لو فأيدك تهاجر لأى دولة هتهاجر فين ؟ من غير مبالغة

طبعا زى ما واضح من عنوان الموضوع
بما أن الحياة فى مصر أصبحت زى حياة عود الكبريت فى علبته الضيقة
الشوارع كلها مطبات - الزحمه و السواقة الهمجيه - مفيش حارات أصلا عشان الناس تلتزم بيها - يتهئ لى 70% من العربيات الموجودة بالطرق متهالكه و سبب كل الحوادث و موديلات سبعينات و تمانينات - المايا نازلة من الحنفيات ملوثة و فيها ديدان و صدا من المواسير - الجو مبقاش صحى - ريحة الهوا تقرف - العماير مبنيه من غير أساس و كل يوم عمارة تقع - مساحات الشقق بقيت زى زحمه المواصلات - السرقة بأسم الشطارة - الأستغلال الصفة الرئيسية فى التجارة - التعليم المجانى مش مجانى و يا ريته بيخرج ناس عندها عقل إلا الأشخاص إلى ثقفت نفسها - التعليم الخاص ممكن تكون المدرسة بألاف و فى نفس الوقت المجارى ضاربه فى الحوش - المدرس فى التعليم المجانى زيه زى المدرس فى التعليم الخاص نفس المبدأ و نفس العقلية - الجامعات المصريه زى جامعة أسكندريه مثلا بقيت عبارة عن صندوق زباله كبير - الجامعات الخاصه الغش فيها و البرشام شغال زى السكر و بيخرج ناس مش فاهمه حاجة - الشغل مش لأى حد

من النهايه كدة
فى رأيكم
أية أفضل دولة ممكن تسافر فيها و تعيش طول حياتك مفيهاش الكلام دة كله - أو جزء كبير منه مش موجود ؟
طبعا دة هيكون بناءا على توافر مهنتك هناك - لغاتك يعنى لو بتعرف تتكلم عربى بس يبقى أدامك الدول العربيه لكن لو معاك لغات تانيه يبقى ممكن تختار أكتر من دولة أوروبيه

مش عايزين مبالغة و واحد يقول أنا هسافر أيطاليا و هوا أصلا مش بيعرف يتكلم أيطالى :argue1:

الموضوع للأحلام فقط (لأن لو كل واحد فأيده يسافر من مصر كانت مصر بقيت صحرا من زمان)

كندا او بريطانيا او امريكا

Sent from my MZ601 using Forum Runner

للأسف أنا زى السمك ، يموت لو طلع من الميه ، حتى لو كانت ملوثة.

فيللاندا

انجلترا
او كندا او استراليا بس بعيده اوى

انجلترا و لكن لفترة و العودة الى مصر حيث اللمة و الصحبة و الاقارب و النيل و الطقس وووووو...................................... ......

اى مكان يحترم الافراد ويحترم اداميتهم ويوفر لهم الميعشه النموذجيه وان كان فى اخر بلاد العالم

المانيا صديق عزيز عمال يتحيال عليا اروح واكمل هناك
لكن لسه مقررتش ..

لأي بلد لغتها أنجليزي و بالترتيب كده,,
Australia
Canada
England
USA

بص يا غالى انا الحياة بره حلوه بس عايز اقولك حاجه, انا سافرت بره مصر مرتين مرة فعدت شهرين وكان تبع الشغل بتاعى وكانت ليبيا, والمرة التانيه عمرة لمده 11 يوم فى السعوديه, فى المرتين وبدون مبالغه اول ما بانزل من الطيارة بحس انى مش فى مكانى , بحس ان لو حد جه ضربنى مش حيكون من حقى انى اقول اى.
على الرغم ان فى المرتين مكنتش لوحدى ومعايا ناس تانين بس الاحساس دا صعب جدا و ما برتحش الا لما ارجع تانى.

الواحد عمره ما فكر فى الحوار ده خالص بالرغم من الى بيحصل هنا

الامارت العربيه فى المقام الاول لو دوله عربيه استرليا ثم كندا ولو سرحت بخيالى ودون الارتباط بعامل الشغل يبقى الريفيرا الفرنسيه او جزر المالديف او سويسرا ياااااااه على الاحلام

عشان محسش بالغربه وابقي في مجتمع مسلم حتي لو كان اسما بس يبقي دبي بس تعيش في حالك وملكش دعوه بحد يعني شغلك وعربيتك وبيتك ومولاتك وشكرا

غير كده يبقي كندا
مكان جميل جدا ومش متعصبين وهتتعامل مع احسن ناس وهتتعلم كتييري وتعيش عيشه نضيفه وتعملك قرشين بس مشكلتها الأسلام هناك هتحس انك غريب

USA
Canada
Australia

او بلد عربية يبقي الامارات دبي بالخصوص
غير كدة يبقي اي دولة لغتهم الاساسية انجليزي عشان الحمد لله الانجليزي عندي كويس اوي
وممكن المانيا بس انا بلوش كدة في الالماني شوية كلام وحركات كدة مش بظلاقة يعني

أســـتراليا

لو القرار سهل يبقى الامارات فورا بس أبوظبي مش دبي زي بعض ردود الأخوة لأن الحياة في ابوظبي أكثر التزاما و تدينا من دبي الحقيقة و مجتمع مسلم و لغة عربية و حياة منظمة و نضيفة و لكن العيب الوحيد طبعا تكلفة المعيشة غالية ووووووووو.........

تركيا

اعتقد ابوظبي العيشه فيها ارخص بكتيير من دبي والسواقه فيها احلي بمراحل لانها جزيره والطرق بالطول والعرض وخلاص ومش كبيره وفعلا جوها اسلامي والمساجد كتيير قوي وساعة الصلاة بتلاقي صوت الأذان مسموع في كل حته وعند اي جامع بتشوف الجوامع المحيطه
علي عكس دبي بتحس انك في امريكا واقرب جامع ليك لازم تركبله تاكسي عشان تلاقيه

اقتباس:

---

المشاركة الأصلية كتبت بواسطة s o p h o s

المانيا صديق عزيز عمال يتحيال عليا اروح واكمل هناك
لكن لسه مقررتش ..

---

يا باشا انت تلم هدومك و على اول طيارة من غير تفكير
,
,
,
و طبعا طبعا احسن مكان هو كندا
بس الترتيب بالنسبالى ماليزيا المانيا كندا انجلترا

اقتباس:

---

المشاركة الأصلية كتبت بواسطة shaddadfalcon1

عشان محسش بالغربه وابقي في مجتمع مسلم حتي لو كان اسما بس يبقي دبي بس تعيش في حالك وملكش دعوه بحد يعني شغلك وعربيتك وبيتك ومولاتك وشكرا

غير كده يبقي كندا
مكان جميل جدا ومش متعصبين وهتتعامل مع احسن ناس وهتتعلم كتييري وتعيش عيشه نضيفه وتعملك قرشين بس مشكلتها الأسلام هناك هتحس انك غريب

---

كلام سليم

اقتباس:

---

المشاركة الأصلية كتبت بواسطة shaddadfalcon1

اعتقد ابوظبي العيشه فيها ارخص بكتيير من دبي والسواقه فيها احلي بمراحل لانها جزيره والطرق بالطول والعرض وخلاص ومش كبيره وفعلا جوها اسلامي والمساجد كتيير قوي وساعة الصلاة بتلاقي صوت الأذان مسموع في كل حته وعند اي جامع بتشوف الجوامع المحيطه
علي عكس دبي بتحس انك في امريكا واقرب جامع ليك لازم تركبله تاكسي عشان تلاقيه

---

شكلك كنت عايش هناك

ياخبر متخيل لو فتح باب الهجره هنا البلد دى هتصفى من الشباب
سويسرا طبعا الحلم الكبير يكفى انها مدخلتش اتحاد اوروبى وده مخليخا ليها مركزها وسط اوروبا كفايه شكل الفرنك السويسرى بصراحه حاجه كده فخمه اوى وفيها 4 مقاطاعت كمان
كندا وبريطانيا برضو تحفه فى دوله تانيه جامد جدا يمكن محدش سمع عنها اسمها نيشتن اشتاين مستوى الفرد فيها عالى جدا رغم صغر مساحتها وتعدادها ربنا يوعدنا باى حاجه :s ليه بس فتحت السيره دى
اخيرا اى دوله تفهم معنى الادميه وتحترم القانون والانسان وحقوقه وواجباته واعتقد كل دول اوروبا بهذا النمط

اقتباس:

---

المشاركة الأصلية كتبت بواسطة hossam_elwani

شكلك كنت عايش هناك

---

لا مش للدرجة يعني :) بس قضيت هناك شهر رمضان و15 يوم بعديه وكانت ايام جميله والله بس لاتقارن بمصر بصرااحه :) يعني كفايه ان يوم العيد صليت العيد وماشي كاني مصلي الظهر مثلا ولا في اي عيد ولا اي مظاهر احتفال ولا الهوا

اقتباس:

---

المشاركة الأصلية كتبت بواسطة amrelsha3er

ياخبر متخيل لو فتح باب الهجره هنا البلد دى هتصفى من الشباب
سويسرا طبعا الحلم الكبير يكفى انها مدخلتش اتحاد اوروبى وده مخليخا ليها مركزها وسط اوروبا كفايه شكل الفرنك السويسرى بصراحه حاجه كده فخمه اوى وفيها 4 مقاطاعت كمان
كندا وبريطانيا برضو تحفه فى دوله تانيه جامد جدا يمكن محدش سمع عنها اسمها نيشتن اشتاين مستوى الفرد فيها عالى جدا رغم صغر مساحتها وتعدادها ربنا يوعدنا باى حاجه :s ليه بس فتحت السيره دى
اخيرا اى دوله تفهم معنى الادميه وتحترم القانون والانسان وحقوقه وواجباته واعتقد كل دول اوروبا بهذا النمط

---

ولا هتصفي ولا حاجه
هي فين الشباب اللي هتهاجر والدول دي هتاخدهم ليه ؟ لو عندهم خبره كانو اشتغلو بيها في مصر

مفيش حد بيشتغل ومبسوط عايز يهاجر ولو كان عايز يهاجر يبقي عايز يسافر كام سنه يعمل قرشين ويرجع

اقتباس:

---

المشاركة الأصلية كتبت بواسطة shaddadfalcon1

ولا هتصفي ولا حاجه
هي فين الشباب اللي هتهاجر والدول دي هتاخدهم ليه ؟ لو عندهم خبره كانو اشتغلو بيها في مصر

مفيش حد بيشتغل ومبسوط عايز يهاجر ولو كان عايز يهاجر يبقي عايز يسافر كام سنه يعمل قرشين ويرجع

---

للاسف الخبره لوحدها فى مصر مش كفايه بتهيالك فى ناس كتير نفسها تطير حالا حتى لو شويه يعمل قرشين ويرجع بس اللى بياخد على نظام بره مبيرجعش الا زيارات

تركيا
مولدوفا
البلدين روحتهم أكتر من مرة و عحبونى أوى

انا ماشي في طريق الهجــرة لــ كندا
الموضوع بياخد وقت طويل..مش شهر ولا اتنين
يمكن ياخد سنة او سنتين كمان

بالترتيب :السويد - كندا - أمريكا - دبى

مصر بقت خرابه كبيره - عايز اروح المانيا

اقتباس:

---

المشاركة الأصلية كتبت بواسطة amrelsha3er

كندا وبريطانيا برضو تحفه فى دوله تانيه جامد جدا يمكن محدش سمع عنها اسمها نيشتن اشتاين مستوى الفرد فيها عالى جدا رغم صغر مساحتها وتعدادها ربنا يوعدنا باى حاجه :s

---

Lichtenstein, Baden-Württemberg - Wikipedia, the free encyclopedia

ديه مكملتش 9 الاف واحد


هههههههه

انجلترا ..
معاشر ناس كتير منهم و بدأت اطبع بطباعهم .. فمش هحس بغربة قوى

أنا جربت الخليج وبالتحديد الكويت وفيه شويه سلبيات زي الرطوبه العاليه جدا حولي 8 شهور في السنه تنسى انك تمشي 5 دقايق في الشارع فيهم عشان مش هتعرف تتنفس ولو واقف جوه البحر مش هتلاقي نسمه هوا وفي المقابل مصر تتمشى فيها في أي بلد حتى لو مش عالنيل ولا البحر وفي عز الصيف بعد الساعه 7-8 بالليل بيبقى الجو لذيذ جدا وينسيك حر النهار.

والعيب التاني ان مفيش اي مظاهر احتفال بأي مناسبه يعني هيعدي رمضان والعيد مش هتحس بيهم يعني لو متعرفش ان احنا في رمضان مفيش أي علامات هتعرفك لكن في مصر تلاقي الشوادر والفوانيس مغرقه الشوارع في رمضان والتواشيح اللي بتشتغل في المحلات وميكروفونات المساجد بين العصر والمغرب. جو روحاني جميل جدا.

ميزه الخليج انه بتستمتع برفاهيه وخدمات أفضل من مصر بدون عائق اللغه. حاليا ناوي اخرج من مصر تاني عشان مرتحتش وفي الغالب راجع الكويت ولو اني شايف ان تركيا بلد واعده جدا ومستقبلها حلو وفيها خدمات اوروبا بجو اسلامي وأكل حلال متوفر في أي مكان والايجارات فيها معقوله زي مصر تقريبا بس مصاريف البنزين والغاز عاليه جدا وخصوصا الغاز استهلاكه كتير عشان التدفئه في الشتا. بس مشكلتها عائق اللغه وان العيال لو بدأو تعليم هناك هياخدو لغه وثقافه مينفعش يتعاش بيها بره تركيا يعني اللي يروح هناك يعمل حسابه ميخرجش منها تاني لحد ما يموت.

المانيا أو كندا
وربنا يوفقك للأفضل

Ireland

اقتباس:

---

المشاركة الأصلية كتبت بواسطة mohab.nabil

lichtenstein, baden-württemberg - wikipedia, the free encyclopedia

ديه مكملتش 9 الاف واحد


هههههههه

---

بالظبط كده والرواتب ومستوى المعيشه هناك فوق التخيل
كلام من ناس عايشه فى دول اوروبا

امريكا وبالتحديد جزر هاواي