الموضوع: مشكلة قطع سير الكاتينة

السلام عليكم جميعا انا النهاردة هحكي اخر مشكلة مع العربية سيات ابيزا 1992 سيستم بورش رخت للميكانيكي الصبح غيرنا فلتر بنزين و زيت و فلتر زيت و بوجيهات بوش الماني 3 شمعة و قال انا هشد سير الكاتينة شوية علشان مرخي المهم شده و نضفنا البوابة وركبنا كل حاجة و طلعنا نجرب 100 100 بعدها قلت اما اروح شارع دمشق وانا ماشي لقيت صوت سير اتقطع و العربية وقفت ف مكانها و بطلت طبعا من خبرتي المتواضعة عرفت انو سير الكاتينة علشان شوفت سير الدينامو سليم المهم محاولتش ادور خالص وركنت العربية ورحت اشتريت سير كاتينة ورحت جبت الميكانيكي يركبو بعت معايا الصنياعي الي عنده المهم قعد يجرب و مش رادية تظبت معاه رحت رايح جايب البيه الميكانيكي بنفسه برده فك وش التاكيهات وقال ان الصبابات اتعوجت ولازم تيجي الورشة و تتفك و تتخرط وكدا المهم انا يصراحة مردتش اوديها عنده تاني رحت جبت صاحبى و قطرناها لميكانيكي ف مشية البكري كان واحد بتاع جولف قالي انو عنده 3 عربيات انصاص وديتها عنده قالي تعالي بكرة روحتلو تاني يوم وراني الوش ان فيه 4 صبابات من ال 8 طالعين من مكانهم قالي نودي الوش عند الخراط و نجيب طقم صباب ب 380 ونجيب طقم كاوتش صباب ب 100 و الخراط ياخد 200 ونجيب طقم جوانات ب 150 -200 او اجيبلك وش كامل من علي مكنة عندي و نجيب جوانات ونركب عادي من غير خرط ولا اي حاجة المهم سالت كدا و قلت خلاص نجيب من عنده قالي هتتكلف 800 الوش و 200 جوانات و 250 مصنعية يعني 1200 بعد الفصال رحت تاني يوم لقيته خلص وقالي انا غيرت ماسورة المية وورهاني و طبيتين كانوا بيجيبوا ميه ودول ب 150 جنيه الخلاصة دفعت 1200 وهوا اخد الوش القديم ب 150 انا حاسس انو نصب عليا بس هوا الحقيقة ظبتها الحمدلله مش بتسخن ولا في مشكلة ف السحب ممكن خبراتكو ف الاسعار وشكرا و اسف علي الاطالة