اجراءات فحص السيارة فى مرور البساتين

ايه هى الاجراءات غىا الفحص والتجديد فى مرور البساتين؟:120146b

ربنا معاك دة هيبقى يوم أو يومين لن تنساهم طول عمرك هى نفس الاجراءات العادية بس أشكال موظفين وناس ربنا يرحمنا الحمد للة أنا غيرت عنوانى بس علشان لا أفحص هناك ابدا المهم من 8.5 صباحا وياريت يكون معاك حد صحبك علشان أنت فى طبور وهو يقف فى طبور الخزينة المميت والفكة معاك كتير الفحص هياخد 20 جم والبصمة 5 جم والشباك عند الملف 20 جم وخد بالك لما تستلم الرخصة خلى معاك صورة الرخصى القديمة لانهم بيغلطوا فى ارقام الشاسية حصلت مع أخويا وطلع عينة علشان يغيرها لدرجة أنهم فكو الرخصة وقشطو الرقم فلما زعق ودخل للظابط وأعتصم فى المكتب وعمل قرد غيروها بس بأجراءات تانية خد بالك الموظفين هناك شوية حوش ولازم طفاية سليمة وسارية مش بيرضوا يمشو التالفة أبدا الجديدة 140 جم وربنا يعينك

شكراااا جزيل على الرد السريع

ربنا معاك

انا هنقل ملكية العربية وهيا مرور المنيا وانا مرور البساتين والعربية فيها خبطة في الرفرف الى ورا شمال
هل ده ممكن يعمل مشكلة في الفحص ولا هم بيبصوا على الموتور بس؟