السلام عليكم
انا محتار اجيب بروتون برسونا مانيوال ولا اوتوماتيك.
رجاء من الخبراء وماليكى السيارة يقول لى ايهما افضل.
عرض للطباعة
السلام عليكم
انا محتار اجيب بروتون برسونا مانيوال ولا اوتوماتيك.
رجاء من الخبراء وماليكى السيارة يقول لى ايهما افضل.
بصراحة انا عندى الجين المانيوال حاسس انها احسن بكتير وارخص من لو كانت اتوماتيك يمكن علشان انا بسافر بيها كتير مش بتحرك فى اماكن زحمة
رأي تجبها مانيوال
توفير فلوس وصيانات اقل كتير وقدام برضه اقل عرضه للمشاكل وتوفير بنزين ومتعة سواقة اكتر
كلامي لا يعيب الاوتو فشئ
والله اعلم ..
مانيول طبعا مشاكل اقل بكتير وتوفير فلوس
اتوماتيك ... فرق الفلوس يستاهل ...اﻻتوماتيك فيها مثبت سرعة
اﻻتوماتيك اسرع فى اعادة البيع . ...... حسب ما قريت هنا فى المنتدى المانوال فى الجين 2 نقﻻته مش ناعمة زى اليابانى .
....الكيك داون بتاع اﻻتوماتيك جبار بتحس انك لزقت فى الكرسى ...انا مجربتش اسوق المانوال بس اكيد انها طلقة ﻻن اﻻتوماتيك صاروخ
الاتوماتيك طبعا افضل لعده اسباب
1- الطلب عليها اكتر فى اعاده البيع
2- البرسونا الاوتوماتيك الهاى لين بس هى الى بينزل فيها نظام الـــebdمع الــ ebs طبعا غير الجنوط وخلافه
3-الفتيس بتاعها محترم - اغلبيه الى بيجيبوا مانيوال بيبقوا خايفين من اعطال الفتيس الاتوماتيك بس ده ما يمنعش ان تكلفه صيانته اغلى طبعا بس اريح فى السواقه كتير وفعلا الكيك داون بتاعه قوى
بس اهم حاجه انت هاتجيب جديد ولا مستعمل ؟ لان ده عليه عامل فى القرار برضوا
واى استفسار انا تحت امرك
المعلومة دي مش مضبوطة
الجين والبرسونا ، المانيول والاتوماتيك -- هما الاثنين بينزل فيهم abs و ebd و جنوط وخلافة.
وموضوع انها الاتوماتيك عليه طلب اكثر فى البيع جايز يكون عندك حق ، دة مش شرط نهائي ، لأن فى ناس تحب تشتري مانيول علشان بتحب تسوق مانويل او علشان ارخص خمسة آلاف.
---
صاحب الموضوع شوف انت ترتاح فى ايه اكثر ، لو بتسوق فى زحمه كثير الاوتو احسن علشان هيريحك ، لو مش فارق معاك موضوع الزحمة يبقي مانيول احسن وهتوفر فلوسك ، وهتاخد أداء رياضي اعلي من الاتوماتيك ، هو فرق التسارع مش رهيب بين الاثنين "فرق كام ثانية يعني " بس المانيول اسرع و رياضي اكثر على العموم.
+1
بالضبط كدة ... الفيصل هنا هو راحتك انت وطبيعة سواقتك
أنا بحب المانيوال جدا ... بس جبت أتوماتيك لعدة أسباب منها إن الزحمة في مصر بقت لا تطاق
لو مش بتدخل في زحمة كتير يبقى ممكن تفضل إنك تجيب المانيوال ... بس مش شرط برضه
لأن على فكرة الأتو سواقته ممتعة جدا فيها مش زي بقية العربيات اللى انا ركبتها زي اللانسر البوما مثلا خالص