السﻻم عليكم يا جماعة
انا معايا cbr400rr و امبير الحرارة فيها بيبقي قبل الاخر بسنه صغيرة
مع ان الاربة فيها ميه و المروحة شغالة عادي
بس هي مبتسخنش مني اوي كدا اﻻ و انا ماشي براحتي
انما لما ببقي ماشي بسرعة مبتسخنش خالص
عرض للطباعة
السﻻم عليكم يا جماعة
انا معايا cbr400rr و امبير الحرارة فيها بيبقي قبل الاخر بسنه صغيرة
مع ان الاربة فيها ميه و المروحة شغالة عادي
بس هي مبتسخنش مني اوي كدا اﻻ و انا ماشي براحتي
انما لما ببقي ماشي بسرعة مبتسخنش خالص
شوف مية الردياتير نفسها ناقصة او لا .. ويفضل تحط ميا خضرا لانها مش بتتبخر بسهولة دا لو كنت بتحط ميه عادية .. وكمان اتاكد انه مفيش هوا فى الردياتير
روح لمختص وريح دماغك
طالما فى حته زحمة وبتقف وبتمشى اكتر من مرة فدا فى العادى .. حاول تتفادى الزحمة بقدر الامكان
وبرضه دا ميمنعش انك تشيك على منظومة التبريد كلها عندك لان الصيف داخل ويفضل توديها لمكانيكى مختص فى الردياتير عشان ينضف دورة التبريد كلها من جوا ويغير الميه كلها وخليه يحط اى حاجة تركيز 50/50 ولو ملقتش حط موبيل 1 عادى مفيش مشاكل ..
اللى يفيدك فى الموضوع دة بيدو بيك لسه أنا وى هوا بنعمل أم السخونة عندوا فى المكنة
هوا مشاء الله عارف سككها
مش مكنتك 400 باين
هوا هايظبطلك الحوار دة
نضف الراديااتير..
المكنه بتسخن منك و انت ماشي على مهلك...و لما بتشد بتبرد ده معناه ضعف الهواء اللازم لعملية التبريد..
لما تمشي بسرعه الهواء بيطس في الرادياتير فبيبرد المكنه.
سؤال هو الرادياتير بتاع المكنه بمروحه؟!
والله أعلم
دولا باشا
البيك بيسخن
1- الزيت فقد لزوجتة او ناقص
(اكشف عن الزيت )
2- دورة التبريد
اولا بم انك 400 فير فبتزود مياه في الرادياتير علي طول
هتفتح غطا الرادياتير وتملاة مياه وتدور البيك والغطا مفتوح وتزود بنزين هتلاقي المياه بتزيد وتنقص (كدة طرمبة المياه كويسة )
نقوم داخلين علي المروحة نشوفها بتشتغل ولا لا عند الحرارة (المفروض عند درجة حرارة 80 تكون شغالة ودي مش هتبان غير لما تدور البيك وتسيبا تسخن وتسمع المروحة اشتغلت ولا لا
لو اشتغلت
نروح نشوف الراديراتير في خروم او بيسرب مياه من هنا ولا هنا (دور البيك وسيبها تسخن وبص علي الراديايتير ولاحظ لو فيه بخار بردة معناه ان في تسريب)
لو كل دا تمام فك الرادياتير - وحط فية شوية مياه نار تركيز خفيف جدا ورج كويس واغسلة بالمياه
وحط في الخرطو اللي رايح للموتور مياه هتلاقيها بتتطلع من الخرطوم التانية
وحط مياه خضرا وانسي السخونية
____
رادياتير 2 ماسورة + مياه خضرا _ ثرموستات 60 = انسي حاجة اسمها حرارة البيك مش هيعدي الربع في الجري
ومش هيوصل للنص في الوقفة
:tumb:
رادياتير 2 ماسورة + مياه خضرا _ ثرموستات 60 = انسي حاجة اسمها حرارة البيك مش هيعدي الربع في الجري
ومش هيوصل للنص في الوقفة
اشرح الحتة دى يا عبد الله تقصد تعديل الراداتير صح ؟
من عونيا يا محمد بيك انت تؤمر بس
دا رادياتير 2 ماسورة ( المواسير اللي لونها احمر )
الواحد ماسورة بيبقي ماسورة واحدة من جوا( بدل اتنين من اللي لونهم احمر هتبقي واحدة )
فبالتالي هيحصل حاجتين
المياه كميتها هتكبر
المياه هتبرد اكتر واسرع لانها بدل متعدي علي ماسورة واحد وتدخل الموتور سخنة بنسبة 70 % هتعدي علي ماسورتين وتدخل الموتور باردة بنسبة 35 %
والتعديل دا بسيط لان علبة الرادياتير الواحد ماسورة هيا هيا نفس علبة الاتنين ماسورة ونفس الحجم فبالتالي الحجم مش هيكبر ( حجم الرادياتير )
________
المياه الخضرا عشان سببين
1- مش بتغلي ولا بتتبخر ( درجة غليان المياه العادية علي ما اظن 90 او 100 اما في المياه الخضرا لو نوع نضيف بيوصل لحد 140 )
2- مش بتصدي الحديد فبالتالي المياه هتفضل صافية وطربمة المياه او الخراطيم او الرادياتير مش هيتسد من الصدا
________
الثرموستات بيعملو حركة حلوة بيشتري كوعة كدة (حاجة عاملة زي convertor )
من الثرمو الصغير بتاع البيك للثرمو الكبير بتاع العربيات وبيركبو بتاع ال 128 ( اللي بيسموة الصيفي )
60/80 علي ما اظن مش متذكر الرقم قوي يا محمد باشا
:ma(36):
السلام عليكم ورحمه الله وبركاته
دا فى بدايه الامر ... كلام الاستاذ عبدالله سليم من الالف للللللللللللللللللللللللل للللللللللللللياء
التجربه فين... عندى
كان عندى فالبايك رادياتور واحد ماسوره.. بسم الله مشاء الله مكنه مكنتش بتقلى عندى عن النص.. مهى اشغل المروحه كنت فاصل فيوز المرحه ومشغلها مباشر..
عملت ايه رحت غيرت الراديتور بدل 1 ماسوره لى 2 ماسوره
بسم الله مشاء الله المكنه فى عز الولعه اول لما اشغل المرحه.. انا فاصل الثرموستات وعامله زرار مانيول.. اول لما اشغله امبير الحرار فى عز الولعه النص.. فالزحمه والجو العادى.. يعنى بمعدل 20%
حتت الخراطيم بتاعت الميه لو بتسرب ميه.. دى مهمه جدا الخراطيم مهمه جدا... الاخطر..
انها تكون بتسرب بطئ جدا لدرجة ان الميه بتتبخر زى ما عبدالله قال.. ركزو فالحته دى
اختبار طرمبه الميه..... زى ما عبدالله قال.. زود ميه على الباااااااااااارد خالص.. لو هتزود والمكنه سكنه تكون المكنه شغاله....... علشان متجبش وش المكنه وتغرم اد كدا
لما تزود ميه.. مع تزويدة البنزيه هتلاقى الميه بتزيد وتقل.. من الاخر مش فى وضع الثبات
الميه الخضرا افضل كتيييييييييييييييييييييير من المياة العاديه.. وتبيردها اسرع بكتير
.. والاخطر.. لو زيت الماتور ناقص..هيزود حرارة المكنه.. يجيب سبايك.. ركزو فى حتت الزيت دى شويه
حرارة المكنه..
رادياتير 2 ماسورة + مياه خضرا _ ثرموستات 60 + زيت الماتور مظبوط وميكونش محروق = انسي حاجة اسمها حرارة البيك مش هيعدي النص وانت فالزحمه.. وانت ماشى سانسيه... مش هجيب 10%
الكلام دا عن تجربه شخصيه فى مكنتى الى ببيعها دى.. :d
موفقين
يا جدعان مجرب إية وى مش مجرب إية دة أنا بقلكوا لسه كنا بنحلها
وى المثل بيقول إية
بيقول
((خد من عبدالله وأتكل على الله))
طيب الردياتير الاتنين مسوره ده الواحد يلقيه فين هو المنيوم برده ولا ايه ؟
اي واحد بتاع رادياتيرات فك الرادياتير بتاعك وقولة اعملي نفس المقاس دا اتنين ماسورة
بيجيب سربانتينة من عندو ويقصلك نفس المقاس بتاعك ويركب العلب تاني ( في كمان 3 ماسورة -بس هيبقي اكبر بكتير - تخين زيادة عن اللزوم - مش هيخلي الجادون يقفل هيخبط فيه غير انو هيسقع البيك زيادة عن اللزوم فبالتالي مش هتاخد اداء كويس )
فيه منة نحاس في انواع كتيرة قوي - والنحاس يعتبر افضلهم عشان سهولة اللحمات والتغيريات فيه :tumb:
ربنا يخليك يا محمد بيك
تلاميذك يا كبير :ma(36):
انت عمال تعجن وانا اليط مش هنسي اليوم دا يا عبده باشا :D ههههههههههههههههههههه
ربنا يخليك يابوحميد :D:D
احنا تلاميذك بردة :nemoflow:
يعنى هيبقى نحاس ولا ايه ؟
السلام عليكم
المشكله ياباشا فالريداتير هتلاقيه عايز تسليك
وفنفس الوقت نضف دوره المياه بالكامل
ومتفصلش ريدتير عموله لانه هايسخن الموتور لان الاصلي ماسوره واحده ودا احسن من الماسورتين لان بيتم فقد الحراره اسرع من 2 ماسوره وبكدا هيبئا التبريد اسرع للموتور ودا عن تجربه
يا تقنعني يا اقنعك
ازاي بيتم فقد الحرارة اسرع من الاتنين ماسورة ( اللي بيحصل العكس ) ؟؟؟ :what:
لو هناخدها ارقام -( كمية المياه اللي داخلة الرادياتير في الواحد ماسورة = لتر بينما كمية المياه اللي داخلة الاتنين ماسورة-1.5 لتر و درجة الحرارة بعد ما بتطلع من الواحد ماسورة بتبقي 60% مبردة بينما في الاتنين ماسورة بتطلع من المسورة الاولي مبردة بنسبة 60% ثم بتعدي علي الماسورة التانية وتدخل علي الموتور مبردة بنسبة 30 % )
دا لو ارقام انما لو فعلي ففي اكتر من تجربة عملية تثبت صحة كلامي
لو عند حضرتك الحرارة كانت بتعلي عن ما كان راكب الواحد ماسورة يبقي في خطا في الرادياتير حتي لو مكنش بيسرب مياه تري بالعين المجردة فهتلاقيها في هيأة بخار
لولولولولولولولولولولولول ي
عملت المكنة الحمد لله و كله تمام
و فكيت الراداتير و نظفتة و نضفت الخراطيم كانوا بيجيبوا طين
و طبعا شكرا لكل الاعضاء المحترمين اللي ردوا عليا
كان عندى نفس المشكلة وطلع الترموستات بايظ
المروحة مكنتش بتشتغل غير قبل الاحمر وطبعا دا من الترموستات
اقنعك ياباشا
كميه المياه طبعا هاتبقي اكبر فالمسورتين علي الفرض الي حضرتك فرضته هاوضح توضيح عامي.. نسبه كميه الهواء الهاتبرد الميه غير كافيه للتبريد ودا بسبب ان كميه الميه اكبر.طيب مع تقليب المستمر لطلمبه المياه ومرورها فدوره التبريد بالكامل هايكون دخول الميه غير مبرده بشكل كافي للمحرك ودا بسبب( جريان كميه المياه اكبر بالريداتير مع وقت قصير لتبريده باتزامن مع سرعه تدفق الهواء داخل ريشات الريداتير مع سرعه التقليب) وبالتالي هتتزايد فالارتفاع مع 2ماسوره.يعني معني كلامي ان كميه الميه ال هاتتبرد ليها علاقه مع كميه تدفق الهوا.ان كانت بشكل الريداتير(كشكل مقوص) او بمروحه اكبر او مروحه اكثر سرعه.
ومتنساش
الريداتير النحاس طبعا مش احسن من الالمونيوم فالتبريد لاكن اقل تفاعلا مع الميه والاملاح والاحماض يعني عمرا اطول.
ولان من خصائص الالمونيوم انها تمتص الحراره اسرع ويتم فقدها اسرع
يعني الريداتير الالمونيوم افضل من ناحيه التبريد
تحياتي
وللعلم ياباشا
الميه مابتمرش فالمسوره الاولي وبعد كدا تمر فالمسوره التانيه زي مابتقصد. الميه ماشيه فالماسورتين بالتوازي وفي اتجاه واحد
الكلام اللى حضرتك بتقوله دة فى تعديل المكن الكبير
نظراً لكبر حجم الريداتير وى الروحة وى سرعة تقليب المية داخل الرداتير
لكن فى المكن ال250 وى ال400
فاكلام بيدو بيه صح
و لعلم حضرتك انا عملت التعديل مع بيدو بيه وى الأختلاف واضح فى ال400 المكنة مبتعديش
النص فى الحرارة فى الزحمة
بس كل المسألة إن سرعة حرق النزين بتبقا اسرع نظراً لأنخفاض درجة حرارة الموتور وى اللى حضرتك تفضلت وى أتكلمت فيه فى المشاركة اللى قبل كدة
:tumb:
مع احترامي الشديد لوجه نظرك انا مش مقتنع بردة لعدة اسباب
بعضهم عملي والاخر نظري
لو هنتكلم عن النظري
فنجاح الرادياتير الاتنين ماسورة عندي وعند اعضاء كتير عملو التعديل دا برهان كافي
لو هنتكلم عن النظري
لو هنتكلم عن الرادياتير الاتنين ماسورة علي اساس انو هيسخن البيك مش هيبردة فا هيكون بسبب واحد مش مش اكتر الا وهو ان الريشة اللي في الماسورة الاولي هتدي هوا سخن للريشة في الماسورة(عند مرور الهواء) التانية فبالتالي تبريد الماسورة الاولي هيكون لية اثر تسخين علي الماسورة التانية
لكن بالنسبة لكمية المياه الزيادة اللي حضرتك اتكلمت عنها فانا لم اذكر في تعليق من تعليقاتي اننا نشيل المروحة ونعتمد علي الاتنين ماسورة فبالتالي
كمية المياه مش هتفرق ولا هتاثر الا كتبريد (مع العلم انا ذكرت في مشراكاتي السابقة الاتنين ماسورة علي وجه الخصوص لعد اسباب اهمهم باعتبارة اتخن بضعة ميليمترات من الواحد ماسورة ونفس الحجم تقريبا - فبالتالي الزيادة هتكون بالكتير ربع لتر او في اكبر الاحوال نص لتر ولم اذكر زيادة في حجم الرادياتير الاصلي كطول او عرض )
دور المروحة + الثرموثتات لما درجة الحرارة توصل لدرجة معينة المروحة تشتغل وتعمل علي التبريد ودا شي معروف
دا كلام عامي دون التطرق الي تفاصيل
اما بالنسبة لنقطة النحاس والامونيوم فانا اتفق معاك فيها وبشدة كمان
بس هضيف شوية حجات كمقارنة بسيطة جدا
الامونيوم بيتص الحرارة ويفقدها اسرع من النحاس لاكن صعوبة التصليح هي مشكلتة فلو لاقدر الله الرادياتير اتخرم هتصرف تمن واحد جديد او علي الاقل نصفة في تصليحة بخلاف ندرة اللي بيشتغل فيهم
علي عكس النحاس بيمتص الحرارة ويفقدها ابطي من الالمونيوم لاكن من ناحية تانية سهولة التصليح هلي اللي بتجذب الناس لية لو لاقدر الله اتخرم او حصلة حاجة عند اي حد بتاع رادياتير بتكلفة بسيطة لن تتعدي 20 او 30 جنيه يرجع احسن من الاول
ثالثا من المعروف ان اي رادياتير متصل ببعضه والمواسير متصلة :inlove: لاكن انا كنت ببسط شرحها
تقبل تحياتي وفائق احترامي وتقديري :giveflowers:
واختلاف البط لا يفسد للوز صنية :tongue02:
هعهعهعهعهعهعهعهعهعهععه
حلو موضوع البط دة
هع هع هع هع هع هع هع
الموضوع كبير
ايه اخبار البطاريه معاك ؟؟؟؟
لو البطاريه تعبانه البايك هيسخن منك ....،
مش عاوز حد يعمل فيها ناصح ههههههه ويقولي ايه علاقه البطاريه بالحراره !!!!!!!!
علشان دي تجربه شخصيه والبايك كان بيعدي ال ١٠٥ في الحراره وطبعا كنت بسمع صوت المروحه تشتغل ولكن للاسف البطاريه مكانتش تديها سرعه كافيه علشان تبرد وكانت الحراره ترفع اكثر وتعدي ال ١١٠ وال ١١٥ والمروحه مش عامله حاجه بسبب قله الكهرباء من البطاريه وكنت اضطر اني اوقف البايك او اذيد السرعه فوق ال ٨٠ علشان ابرده وفي نفس الوقت احاول اني امشي علي rpm عالي علشان الشحن في البايك بيبداء من ٦ rpm وبكده ممكن الاقي تبريد من المروحه وطبعا الموضوع ده خلاني الف حوالين نفسي وبعد البحث في منتديات اجنبيه كتير عرفت المعلومه دي وفعلا بعد ما غيرت البطاريه الحراره ظبطت عندي وكنت حتي لو انا واقف بالبايك وبمجرد ما الحراره توصل ١٠٥ المروحه تشتغل وخلا دقيقتين الاقي الحراره نذلت الي ٨٥ والمروحه تطفي وبعد كده يداء يرفع تاني لغايه ال ١٠٥ وهلما جرا طبعا الكلام ده في حاله اني اكون واقف او ماشي اقل من ٤٠ مثلا وده لما بكون جوا البلد ولكن في حاله طريق سريع والمشي بسرعه الحراره عاديه خالص
كلام سليم طبعا
مع العلم ان فحاله ضعف البطاريه يتم التحميل علي الجنريتور بشكل اكبر ودا يتسبب فتسخين البايك بطرق عديده منها سخونيه ملفات الجنريتور ومن الممكن تلفه وضعف سرعه المروحه وضعف شمعات الاشتعال.
الحاجه التانيه:البطاريه الجيده تؤدي الي استقرار الجهد المستمر (الجهد الكهربي) لبايك
ثالثا: ضعف البطاريه يؤدي الي تلف ملفات الجنريتور كما ذكرنا وايضا تلف الريكتوفير (وهو المسؤول عن عمليه الشحن وتنظيمها)
تحياتي
انا ياباشا مقولتش انك قولت نشيل مراوح ولاحاجه انا اقصد كميه الميه لو هاتزيد يبئا لازم سرعه المروحه تزيد او حجم المروحه يكبر او يبئا في تغير فشكل الريداتير كشكل مقوس ودا صعب طبعا. ولان من المنطق مساحه مقطع المواسير بئت اكبر حجما نحتاج الي كميه هواء اكبر لتبريد ودا كلام علمي. ممكن نتغاض عن الكلام دا لو فحاله ان الريداتير المونيوم كنت هبئا معاك فكلامك.
اما الجزء ال كان محتاج توضيح من حضرتك انك قولت حجم المواسير تقريبا واحد كدا تفرق!يعني معني كلامك مفرئتش عن وضع الشركه الا مساحات طفيفه لا تذكر يعني نقدر نقول ان لو صممنا نفس تصميم الشركه هاتكون النتائج وحده.
تحياتي وارجو ان النقاش ميكنش دايئ حد