طقم دبرياج

**m_galal_elgalaly** · 23-02-2013 07:42 AM

السلام عليكم ورحمة الله ...كنت عايز اعرف ت تغيير طقم الدبرياج فى الياريس وبتاخد وقت قد ايه...وسؤال تانى ...هو مفيش مؤشر حرار للعربية ؟؟؟؟؟طيب لو لقدر الله لو العربية سخنت اعرف ازاي....وشكرا

**haissam24h** · 23-02-2013 08:29 AM

بالنسبه لتغير طقم دبرياج عادى ذيه ذى اى عربيه بياخد مثلا يوم عند الميكانيكى
بالنسبه للحرارة على حسب علمى
ان فى لمبه فى التابلوة لو نورت يبقى العربيه سخنت او منظومة التبريد فهيا حاجه فبتالى بتوقف وتشوفها

**S O P H O S** · 23-02-2013 01:43 PM

وعليكم السلام ورحمة الله وبركاته,,ّّ
تغير الطقم يخلص فيوم ان شاء الله
العربية فعلا مفهاش عداد حرارة لكن فيه لمبة بتوضح الحرارة فالعداد اخضر- برتقالي- احمر تقريبا
والاحمر طبعا منطقة الخطر والعربية لازم تقف
حضرتك اكشف عالميه كويس وتوكل علي الله متقلقش من التويوتا مدام مفيش تسريب ولا حاجة
بالتوفيق ..

**m_galal_elgalaly** · 23-02-2013 05:27 PM

المشاركة الأصلية كتبت بواسطة haissam24h

بالنسبه لتغير طقم دبرياج عادى ذيه ذى اى عربيه بياخد مثلا يوم عند الميكانيكى
بالنسبه للحرارة على حسب علمى
ان فى لمبه فى التابلوة لو نورت يبقى العربيه سخنت او منظومة التبريد فهيا حاجه فبتالى بتوقف وتشوفها

شكرا جزيلا ليك يا باشا

**m_galal_elgalaly** · 23-02-2013 05:30 PM

المشاركة الأصلية كتبت بواسطة s o p h o s

وعليكم السلام ورحمة الله وبركاته,,ّّ
تغير الطقم يخلص فيوم ان شاء الله
العربية فعلا مفهاش عداد حرارة لكن فيه لمبة بتوضح الحرارة فالعداد اخضر- برتقالي- احمر تقريبا
والاحمر طبعا منطقة الخطر والعربية لازم تقف
حضرتك اكشف عالميه كويس وتوكل علي الله متقلقش من التويوتا مدام مفيش تسريب ولا حاجة
بالتوفيق ..

شكرا جزيلا ليك يا باشا...انا فعلا بشوف اللمبة الخضرا بتنور لما بتبقى العربية بردة بستني عليها لما تطفى وبتحرك ومخدتش بالي ان فيه لمبتين تانيين.
طيب بالنسبة لتكلفىة طقم الدبرياج بتبقى تقريبا قد ايه...ولو هغير طقم السرفيس بتاع العربية برضوا تقريبا تتكلف قد ايه.وشكرا

**Y a r i s** · 25-02-2013 05:57 AM

طقم الدبرياج عند العالمية ب ١٠٠٠ جنية
انا بقه رحت توكيل ابو رواش. وقالولي ١٥٠٠ جنية وبعد ما طلعت العربية قالولي ١٨٠٠ جنية او حاجة زي كده مش فاكر ... المهم قلتلهم ليه قالولي اصل الزيت بتاع الفتيس بيتغير
قلتلهم ده الزيت لسه جديد كنتوا حشتوا في طاسة او على جنب
قالولي مينفعش

المهم .... دفعت وبصراحة ندمت اني غيرت طقم الدبرياج عندهم سيئييييين للغاية ... والعربية متزبطيتش خالص وحاسس انهم ركبولي قطعة مغشوشة او مربطوش البليه كويس ... وانا بدعو بتوع توكيل ابو رواش انوا يروحوا يشوفولهم شغلانه تانية بدل ما يقرفوا الناس ويبوظوا عربيات. الناس وبالتوفيق

**Y a r i s** · 25-02-2013 11:45 PM

المشاركة الأصلية كتبت بواسطة m_galal_elgalaly

فرق الزيت 300 جنيه؟؟؟؟ هو انت عربيتك اوتوماتيك ولا ايه؟؟؟ طيب هو ال1500 ده بالتركيب ولا سعر الطقم بس...وعند العالمية السعر 1000 بالتركيب ولا اسعر الطقم بس...وافهم من كلامك يا يارس باشا انى اغيره عند العالمية افضل؟؟؟؟

عربيتي منيوال ياباشا
وطبعاً ٣٠٠ دول مش كلهم زيت هتلاقي مش عارف ايه مصاريف تركيب بلاستيكة او فستيكة هتلاقي تمن باكو شمعدان للصنيعي بياكلو وهو بيشتغل. يعني هتلاقي حجات مش هتعرف جيالك منين وفي النهايه هتدفع المبلغ ده كلو بس الي يغيظك انك بعد ما تدفع متطلعش العربية مزبوطة دي حاجة تجننك انا كل يوم بدعي عليهم. كل ما اركب العربية بدعي عليهم ان ربنا ما يكسبهك ولا يوفقهم ابداً قادر ياكريم. على الفلوس الي لهفوها مني والعربية هيا هيا .

والمشكلة ان المشكلة مبتبنش في طقم الدبرياج غير لمن تسخن العربية في الزحمة طيب انا عقبال ما اوديها وعقبال ما يطلع مهندس معايا من جوا التوكيل و يشوف العربية تبقى العربية بردت وبقت زي الفل .

بالنسبة لسعر الطقم في العالمية من غير تركيب ب ١٠٠٠ جنية ( البلية والاصطوانة والدبرياج ) واسمع ان عندهم ورشة مخصوص لتويوتا بس معتقدش ان حد جربها. لذلك انصحك ياتروح المتحدة يا تروح بتاع شارع السودان في ناس زمان صلحت عندهم ومحدش اشتكى منهم. وبالتوفيق :)

**mohamed_rhem** · 26-02-2013 03:52 PM

المشكلة والله اعلم

بلاطة ترس الفلام كانت المفروض تتاخد علي المخرطة

ممكن يكون فيها ريجة واشهر اعراض ليها رجه وانت طالع

واغلب التوكيلات بيقولك اصبر علي ما يطبع

والشكوي التانية بتاعتك

تحياتي