هو اللى ما عجبنيش في فتيس البوما إن لما كنت أبقى عايز عزم زيادة وأدوس عشان أحرق على الغيار أسمع صوت الموتور عالي كتير عن نسبة العزم وتسارع العربية اللى أنا في الآخر خدتها
يعني الصوت عالي لكن في الآخر مش مناسب للسرعة اللى العربية خدتها
لكن في البيرسونا لما بدوس على البنزين صحيح الطلعة بتتأخر لمدة ثانية أو ثانيتين بس بتطلع فجأة فعلا مع عزم قوي وطلعة قوية وصوت من الموتور مش عالي على الفاضي ولكن الطلعة بتحسها فعلا حتى لو كنت ماشي على 100 وقررت إنك تدوس فجأة برضه ها تحس بالسحبة الفجائية القوية بتاعة العربية
يعني الفتيس ممكن يسقط نقلة أو إثنين عشان ياخد قوة العزم اللى انت طلبتها حسب قوة دوسة رجلك على الدواسة
هو في جميع الأحوال الموضوع ده تكراره غلط جدا على الفتيس الأتو وممكن يجيب أجله بدري بدري ... لكن لما تحتاجه بتلاقيه مستجيب تحت رجلك
فتيس اللانسر اللي بتكلم عليه ما كانش ستيب ترونيك .. بس مش عارف سي في تي ولا عادي بصراحة
المفضلات