سؤال فى استهلاك السيارات ال 1600 للبنزين

**احمد عزت** · 01-08-2008 04:45 PM

السلام عليكم ....ممكن يكون السؤال مكرر ولكن لكى تعم الفائدة على الجميع احد الاصدقاء يريد شراء سيارة عائلية لة وللاسرة ولكن بعد ارتفاع اسعار البنزين اصبح التفكير اولا فى الاستهلاك: كان عايز يجيب عربية 1600 ويبعد عن 1300 علشان السفر كتير وتتحمل الشد والجرى والحاجات دة وتكون استهلاكها كويس
سمع ان الانسر 1600 بتاكلل بنزين بطريقة رهيبة وانا نفسى مستغرب هوة الموضوع موضع سواقة ولا الموتور تعبان
الانترا والسيراتوا عاجبينة شكلا ولكن هوة مش عايز يدخل فى قصة اليابانى والكورى
اليارس انا مرشحهالة بس هية شكلها اصلا مش عجباة وشايف ان العفشة بتاعتها مش هتبقى معمرة زى الكورولا القديمة
فكر فى الاوكتافيا اى فور مانيوال ب 122 بس ناس قالتلوا بردك بتاكل بنزين جامد بس هوة عجباة شكل العربية الكلاسيكى وقوة الصاج ومحدش اشتكى منها وبقالها اهو بتاع 10 سنين فى مصر زى الفل
فكر يزود ويجيب الكورولا ....سمعنا كلام عن الفتيس المالتى مووود.....قالى طب المانيوال اة نظامها.....سمعنا كمان ان قطع غيارها غالية اوى......هوة من الاخر مرتاح للانسر البومة 1600 اتوماتيك هاف اوبشن اللى التوكيل اخيرا جابها ب 111 الف او الاوكتافيا ويضحى بالاتواتيك وتبقى ب 122 ويبعد عن فئة ال 140 الف دة اللى تتوة خالص وتدخلك فى سكك الفيكترا والسيفيك ......فياريت الناس تدينا رأيها فى موضوع استهلاك اللبنزين بالظبط فى العربيات دة ويقوللنا رأيهم .....ولكم جزيل الشكر

**احمد عزت** · 01-08-2008 04:50 PM

ارشحلة الاوكتافيا لعدة اسباب بعد خبرتى فى محاولة شراء سيارتين زيرو فى مصر يارس وسيفيك
عربية سمعتها معروفة ومتجربة بقالها 10 سنين
شكل قديم بس حلو واحسن من الاشككال الجديدة زى اليارس حبيبتى اللى ما تفهملهاش وش ممن ضهر ومازلت بقولها اليارس ماهى الا موتور وفتيس كورولا ومركبين علية عربية لعبة بس حلوة فى المدينة والمشاوير العادية
صاج محترم وقوى يستحمل الخبطات
ثبات وتقفيل جيد
موتور معمر اكيد والا مكناش شفنا ناس بتبيعها موديل 99 وعامل بيها 280 كيلو وفارمها والعربية لسة بحالتها
قطع الغيار اكيد منتشرة جدا
بس البنزين الصراحة م عارف ...........وهوة دة الفيصل

وهل الواحد لو كمل مع انى مش بحب نظرية يكمل دة بس لو جاب كورولا جنوب افريقى مانيوال ب 140 تبقى احسن ولا مش فارقة بجد