك لان دا اللى حصل والاستهلاك زاد يعنى عملت 92 كيلو ب 10.5 لتر ياترى حضرتك تنصحنى بأية اظبط فيشة الاوكتان على 92 ولا على 95 مع العلم انى بحط 92 وطبعا مش عايز الاستهلاك يزيد