سلام عليكم جميعا
انا عضو قديم في المنتدي لكن مدخلتوش للاسف من فتره طويله! الدنيا اتغيرت اوي هنا ما شاء الله التحصصات زادت وتشعبت! ربنا يزيدكم ( منتديات السيارات الالمانيه مفهاش جوانب اجتماعيه تماما! يالا فكره رساله ماجستير اهي لللي عايز ههه)
الموضوع باختصار اني ان شاء الله نازل رحله بحثيه لمصر (متعلقه برساله الدكتوراه بتاعتي) لمده 3 شهور. الفتره دي انا محتاج فيها عربيه! واقل ايجار للمده دي هيخش في 9000 جنيه (الف يورو) تقريبا
ففكرت اني اشتري عربيه من هنا (يعني في خته 600ل 1000 يورو ولا حاجه مرسيدس او ميني فان موديل اواخر التسعينات ماشيه اكتر من 250 الف كيلو) وابعتها مصر اقضي بيها مده التلات شهور وبعدين احاول اقطع اجزاء منها (موتور ابواب عفشه) كده وابيعها خرده واسيب الباقي او ارميه او احرقه اي حاجه. مش هاكون محتاجه تاني يعني
هي مجرد فكره معنديش اي خلفيه عن اسعار الشحن (لو زنقت اسوقها من المانيا ايطاليا عباره لتونس وبعدين ليبيا مصر اهو الواحد يتفسح شويه ) او اذا كان الموضوع ده فعلا ممكن في مصر ولا لا
حد عنده خلفيه او اي معلومات.
انا محتاج العربيه كام شهر في المانيا برده يعني هتفرق كتير نوع العربيه نفسها (عشان التامين واستهلاك البنزين) فيا ريت لو اقتراحات او اي معلومات ممكن تفيد
ان شاء الله هانزلها ميناء دمياط
شكرا مقدما
اخوكم عمرو
واسف لو النوضوع محطوط في المكان الغلط بس معرفش بصراجه موضوع زيده يتحط فين!